फालांगियारि बेलेबेजेखौ फोजोबनो थाखाय इउ.एस.आ चीननि जाहाजफोराव गोदान जाहाज गाथोननि मासुल जाबसिनदों

मुलुगनां फालांगियाव आरोबाव मोनसे गाहाय गोहोम गोग्लैनो हागौ, आमेरिकाया थांनाय सप्तायाव चीननि बिगोमा एबा सालायजानाय जाहाजफोरनि थाखाय गोदान जाहाज गाथोन मासुल बेखेवदोंमोन जाय आमेरिकानि जाहाज गाथोनफोरखौ लिंहरो। 'टेक्स' आ अक्ट'बरनिफ्राय गोहोम गोग्लैगोन। बे मासुलफोरा बाइडेन खुंथाइनि सिङाव गायसनजानाय मुलुगनां शिपिंनि चीननि गोहोमनि सायाव आमेरिकानि नायबिजिरनायनि जोबथा। फोजोबथिया बेनोदि बेइजिंआ जाहाज बानायनायाव बादायलायनायखौ फेलें खालामनो थाखाय गोबां रायजोआरि साब्सिडीजों लोगोसे अनुचित आदबफोरखौ बाहायदों। चीनजों बानायजानाय जाहाजफोरा दिनै गासैबो गोजौसिन 10 मुलुगनां शिपिं कम्पानिफोरनि जाहाजनि मोनसे गाहाय बाहागो, बबेखानि चीननि शिपिं फार्म कस्क'आ नैथि बयनिख्रुइबो देरसिन लैथोमा रोगाग्रा। जाहाजफोराव 80 जौखोन्दोनि बांसिन मुलुगनां फालांगि खालामनायजों, वाशिंगटनआ फोथायो दि शिपिंआव चीननि गोहोमखौ सिफायनांगौ।

जिखिजायामानो, फेब्रुवारियाव वाशिंटननि सानथांखिफोरखौ नायखांनाया गासै शिपिं दारिमिनाव एलार्म सोमजिहोदोंमोन। बेखेवजानाय मासुलआ गिबियाव सिगिनाय मोनसे दै-गाहाय रोखोम - मोनफ्रोम जाहाज गाथोन कलआव 1.5 मिलियन डलारसिम। बिनि सोलायै, चीननि बिगोमा एबा सालायजानाय जाहाजफोरनिफ्राय मोनफ्रोम नेट टनआव 50 डलार लानाय जागोन, बबेखानि चिन नङि कम्पानिफोरनि बिगोमायारि चीननि जाहाजफोरनिफ्राय मोनफ्रोम नेट टनआव 18 डलार लानाय जागोन। बिनि उनाव फैगौ थाम बोसोराव बेसेना बोसोराव 5-30 डलार बांगोन। नाथाय आमेरिकायाव चीननि दैथायहरनायाव 245 जौखोन्दो खाजोनानि गोजौसिनाव फैनानै, जाहाज गाथोननि मासुलआ आमेरिकानि लजिस्टिक फार्मफोर आरो बाहायगिरिफोरनि सायाव आरोबाव बजा होगोन।

ALSO READ: आमेरिकान डलारनि रुजुनायाव रांनि बेसेना 33 फैसा बांनानै 85.05 रां जाबाय

बेयाव मोननै बिन्दो दं। सेथियाव, बेयो रोखा दि टिम ट्राम्पआ बिथांखिफोरखौ फोसावनायनि सिगां बाथ्राफोरखौ सानाखै। बेयो जोबोद हेंथा होग्रा आरो जोबनायाव फोथायथिखौ खहा खालामनानै मोनसे रलबेक जाहोयो। नैथियाव, जाहाज गाथोननि मासुलआ आमेरिकानि शिपिंखौ फोथांफिन्नो थाखाय मोनसे गोनोखोआरि नङि राहा। बे बाथ्राया सैथोदि नैथि मुलुग दावहानि उनाव आमेरिकाया बे दारिमिनाव सेथि मासियाव दंमोन। नाथाय थांनाय जि बोसोर खावसे बोसोराव चीनआ आदबजों दारिमिननि सायाव गोहोम खोख्लैदोंमोन, जाय बिनि दिङा सान्थ्रि फेहेरनाय आरो फालांगियारि शिपिंनि गेजेरनि सिमाफोरखौ रोखा खालामदोंमोन। 2024 मायथाइयाव, चाइना स्टेट शिप बिल्डिं कर्प'रेशनआ नैथि मुलुग दावहानि उननिफ्राय गासै आमेरिकानि जाहाज बानायग्रा दारिमिननि रुजुनायाव बांसिन फालांगियारि टनेज लुदोंमोन। चीनआ दिनै बोसोराव 1,700 नि बांसिन जाहाज दिहुनो; आमेरिकाया मोनबासोनिल'।

बेनिखायनो खाथिनि इयुनाव बेवहाय चीनखौ हमनो हानाय नङा। नाथाय बेवहाय मोनसे आयदाबो दं। फालांगियारि जाहाज बानायनाया गुदि रां गोनां नाथाय रकेट बिगियान नङा। भारत बायदि गिदिर लैथो रुगुं गोनां लैथोआरि हादोरफोराबो थि बिथांखि लाना बे दारिमिनाव गेलेगिरिफोर जानो हागौमोन। भारतारि जाहाज गाथोनफोरा बुहुमनाङै गोजौसिन 100 नि गेजेराव मोनगु रेंकिंजों गोबां जौगानाय नुनो मोन्दों। नाथाय फालांगियारि जाहाज बानायनायाव जोबोद बाङाय रां थिसननाय जादों, जाय मोनसे गिदिर गोमालांनाय खाबुखौ दिन्थियो। बेनि थाखाय चीनखौ दायनिगिरि खालामनायनि जेबो ओंथि गैया।