स्टार्टअप त्रिपुरा पर्टेल आरो ₹75 लाख फान्डखौ बेखेवदों: गिबि मन्थ्रि ड. मानिक साहाया रायजोनि स्टार्टअप पलिसि 2024 बेखेवदों

आगरतला, 24 जानुवारि, 2025: त्रिपुरा सोरखारा लाइमोनफोरनि थाखाय साख्रिनि खाबु सोरजिनो गावनि रादाइखौ फिन खेबसे रोखा खालामदों, गिबि मन्थ्रि प्रफेसार (ड.) मानिक साहाया सुक्रबारखालि आगरतला सोहोरनि प्रज्ञा भबनआव "त्रिपुरा स्टार्टअप पलिसि 2024" खौ जागायजेनदों। बे हाबाफारिया गाहाय मन्थ्रि नरेन्द्र मदिनि नोजोरजों गोरोबलायो, जेरै बिथांनि गले-गले बिबुंथियाव बुंनाय जादों, "लाइमोनफोरा हादोरनि बयनिख्रुइबो देरसिन सम्फथि। बिसोरनि जौगानाया हादोरखौ दावगानायनि लामायाव दावगाहोयो।

त्रिपुरा स्टार्टअप पलिसि 2024 नि थांखिया फालांगियारिखौ बांहोनाय, गोसो गुदुं फालांगियारिफोरनो राङारि आरो आरोंदायारि मदद होनाय आरो रायजोआव मोनसे गोख्रों स्टार्टअप सोरबिथिं खान्थि सोरजिनाय। बे हाबाफारिखौ बिबुंथि होनानै गिबि मन्थ्रि साहाया गोसो होनानै बुंदोंमोन, "बे खान्थिया खालि साख्रि सोरजिनायल' नङा, नाथाय जोंनि लाइमोनफोरखौ साख्रि सोरजिग्रा जानो थाखाय गोहो होनाय। बेयो रायजोनि रांखान्थियाव मख'जाथाव बिहोमा होनायजों लोगोसे बिसोरनि सिमांफोर आरो हास्थायनायफोरखौ मदद होगोन।

गिबि मन्थ्रिआ खान्थिनि सोमोन्दै फोरमायथि फोसावग्रा मोनसे फोसावथाय बाहनखौ फिरफिला दिन्थिनानै जागायजेनदोंमोन आरो लाइमोन फालांगियारिफोरखौ हेफाजाब होनो थाखाय मोनसे प्लेटफर्म स्टार्टअप त्रिपुरा पर्टेलखौ जागायदोंमोन। बेजों लोगोसे, त्रिपुरा स्टार्टअप भेन्सार केपिटेल फान्डनिफ्राय ₹75 लाख रांनि चेकखौ अगस्त्य एडुटेक स्टार्टअपनि CEO नो गथायनाय जादोंमोन। उदायथिनि फोरमानलाइफोरखौ आई-लगिट्रन टेक्न'ल'जिज प्राइभेट लिमिटेड आरो एक्स-लेयार टेक्न'ल'जि प्राइभेट लिमिटेडनो गथायनाय जादोंमोन।

बे खान्थिनि आखुथायफोरखौ नोजोर होनानै गाहाय नेहाथारि JK सिन्हाया बुंदोंमोन, "त्रिपुरानि लाइमोनफोरनि गेजेराव जिंगासिनाय आरो गोदान दिहुनथाया बाखनायजाथाव। थांनाय थाम बोसोरावल' रायजोआव 127 स्टार्टअपफोरखौ रेबथुमनाय जादों। बे खान्थिया फालांगियारि मावथांखिफोरखौ जोबोद गोनांथार थुलुंगा होगोन। बे पलिसियाव ₹2 लाखनि गिबि फुन्जि अनसुंथाइ, 20,000 रांसिम दानारि मावफुंआरि अनसुंथाइ आरो आइजोफोर आरो दिब्यांगजनफोरजों दैदेनजानाय स्टार्टअपफोरनि थाखाय थांखिजानाय हेफाजाब दं। फालांगियारिफोरा प्र'टोटाइपनि थाखाय ₹10 लाख, मार्केटिंनि थाखाय ₹5 लाख आरो पेटेन्ट दाखिल खालामनाय मददनि थाखाय ₹10 लाखसिमबो लानो हागोन।

ALSO READ: জি এছ টি ৰিটাৰ্ণঃ জি এছ টি দাখিল কৰাত পলম হ’লে দেৰিকৈ মাচুল ৰেহাই দিয়া হ’ল, কোনে লাভ কৰিব জানি লওক

खारिथि बिरोंदामिन मन्थ्रि प्रणजीत सिंघा रयजों लोगोसे IT बिफाननि नेहाथारि किरण गिट्टे आरो मेइटी स्टार्टअप हाबनि सामलायगिरि JR गेशान Bआ सोरखारनि सांग्रां नोजोरखौ बाख्नायदोंमोन। किरण गित्तेआ बुंदोंमोन, "बे खान्थिया रायजोनि लाइमोनफोरनि थाखाय मोनसे गेम-चेन्जार आरो गोदान दिहुनथायजों सालायजानाय जौगानायनि थाखाय मोनसे मानथाखो गायसनगोन"।

बे हाबाफारियाव सेपाहीजाला जिल्लानि जिल्ला मेजिस्ट्रेट सिद्धार्थ शिव जायसवाल आरो गुबुन आलासिफोराबो बाहागो लादोंमोन। जेब्लानो रायजोआ गोदान दिहुनथाय आरो फालांगियारि बिथिंखौ जौगाहोनायाव दावगायो, त्रिपुरा स्टार्टअप पलिसि 2024 आ मोनसे आत्मनिर्भर आरो दावगालु लाइमोनफोरजों सालायजानाय रांखान्थिनि नोजोरनि फोरमान महरै गसंदों।