टाटा केपिटेल, नावआ आनदोआरि आइ.पि.अ. फाइलिं लामाखौ सायख'दों, डि.आर.एच.पि.फोरखौ गथायदों

टाटा सन्सनि राङारि सिबिथाय दालाय टाटा केपिटेल आरो अडिअ' आरो गाननो हानाय ब्रान्ड बोटनि गुदि कम्पानि, इमेजिन मार्केटिंआ गावसोरनि ड्राफ्ट रेड हेरिंग प्रस्पेक्टस (डीआरएचपी) खौ सिकिउरिटिज एन्ड एक्सचेन्ज बर्ड अफ इन्डिया (सेबी)नो आनदोआरि फाइलिं लामानि गेजेरजों गथायदों।

मोन्नैबो कम्पानिफोरा समबाराव गुबुन गुबुन खौरां बिलाइनि फोसावथायनि गेजेरजों बे आगानखौ फोसावदोंमोन।

आन्दोआरि दाखिल खालामनाय बिखान्थिनि सिङाव, गिबि रायजोआरि जासिनाय (आइ.पि.अ') नि गुदि खिथाया रायजोफोरनो खोन्थायाखै। बबेखानि, रिपर्टफोरा टाटा केपिटेलनि आइ.पि.अ'नि बिबांखौ 2 बिलियन डलारसो जागोन होनना अनुमान खालामदों, बबेखानि नावनि बिबाङा 250 मिलियन डलारनि बांसिन जानो हागौ। मोन्नैबो जासिनाया गोदान इक्विटी जारि खालामनाय आरो नैथि बाहागो फान्नायखौ ज' खालामगोन होनना मिजिं थिनाय जादों।

फेब्रुवारियाव, टाटा केपिटेलनि ब'र्डआ मोनसे आइ.पि.अ. आरो राइट्स इसुनि बिथांखिफोरखौ गनायथि होदोंमोन। 2023 मायथाइयाव टाटा टेक्न'ल'जिज आरो 2004 मायथाइयाव टाटा कन्सल्टेन्सी सार्विसेजनि उनाव बे आइ.पि.अ'आ फ्राय नै जिथाइयाव मोनसे टाटा ग्रुप कम्पानिजों नैथि रायजोआरि जागायजेन्नायल'।

सिगांनि मोनसे रेगुलेटरि फाइलिंनि बायदिब्ला, टाटा केपिटेलनि आइ.पि.अ'आव 230 मिलियन इक्विटी शेयार (मोनफ्रोमनिबो 10 रांनि मोखां बेसेन) आरो थाखानाय शेयार बाहागोआरिफोरजों फान्नायनि जासिनायनि मोनसे गोदान जारि थागोन।

बेजों लोगोसे, कम्पानीया राइट्स इसुनि गेजेरजों ₹1,504 कौटि बुथुमनो थांखि लादों, जायखौ बिनि 93 जौखोन्दो बिगोमा टाटा सन्सआ आबुङै साबस्क्राइब खालामगोन। बे फारिलाइआ रिजार्भ बेंक अफ इन्डिया (आर.बि.आइ.) नि बिथोनजों गोरोबलायो, जायनि थाखाय सेप्टेम्बरसिमाव "गोजौ थाखोनि" बेंकिं नङि रांखान्थियारि कम्पानिफोर (एन.बि.एफ.सि.) खौ रायजोआरि खालामनांगौनि गोनांथि दं।

ALSO READ: एसिया इक्विटिआव इउ.एस. टेरिफ-इन्धन गोग्लैनाय गाज्रि जानायाव रांनि बेसेना खमायदों

वारबार्ग पिंकसजों हेफाजाब होजानाय नावआबो फेब्रुवारियाव गावनि आइ.पि.अ'नि थाखाय शेयार बाहागोआरि गनायथि मोननो हादोंमोन। बेयो कम्पानीनि रायजोआरि जानायनि नैथि नाजानाय, जाय गिबि खेब 2022 मायथाइयाव डी.आर.एच.पी. दाखिल खालामदोंमोन।

दिनैसिम, दाइन कम्पानिफोरा आइ.पि.अ'नि थाखाय आन्दोआरि फाइलिं लामाखौ बाहायदों। थांनाय दानाव, एडटेक फार्म फिजिक्स वालाया गावनि डीआरएचपी गथायनायजों फारिलाइआव हाबदोंमोन। इन्दिरा आईवीएफआबो बे लामाखौ होसोदोंमोन, नाथाय उनाव सेबीआ बेनि गायसनगिरि अजय मुर्दियानि बागै बलीवुडनि बाय'पिकनि सायाव जिंगा सिखांनायनि उनाव गावनि फाइलिंखौ बोखारना लाफिनदोंमोन।

2022 मायथाइयाव सिनायथि होजानाय, आन्दोआरि फाइलिं आदबआ कम्पानिफोरखौ फारिलाइ खालामनाय बिथांखिफोरखौ थि खालामजासिम डी.आर.एच.पी.फोरखौ गावारि लाखिनो गनायथि होयो। टाटा प्लेआ बे लामाखौ दैदेनदोंमोन, नाथाय जोबनायाव गावनि आइ.पि.अ'खौ नागारदोंमोन। बेबायदिनो, सफ्टबेंकजों मदद होजानाय अय'आ 2023 मायथाइयाव आन्दोआव दाखिल खालामदोंमोन, नाथाय दासिमबो आवगायनो हायाखै। एप्रिल 2024 मायथाइयाव, जाग्रा आदार जगायग्रा गिदिर स्विगीआ बे प्री-फाइलिं लामाखौ सायख'दोंमोन। दासिम, स्विगी आरो विशाल मेगा मार्टआल' आन्दोआरि फाइलिंनि उनाव जाफुंसारै आइ.पि.अ. फोजोबनो हादों।