উত্তৰ বংগৰ দুৱাৰছ আৰু তেৰাই অঞ্চলৰ চাহ বাগিচাৰ শ্ৰমিকসকলে ২০২৩-২৪ বিত্তীয় বৰ্ষৰ বাবে ১৬ শতাংশ বোনাছ লাভ কৰিব বুলি সোমবাৰে এটা উদ্যোগ সংস্থাই প্ৰকাশ কৰে।
ভাৰতীয় চাহ সন্থাই এক বিবৃতিত কয় যে ট্ৰেড ইউনিয়নৰ প্ৰতিনিধি আৰু নিয়োগকৰ্তাসকলক প্ৰতিনিধিত্ব কৰা বাগিচা সংস্থাৰ পৰামৰ্শদাতা সমিতিৰ সদস্যসকলৰ মাজত যথাযথ আলোচনাৰ অন্তত উদ্যোগব্যাপী বোনাছ চুক্তিত উপনীত হৈছে।
দীৰ্ঘদিন ধৰি এই উদ্যোগটোৱে ভয়াৱহ আৰ্থিক সংকটৰ মাজেৰে পাৰ হৈ আহিছে বুলি টাইয়ে (TAI) কয়।
বিগত ২০২২-২৩ বিত্তীয় বৰ্ষত উত্তৰ বংগৰ চাহ উদ্যোগে ১৯ শতাংশ বোনাছ পেআউটৰ বাবে সন্তুষ্ট হৈছিল।
টাই (TAI) মতে উত্তৰ বংগৰ চাহ বাগিচাৰ অৰ্থনৈতিক বহনক্ষমতা “বিপদ”ত পৰিছে।
প্ৰতিকূল বতৰৰ পৰিস্থিতিয়ে জোপোহাৰ স্বাস্থ্যত প্ৰভাৱ পেলাইছে, যাৰ ফলত বছৰটোৰ ভিতৰত উৎপাদন যথেষ্ট হ্ৰাস পাইছে।
উন্নত মানৰ চাহ উৎপাদন কৰা প্ৰথম আৰু দ্বিতীয় ফ্লাছৰ শস্যৰ ক্ষতি হৈছে, যাৰ ফলত বাগিচাৰ নগদ ধনৰ প্ৰবাহত প্ৰভাৱ পৰিছে বুলি টাইয়ে (TAI) জনায়।
"প্ৰত্যাহ্বানৰ মাজতো পৰিচালনা সমিতিসমূহে ঔদ্যোগিক শান্তি আৰু সম্প্ৰীতিৰ স্বাৰ্থত ১৯৬৫ চনৰ বোনাছ আইনখনৰ উপৰিও কিছু ক্ষতিপূৰণমূলক ধন দিয়াৰ সিদ্ধান্ত লৈছে। ১৬ শতাংশৰ পৰিসংখ্যাৰ ওপৰত সহমতত উপনীত হৈছিল।"
FIRST Business Portal addressing the potential of business capability of North East Region.
