त्रिपुरा बिजनेस कनक्लेभ 2025 आ 07-08 फेब्रुवारियाव: मन्थ्रि सान्ताना चाकमाया रां थिसनगिरिफोरखौ रायजोनि गोहोखौ अनलक खालामनो हांख्रायहरदों

आगरतला, 22 जानुवारि, 2025: त्रिपुरा सोरखारा गोबां आसा खालामजानाय त्रिपुरा बिजनेस कनक्लेभ 2025 खौ खुंनो थियारि जादों, जायनि थांखिया रायजोखौ रां थिसनगिरिफोर, दारिमिननि दैदेनगिरिफोर आरो खान्थि बानायग्राफोरनि थाखाय मोनसे गाहाय थावनि महरै जायगा होनाय। 7 आरो 8 फेब्रुआरि 2025 मायथाइनि थाखाय हटेल पल' टावार्स, आगरतलायाव थिखानाय बे हाबाफारिया गाहाय सेक्टरफोराव त्रिपुरानि गोबां खाबुखौ दिन्थिनो समायखिरा लायो।

बुधबाराव आगरतलायाव मोनसे खौरां मेलाव दारिमिन आरो फालांगि मन्थ्रि सान्ताना चाकमाया गावनि गोसो गुदुं फोरमायनानै बुंदों, "त्रिपुराया गावनि रांखान्थियारि जौगानायाव मोनसे गोनांथार बिन्दोआव दं। बिजिनेस कनक्लेभ 2025 आ रायजोनि धोनि सम्फदफोर, मावखान्थियारि थावनि आरो रां थिसनगिरि-लोगोआरि बिथांखिफोरखौ दिन्थिनो थाखाय जोंनि नाजानाय। त्रिपुराया होनो गोनां गोबां खाबुफोरखौ नायगिरनो थाखाय जों स्टेकहोल्डरफोरखौ हांख्रायहरो।

"डेस्टिनेसन त्रिपुरा - बिजनेस कनक्लेभ, 2025" मुंनि साननैनि जथुम्मायाव दावबायारि, सोलोंथाय आरो रोंग'थि जौगाथाय, IT, सावस्रि जोथोन आरो आदार प्रसेसिं बायदि बिथिङाव मिरुआरि खोन्दोआरि सावरायनाय जागोन। बेयाव हेफाजाबखौ बांहोनायनि थांखिजों बिजिनेस-टु-गवर्नमेन्ट (B2G) जथुमफोरबो थाफागोन। बेजों लोगोसे, बे हाबाफारियाव सोलोआरि बाहागोदारिफोरखौ नेमखान्थि गोनां खालामनो थाखाय एम.अ.यु. सागान होनाय आरो सोलाय-सोल' खालामनाय नुनो मोनगोन।

मन्थ्रि चाकमाया रांखान्थियारि जौगाथायखौ बांहोनो थाखाय रायजोनि रादाइनि सायाव गोसो होनानै बुंदोंमोन, "बे जथुम्माया रां थिसननायनि थाखाय मोनसे थुलुंगागिरि महरै खामानि मावगोन जाय साख्रि सोरजिनायखौ थुलुंगा होगोन, बिथायारि सानजथाइखौ जौगाहोगोन आरो जायगायारि दारिमिनफोरखौ जौगाहोगोन।

बे जथुम्मानि समाव नोजोर होजानाय गाहाय सेक्टरफोरा जाबाय IT आरो इलेक्ट्रनिक्स, जेराव त्रिपुरा IT/ITES खान्थि 2022 खौ मावफुंनाया रायजोनि डिजिटेल बिथायारि सानजथाइखौ गोख्रैयै बांहोगासिनो दं। मन्थ्रि सान्ताना चाकमाया रोखा खालामदोंमोन, "त्रिपुराया डिजिटेल सोलोंथाय आरो बिथायारि सानजथाइखौ जौगाहोनायनि थांखिजों गावखौ IT/ITES मावसंथानफोरनि मोनसे मिरु महरै गायसनगासिनो दं।"

