टायर बानायग्राफोरा राबार दिहुनथायखौ बांहोनो थाखाय सा-सानजा, बेंगलाव 100 कौटि रां खाथायदों, गौथुमा बुङो

टायर बानायग्रा कम्पानिफोरा सा-सानजा आरो सोनाब बेंगलनि माखासे बाहागोफोराव दिहुनग्राफोरनि रोंग'थि जौगाहोनो आरो मिथिंगायारि रबरनि गुन आरो दिहुन्थायखौ बांहोनो थाखाय बिथायारि सानजथाइ सोरजिनो थाखाय 100 कौटि रां थिसनगासिनो दं होनना बिथांमोननि गौथुमा बुंदों। अट'म'टिभ टायर मेनुफेक्चरर्स एस'सिएशन (ATMA) नि मासिगिरि अर्नब बेनार्जीआ बुंदोंमोन दि बे हाबाफारिखौ प्रजेक्ट इन्डियान नेसारेल राबार अपारेशन्स (INROAD)नि बाहागो महरै लानाय जादों।

बेनार्जी, जाय CEAT लिमिटेडनि MD बो, बुंदोंमोन दि INROAD आ बुहुमाव गावनि रोखोमनि गिबिसिन मावथांखि जायनि सिङाव टायर दारिमिना रबर बागाननि जौगानायाव थोंजोङै बिहोमा होगासिनो दं।

बिथाङा बुंदोंमोन दि बेयो ATMA सोद्रोमाफोर - एपल', CEAT, JK आरो MRF जों राङारि मदद होजायो आरो भारतनि रबर ब'र्डजों मावफुंजायो। बिथाङा बुंबावदों दि थांनाय ब्रै बोसोराव सा-सानजा आरो सोनाब बेंगलनि मोन 94 जिल्लाफोराव 1,25,272 हेक्टेयरनि हालामखौ गोदान राबार बागाननि सिङाव फोनांजाबनाय जादों।

बेनार्जीआ बुंदोंमोन दि बेयो बेबादि समनि गेजेराव हादोराव मोननो हानाय बयनिख्रुइ बांसिन रबर बागानफोरनि गेजेराव मोनसेखौ दिन्थियो। बे समाव 1 एकड़निबो बाङाइ हा गोनां सुबुंफोरनि गेजेराव रेकर्ड 5.3 कौटि बिफां गायनाय मुवाफोर राननाय जादोंमोन होनना बिथाङा बुंदोंमोन।

ALSO READ: पेटिएमनि गोजौ थाखोनि मावख'गिरिफोरा SEBI नि नेमखान्थि सिफायनायखौ फोजोबनो थाखाय 3.32 कौटि रां होयो

बेनार्जीआ बुंदोंमोन दि प्रजेक्ट इनर'डनि थांखिया मिथिंगायारि राबारनि दिहुनथायखौल' बांहोनाय नङा, नाथाय बेनि गुनखौबो बांहोनाय जाय आबादारिफोरनि थाखाय साबसिन बेसेन मोनो।

बे मावथांखिनि सिङाव, फोरोंथायखौ डिजिटेल आदबनि गेजेरजों होनाय जादों आरो मडेल स्मोकहाउस आरो प्रसेसिं आरो ग्रेडिं मिरुफोर बायदि बिथायारि सानज'थायफोरबो लुनाय जादों होनना बिथाङा बुंदोंमोन।बेबादि गिबिसिन मडेल स्मोकहाउसखौ समबाराव बेनार्जीआ आसामनि गवालपारा जिल्लायाव मोनसे आइजो समबायनि थाखाय बेखेवदोंमोन।