सेटेलाइट इन्टारनेट सिबिथायनि थाखाय एयारटेलआ एलन मास्कनि स्पेसएक्सजों गोरोबथायाव सागान होनायजों स्टारलिंकआ थाबैनो भारतआव फैगासिनो।

एयारटेल-स्टारलिंक गोरोबथा: बेयो भारताव सागान होजानाय गिबिसिन गोरोबथा, जाय स्पेसएक्सआ हादोराव स्टारलिंकखौ फान्नो थाखाय गनायथि मोन्नायनि सिङाव।
भारती एयारटेलआ मंगलबाराव फोसावदोंमोन दि बियो भारतआव स्टारलिंक इन्टारनेट लाबोनो थाखाय एलन मस्कनि स्पेसएक्सजों मोनसे गोरोबथायाव सागान होदों। बेयो भारताव सागान होजानाय गिबिसिन गोरोबथा, जाय स्पेसएक्सआ हादोराव स्टारलिंकखौ फान्नो थाखाय गावनिनो गनायथि मोन्नायनि सिङाव।

भारती एयरटेलआ मोनसे बिबुंथियाव बुंदों, "एयारटेल आरो स्पेसएक्सआ एयारटेलनि खुस्रा गलाफोराव स्टारलिंक आगजुफोर, फालांगियारि बायगिरिफोरनो एयरटेलनि गेजेरजों स्टारलिंक सिबिथाय, गोबां गुबुनफोरजों लोगोसे सुबुं समाज, फरायसालि आरो सावस्रि मिरुफोरखौ फोनांजाबनो खाबु होगोन," भारती एयारटेलआ मोनसे बिबुंथियाव बुङो।

"एयारटेल आरो स्पेसएक्सआ बेखौबो नायबिजिरगोन दि स्टारलिंकआ माबोरै एयारटेल नेटवर्कखौ फेहेरनो आरो बांहोनायाव मदद होनो हायो, लोगोसे स्पेसएक्सनि भारतआव एयारटेलनि ग्राउन्ड नेटवर्क इनफ्रास्ट्रक्चर आरो गुबुन गोहोफोरखौ बाहायनो आरो मुलाम्फा मोन्नो हानाय गोहोखौबो नायगोन," बेयो बुंबावदों।

गोबांहायुंआरि टेलिकम्युनिकेसन कम्पानिया बुंबावदों दि बियो बायगिरि-मिरुयारि सिबिथाइफोराव गोसो होनानै गुवार आरो फोथायजाथाव फोनांजाब आरो डिजिटेल राहा होनो थाखाय रादाय होनाय।

"स्टारलिंकखौ गावनि जासिनायाव (यूटेलसैट वनवेबजों गावनि सोलिबाय थानाय गोरोबथानि अनगायैबो) दाजाबदेरनानै, एयरटेलआ हादोर नाङै फोनांजाब होनो आरो सिगांनि सिङाव थानाय ओनसोलफोरखौ फोनांजाबनो हानाय गोहोखौ बांहोगोन, गुबैयै बैफोर जायफोरा दिनै जेबो कभारेज गैया," कम्पानिया बुंदोंमोन।

एयारटेल-स्टारलिंक गोरोबथा: 'मख'जाथाव माइलखुन्थिया'

भारती एयारटेलनि सामलायगिरि बिथोनगिरि आरो लेङाइ मासिगिरि गपाल विट्टलआ बुंदोंमोन दि भारतआव एयारटेल बायगिरिफोरनो स्टारलिंक होनो थाखाय स्पेसएक्सजों लोगोसे खामानि मावनाया मोनसे मख'जाथाव माइल खुन्थिया आरो फैगौ जोलैनि ग्रहसा फोनांजाबनायनि थाखाय कम्पानिनि रादाइखौ दिन्थियो।

ALSO READ: दिनै सनानि हार 12-03-2025: नोंथांनि नोगोराव गोदानसिन बेसेनफोरखौ नायग्रोम।

"बे हेफाजाबआ भारतनि गोजानसिन ओनसोलफोरावबो मुलुग-थाखोनि गोजौ-गोख्रैथि ब्र'डबेन्ड लाबोनायनि जोंनि गोहोखौ बांहोयो, बेखौ रोखा खालामो दि साफ्रोमबो सुबुं, फालांगि आरो सुबुं समाजाव फोथायजाथाव इन्टारनेट थायो। स्टारलिंकआ जोंनि भारतारि बायगिरिफोरनि थाखाय फोथायजाथाव आरो बाङाय बेसेननि ब्र'डबेन्डखौ रोखा खालामनो थाखाय एयारटेलनि दिहुनजानाय बेसादफोरनि सुइटखौ आबुं खालामगोन आरो बांहोगोन - जेराव बिसोरो थायो आरो खामानि मावो, "बिथाङा बुंदोंमोन।

स्पेसएक्सनि आफादगिरि आरो गाहाय अपारेटिं अफिसार ग्वेन शटवेलआ बुंदोंमोन दि कम्पानिया एयारटेलजों खामानि मावनो आरो स्टारलिंकआ भारतनि सुबुंफोरनि थाखाय लाबोनो हानाय सोलायनाय गोहोमखौ अनलक खालामनो थाखाय गोसो गुदुं।

शटवेलआ बुंदोंमोन, "जों अरायसम फोथायथावै आरो थुलुंगाहोग्रा खामानिफोरजों सोमोनांबाय थायो जाय सुबुंफोर, फालांगिफोर आरो आफादफोरा जेब्ला स्टारलिंकनि गेजेरजों फोनांजाबनाय जायो अब्ला खालामो। "एयारटेलनि हानजाया भारतनि टेलिकम सल'आव मोनसे मख'जाथाव बिफाव लादों, बेनिखायनो जोंनि थोंजों जासिनायखौ आबुं खालामनो थाखाय बिसोरजों खामानि मावनाया जोंनि फालांगिनि थाखाय जोबोद ओंथि गोनां।"