Tesla नि बाहागोफोरा Premarket Trading आव 14% बांदों

बुधबारनि आगु-हाथाइ जथुमाव एलन मस्कनि टेस्लानि बाहागोआ बांदोंमोन मानोना ड'नाल्ड ट्राम्पआ ह्वाइट हाउसआव फैफिन्दोंमोन। बाहागोफोरा 14.62 जौखोन्दो बांदों।

रिपब्लिकन बिजाथि आरो आमेरिकानि बारग' हादोरगिरि ड'नाल्ड ट्राम्पनि देरहानायनि मिजिंजों 6 नबेम्बर बुधबारखालि प्री-मार्केट ट्रेडिं सेसनआव अरबपति एलन मस्कनि टेस्लानि बाहागोआ फुंनि 5:24 रिंगासिम (ईएसटी) 14.62 जौखोन्दो बांनानै 288.38 डलार जाहैदोंमोन।

टेस्लानि बाहागोफोरा सिगांनि हाथाइ जथुमाव $251.44 आव जोबदोंमोन। एलन मस्कआ गावनि गासै बिसायख'थि फोसावदिंनायाव ड'नाल्ड ट्राम्पखौ हेफाजाब होनायाव गाहाय बिफाव लादोंमोन। रयटर्सनि मोनसे रिपर्टनि बायदिब्ला, बारग' हादोरगिरिया अरबपतिखौ सोरखारि आखा-फाखा आय'गनि गाहाय बानायनो खोथा होदोंमोन।

British Isles आरो एशियायाव RBC Wealth Management नि थाखाय रां थिसननाय मावखान्थिनि गाहाय Frédérique Carrier आ रयटर्सखौ बुंदोंमोन, "हाथाया फोथायो दि ट्राम्प प्रेसीडेन्सीआ जुनार गोसोखौ उदां खालामगोन आरो कर्प'रेट टेक्स आरो डिरेगुलेशनआव माखासे रेहायनि गेजेरजों गुसुं समगान्थियाव जौगानायखौ थुलुंगा होगोन"।  

टेस्लानि स्ट'क बांनाया जागायजेन्दोंमोन मानोना ट्राम्पआ 2024 मायथाइयाव आमेरिकानि हादोरगिरि बिसायख'थि देरहानायनि लामायाव दंमोन।

ड'नाल्ड ट्राम्पआ बुधबारनि फुङाव West Palm Beach, Fla आव मोनसे बिसायख'थि पार्टीआव एलन मस्कखौ बाख्नायनायनि उनाव शेयारफोरा गोख्रैथि मोननो हमदोंमोन। रांखान्थियारि खौरां पर्टेल बेरननि फोरमायथिनाय बायदिब्ला ट्राम्पआ गावखौनो पार्टीयाव देरहागिरि होननानैबो दाबि खालामदोंमोन।

ट्राम्पआ मस्कखौ बाखनायदों

ट्राम्पआ मस्कखौ सासे "जोबोद मेलेमगोनां" बुंदोंमोन आरो बेखौबो बुंदोंमोन, "जों जोंनि मेलेमगोनांफोरखौ रैखा खालामनांगोन-जोंनाव बिसोरनि गेजेराव एसेबां गैया।"  
एलन मस्कआ प्लेटफर्म एक्सआव गावनि ससियेल मिडिया पस्टआव बुंदोंमोन, "आमेरिकानि सुबुंफोरा दिनै हरनि @realDonaldTrump सोलायनायनि थाखाय मोनसे रोखा बिथोन होदोंमोन। आमेरिकाया मोनसे हादोर दाग्रा । थाबैनो, नोंथाङा लुनो थाखाय उदां जागोन, "बिथाङा बुंदोंमोन।

Trump Media & Technology Group नि बाहागोआबो बुधबाराव आगु-हाथाइ फालांगि जथुमाव फुंनि 5:27 रिंगासिम (EST) 28.46 जौखोन्दो बांनानै 43.40 डलार जाहैदोंमोन। सिगांनि हाथाइ जथुमाव स्टकआ 33.94 डलारआव जोबदोंमोन।

डनाल्ड ट्राम्पआ Trump Media & Technology Groupआव बांसिन बाहागो दं। एजेन्सिनि रिपर्टनि बायदिब्ला, सेप्टेम्बरआव कम्पानिनि बाहागोफोरा अरायसमनि गाहायसिनाव गोग्लैदोंमोन, नाथाय बै समनिफ्राय, बेफोरनि बेसेना थाम गुन बांदों, जायजों ट्राम्पनि बाहागोआ 5 बिलियन डलारसिम सौहैबाय।

रांनि बिथिङाव, बुधबाराव Cryptocurrency Bitcoin जों लोगोसे आमेरिकानि डलारआ बांदोंमोन मानोना ट्राम्पआ डेम'क्रेटिक बिजाथि कमला हैरिसजों हादोरगिरिनि बादायलायनायनि उनाव ह्वाइट हाउसआव फैफिन्दोंमोन।