Tech Giants फोरा रांखान्थियारि बोसोर 24 मायथाइयाव फोसावनाय खाजोनायाव 60,000 कौटि रांनि बांसिन आर्जियो।

Tech giants Google, Meta, Amazon आरो Flipkart आ रांखान्थियारि बोसोर 24 मायथाइनि थाखाय फोसावनाय खाजोनायाव 60,000 कौटि रांनि बांसिन आर्जिदोंमोन, जाय सिगांनि बोसोरनि रुजुनायाव 9 जौखोन्दो बांनायखौ दिन्थियो।

गुगल, मेटा, एमाजन आरो फ्लिपकार्टजों लोगोसे गाहाय आरोंदायारि आरो ई-कमार्स कम्पानिफोरा जयै रांखान्थियारि बोसोर 2023-24 नि समाव 60,000 कौटि रांनि बांसिन फोसावनाय खाजोनानि फोरमायथि होदोंमोन। रेजिस्टार अफ कम्पानिफोरनि फाइलिंनि बायदिब्ला, बेयो सिगांनि रांखान्थियारि बोसोराव 55,053 कौटि रांनिफ्राय 9 जौखोन्दो बांदों।

गिबि खेबनि थाखाय, गुगोल आरो मेटानि भारतारि खोन्दोफोरा 50,000 कौटि रांनि बांसिन जथाय गासै खाजोना मोननो हादोंमोन। बेनि अनगायैबो, फ्लिपकार्ट आरो एमेजननि फोसावथाय हाथियारफोरा गासै फोसावनाय खाजोनायाव 10,000 कौटि रांनि बांसिन बुथुमदोंमोन, जेराव फ्लिपकार्ट इन्टारनेटआ हारसिङैनो 5,000 कौटि रां आर्जिदोंमोन, दि इक'नमिक टाइम्सनि मोनसे रिपर्टनि बायदिब्ला।

बबेखानि एमाजन सेलर सार्विसेज (Amazon Seller Services)आ दासिमबो गावनि बोसोरारि फोरमायथिखौ फोरमायाखै, बेयो रांखान्थियारि बोसोर 23 मायथाइनि थाखाय फोसावनाय खाजोनायाव 5,380 कौटि रांनि फोरमायथि होदों। सुलुंफोरा सुबुरुन होयो दि कम्पानिया फोसावनायाव गोख्रों खामायनायखौ लाखिनो आसा खालामनाय जादों, जाय दारिमिननि मोजां ट्रेन्डफोरजों गोरोबफायो।

डिजिटेल फोसावथायनि जौगानायखौ दैदेनग्रा जाहोनफोर

दारिमिन बिजिरसंगिरिफोरा डिजिटेल फोसावथायाव जौगानायखौ गोबां जाहोनफोरनि थाखाय मुं होयो, जेराव स्मार्टफन बाहायनाय बांनाय, गुवार इन्टारनेट सौहैनाय आरो बाहायगिरिफोरा रंजानाय आरो शपिं बायदि हाबाफारिफोरनि थाखाय अनलाइन सम बारहोनाया बांनाय।

गुगोल आरो मेटा, गुबैयै, बायदि रोखोमनि फोसावग्राफोरखौ गोसो बोनो हानानै गावसोरनि गुवार सौहैनाय आरो थांखि खालामनाय गोहोखौ मुलाम्फा खालामगासिनो दं। बे समावनो, ई-कमार्स प्लेटफर्मफोरा ब्रान्ड फाननायखौ बांहोगासिनो आरो रां थिसननायाव (RoI) गोजौ मोनफिन्नाय होदों।

गोख्रै फालांगि प्लेटफर्मफोरा, आथिखालाव मोनसे फिसा हाथाइनि बाहागो दंब्लाबो, डिजिटेल फोसावनाय खरसाया बांगासिनो थानायनि जाहोनाव मख'जाथाव मुलाम्फा जागोन होनना मिजिं थिनाय जादों। दारिमिननि नायखांनायफोरा अनुमान खालामो दि गोख्रै फालांगि सेक्टरा फोसावनायनिफ्राय बोसोराव 2,500 कौटिनिफ्राय 3,000 कौटि रांनि गेजेराव आरजिनो हागौ।

गुगोल इन्डियाआ मार्च 2024 मायथाइयाव जोबनाय रांखान्थियारि बोसोरनि थाखाय गासै फोसावथाय खाजोनायाव 11 जौखोन्दो बांनायनि फोरमायथि होदों, जाय रांखान्थियारि बोसोर 23 मायथाइयाव 28,040 कौटि रांनिफ्राय बांनानै 31,221 कौटि रांसिम सौहैबाय। मेटा इन्डियानि गासै फोसावथाय खाजोनाया रांखान्थियारि बोसोर 24 मायथाइयाव बांनानै 22,730 कौटि रां जाहैबाय, जाय सिगांनि बोसोराव 18,308 कौटि रांमोन। बेनि गेजेराव, फ्लिपकार्ट इन्टारनेटआ फोसावनाय खाजोनायाव 50 जौखोन्दो मख'जाथाव बांनाय नुनो मोन्दों, गासै 4,972 कौटि रां।