सोलोंथाय सेक्टराव, टाटा टेक्न'ल'जि बायदि गाहाय फार्मफोरजों हेफाजाब होनाया ITI फोरखौ जौगाहोनो आरो रोंग'थि जौगाथायखौ बांहोनो थाखाय मावथांखिफोरखौ दैदेनगासिनो दं। चाकमाया बुंदोंमोन, "जोंनि सोलोंथायारि हाबाफारिफोरा लाइमोनफोरखौ मुलुगनां मानथाखोखौ आबुं खालामनो थाखाय गोनां रोंग'थिफोरजों सुजुगासिनो दं।"

सावस्रि जोथोना गुबुन मोनसे गोनांथि गोनां आयदा, जेराव त्रिपुराया मोनसे गावारि सुपार-स्पेसियेलिटि देहा फाहामसालि गायसननायजों लोगोसे मख'जाथाव रां थिसननायखौ गोसो बोहोयो। मन्थ्रिआ बुंदोंमोन, "सावस्रि जोथोना मोनसे गोनांथार सेक्टर, आरो जों गासै रायजोआव सावफाहामारि सुबिदाफोरखौ साबसिन खालामनो थाखाय रादाय होनाय।

त्रिपुरानि धोनि हारिमुआरि उनमोनथाइ आरो मिथिंगायारि समायनाया रायजोखौ दारिमिनाव मोनसे जौगाफुनाय हाथरखि महरै जायगा होनायजों दावबायथायखौबो मुलाम्फा होनाय जादों। चाकमाया बुंबावदों, "जों त्रिपुराखौ मुलुगनां दावबायारि थावनि महरै जौगाहोनो थाखाय रां थिसननायखौ सांग्राङै थुलुंगा होगासिनो दं।"

ALSO READ: आसाम CM हिमन्तआ आसामाव रां थिसननायनि खाबुफोरखौ नायगिरनो थाखाय करियानि मन्थ्रि आरो गाहाय फार्मफोरखौ लोगो हमदों

बेनि अनगायैबो, बे जथुम्मानि समाव रबर, औवा, आगर आरो जाग्रा आदार दिहुन्नाय बायदि सेक्टरफोरा मुंदांखा जानो थांगासिनो, जाय रायजोनि बायदि रोखोमनि दारिमिनारि गोहोखौ दिन्थियो।

रायजोआव दारिमिनारि एस्टेटफोरनि सिङाव रां थिसननाया दिदोमै बांगासिनो दं। मावख'आरि खारि बायदिब्ला, रांखान्थियारि बोसोर 2024-25 मायथाइनि थाखाय 26 गोदान इउनिटफोरखौ अनुमान खालामनाय जादों, जाय ₹428.07 कौटि रां थिसननायाव बिहोमा होगोन। बे जौगानायखौ नोजोर होनानै मन्थ्रि चाकमाया बुंदोंमोन, "दारिमिनारि इउनिटफोर आरो रां थिसननायनि बांलांनाय अनजिमाया त्रिपुरानि फालांगियारि लोगोआरि आबहावानि मोनसे फोरमान।

बे जथुम्मानि थांखिया जादों: रां थिसननायखौ गोसो बोनो आरो रांखान्थियारि जौगानायखौ थुलुंगा होनाय, त्रिपुरानि फुंखाफोर आरो बिथायारि सानजथाइखौ दिन्थिनाय, सोरखार आरो गावारि सेक्टरफोरनि गेजेराव बाहागोदारिखौ खाबु होनाय आरो रां थिसनगिरि-लोगोआरि बारहावाखौ बांहोनाय बिथांखिफोरनि थाखाय वकालत खालामनाय।

मन्थ्रि चाकमाया फोजोबदोंमोन, "बे जथुम्माया खालि रां थिसननायल' नङा; बेयो त्रिपुरानि थाखाय मोनसे गोजों इयुन दानायनि बाथ्रा। लोगोसेयैनो, जों रायजोनि नंगुबै गोहोखौ अनलक खालामनो हायो।

मन्थ्रि चाकमाजों लोगोसे दारिमिन आरो फालांगि बिफाननि नेहाथारि किरण गित्ते, दिथागिरि विशेषरी बी, TIDC नि मासिगिरि नबदल बानिक आरो गुबुनफोर दंमोन।