महाराष्ट्रनि वध्वन प'र्ट प्रजेक्टआ JNPA, NMDC हान्जानि सागान महरै 21,000 कौटि रांनि पुश मोनदों

भारतनि लैथोआरि बिथायारि सानजथाइखौ गोख्रों खालामनायनि फारसे मोनसे गेदेर आगानआव, जवाहरलाल नेहरू प'र्ट अथ'रिटिआ (JNPA) महाराष्ट्रनि पालघर जिल्लायाव ग्रीनफील्ड वधवन जाहाज गाथोननि जौगाथायनि थाखाय NMDC ग्रुप PJSG जों मोनसे गोरोबथानि गोरोबथायाव सागान होदों।

मंगलबाराव (18 फेब्रुवारि) फोसावनाय गोरोबथायाव NMDC हान्जाया फैबाय थानाय जाहाज गाथोन मावथांखिनि थाखाय ड्रेजिं, लुफामफिननाय आरो बोरिमायारि रैखाथिनि थाखाय 21,000 कौटिसो रां थिसनगोन।

JNPA नि मासिगिरि आरो सामलायगिरि बिथोनगिरि उन्मेश शरद वाघ आरो NMDC हानजानि गाहाय मावफुं मावख'गिरि यासिर जाघलौलनि गेजेराव बे MoU खौ नेमखान्थि गोनां खालामनाय जादोंमोन।

76,200 कौटि रां खरसा खालामनाय वाधवन मावथांखिखौ वधवन प'र्ट प्रजेक्ट लिमिटेड (VPPL) आ दैदेनगासिनो दं, जाय मोनसे जुनिया थांखिनि बाहन जेराव JNPA हा 74 जौखोन्दो बाहागो दं, बबेखानि महाराष्ट्र मेरिटाइम ब'र्डआ आद्रा थानाय 26 जौखोन्दोनि बिगोमा।

JNPA आ बेखौ नोजोर होदोंमोन दि NMDC हानजानि रां थिसननाया "बुहुमनाङै गोजौसिन 10 रुंमा गाथोनफोरनि गेजेराव मोनसे आरो इयुननि मोनसे जाहाज गाथोन" गायसननायनि थाखाय मोनसे रादाय होनायखौ दिन्थियो।

ALSO READ: दिनै सनानि हार 19-02-2025: नोंथांनि नोगोराव गोदानसिन बेसेनफोरखौ नायग्रोम।

NMDC ग्रुप PJSG, जायखौ सिगाङाव नेशनेल मरीन ड्रेजिंग कम्पानी पीजेएससी मुङै मिथिनाय जायोमोन, इन्जिनियारिं, लैथोआरि ड्रेजिं, बायनाय आरो लुनायाव मुलुगनाङैनो गनायथि मोन्नाय गेलेगिरि।

आबु धाबीआव गाहाय मावख', गेजेर सानजा आरो बिनि बायजोआव बेनि गोख्रों थाथाय दं।

मोनसे मुलुग-थाखोनि लैथोआरि सुबिदा जानो गोनां वध्वन रुंमा गाथोना भारतनि फालांगियारि गोहोखौ मख'जाथाव महरै बांहोगोन, कार्ग' सामलायनायखौ मोजाङै खालामगोन आरो मुलुगनां शिपिं नेटवर्कआव गावनि थाथायखौ गोख्रों खालामगोन।