TVS आ मोब्लिबारि साखा-खबथाम हाथायाव मोनसे गाहाय गेलेगिरि जानो सानथांखि लादों: CEO KN राधाकृष्णन

TVS आ 20 जानुवारीखालि सोलिबाय थानाय भारत म'बिलिटि एक्सप'आव गावनि गिबिसिन मोब्लिबारि साखा-खबथाम गारिखौ लन्च खालामदोंमोन।

L5 (दावबायारि) खोन्दोआव गावनि गिबिसिन मोब्लिबारि साखा-खबथाम, किंग EV मैक्सखौ लन्च खालामनायजों, TVS मटर कम्पानिया फैगौ थाम दानथामाव मोब्लिबारि साखा-खबथाम खोन्दोआव सासे गाहाय गेलेगिरि जानायनि थांखिखौ गायसनदों।

"साखा-खबथाम थाखोआव EV हाबनाया गोख्रै दावगालांगासिनो दं। EV थाखोआव, जों सासे मुंदांखा गेलेगिरि जानो लुबैयो।  आं जेबो अनजिमा होआखै, नाथाय नोंथाङा साखा-खबनैनि हाथायाव जोंनि EV अनजिमाफोरखौ नुबाय। जोंनि थाखाय गोहोआ जेबो जेंना नङा। जों गोख्रैनो दावगानो हायो मानोना जोंनाव गोहो दं, "TVS मटर कम्पानिनि सामलायगिरि आरो गाहाय मावफुं मावख'गिरि (CEO) KN राधाकृष्णनआ बुंदोंमोन। राधाकृष्णननि बायदिब्ला, रांखान्थियारि बोसोर 25 मायथाइनि गिबि गु दानाव मोब्लिबारि साखा-खबथाम खोन्दोआ 27 जौखोन्दो बांदों।

TVS आ 20 जानुवारीखालि सोलिबाय थानाय भारत म'बिलिटि एक्सप'आव गावनि गिबिसिन मोब्लिबारि साखा-खबथाम गारिखौ लन्च खालामदोंमोन। गोदान दिहुनथायखौ 2.95 लाख रांनि जागायजेन्नाय बेसेनाव लन्च खालामनाय जागोन आरो बेखौ उत्तर प्रदेश, बिहार, जम्मु आरो काश्मीर, दिल्ली आरो सोनाब बेंगलनि सायख'जानाय डीलरशिपफोराव मोननो हागोन।

नख'रारि मोब्लिबारि साखा-खबथाम हाथाइयाव गोबावजों हाबनायनि उनावबो, कम्पानिया बायगिरिफोरखौ गोसो बोनो थाखाय मिजिंथिना दं। "गोबाव जानाय लन्च होननाय जेबो गैया। आंनि बायदिब्ला, जेब्ला दिहुनजानाय बेसादआ थियारि जायो आरो नोंथाङा मिन्थिगौदि नोंथाङा बायगिरिखौ थार रोखोमनि थांखि एबा बेसेनजों गोजोनहोनो हायो, अब्ला नोंथाङा बेखौ लाबोयो...आरो TVS हा मोनसे जोबोद गोख्रों डिजाइन आरो जौगाथाय गोहो दं आरो जों जेब्लाबो बायगिरिनि सायाव गोसो होगोन," राधाकृष्णनआ बुङो।

ALSO READ: Kazam Showcases Innovations At Bharat Mobility Expo 2025, Launchs LEVDC Fast Charger, EMS

TVS मटर कम्पानीनि कमर्शियेल म'बिलिटिनि बिजनेस हेड रजत गुप्तानि बायदिब्ला, कम्पानिया L3 (कार्ग') खोन्दोजों लोगोसे मोब्लिबारि साखा-खबथाम जायगायाव बांसिन दिहुनजानाय बेसादफोर लन्च खालामगोन। गुप्तानि बायदिब्ला, कम्पानिनि गाग्लोबनाय फेहेरनाय मावखान्थिजों, TVS आ ICE-CNG खोन्दोआव गावनि हाथाइनि बाहागोखौ 4.4 जौखोन्दोनिफ्राय 10 जौखोन्दोसिम बांहोनो हादोंमोन, जेराव बेयो आथिखालाव खामानि मावो।

मख'जाथावदि, कम्पानिया साखा-खबथाम आरो फिसा साखा-खबब्रै गारिफोरखौ हाथाय खालामनो आरो बानायनो थाखाय हुण्डाई मटर इन्डियाजोंबो लोगो जादों। दिहुनजानाय बेसादफोरनि सानदांथि मडेलफोरखौ थांनाय सप्तायाव भारत म'बिलिटि ग्लबेल एक्सप'आव दिन्थिफुंनाय जादोंमोन। हुंडईनि बिबुंथिनि बायदिब्ला, "हुण्डाई मटरआ डिजाइन, इन्जिनियारिं आरो बिरोंदामिन जासिनायखौ नागिरगासिनो दं, जेराव TVSM आ गारिफोरनि दिहुननाय, हाथाइ आरो लोगो-जौगानायाव बिहोमा होगोन।