सिंगापुर एयारलाइन्सआ बे दानाव Vistara ज' जानायनि उनाव Air India याव 3,195 कौटि रां खाथायगोन।

ज'जानाय, जायखौ 29 नबेम्बर, 2022 मायथाइयाव फोसावनाय जादोंमोन आरो 11 नबेम्बर, 2024 मायथाइसिमाव थि खालामनायनि आसा दं, सिंगापुर एयरलाइन्सखौ फेहेरनाय Air India याव 25.1 जौखोन्दो बाहागो होगोन।

नबेम्बर 2024 मायथाइयाव विस्ताराखौ सरजाबनायनि उनाव सिंगापुर एयारलाइन्स (SIA) TATA Group नि बिगोमा एयार इन्डियायाव 3,194.5 कौटि रांनि उफ्रा रां थिसनगोन। ज'जानाय, जायखौ 29 नबेम्बर, 2022 मायथाइयाव फोसावनाय जादोंमोन आरो 11 नबेम्बर, 2024 मायथाइसिमाव थि खालामनायनि आसा दं, सिंगापुर एयरलाइन्सखौ फेहेरनाय Air India याव 25.1 जौखोन्दो बाहागो होगोन।

विस्तारा, आबुं-सिबिथाय होग्रा जाय जानुवारि 2015 मायथाइयाव खामानि मावजेनदोंमोन, TATA Group आरो सिंगापुर एयारलाइन्सनि गेजेराव मोनसे जथाय फालांगि, जेराव SIA आ 49 जौखोन्दो बाहागो दं। ज'खालामनाय गोरोबथानि सिङाव, SIA नि बिहोमायाव विस्तारायाव बेनि 49 जौखोन्दो सुदजों लोगोसे जथाय आफादाव 25.1 जौखोन्दो इक्विटी बाहागोनि थाखाय नोगोद 2,058.5 कौटि रां (SGD 498 मिलियन) दंफायो। 

ज'खालामनाया आबुं जानायनि उनाव, SIA आ 1.1 बिलियन SGD सो नगदा नङि एकाउन्टिं मुलाम्फाखौ रेबगान्थि खालामनो मिजिं थिदों आरो Air India नि राङारि फिथायफोरनि गावनि बाहागोनि थाखाय सानरिखि खालामजेनगोन।  

ज'खालामनायाव SIA नि थाखाय ज'खालामनायनि सिगां TATA Group जों Air Indiaनो होनाय जायखिजाया फुनजिनि बिहोमा होनो थाखाय मोनसे गोरोबथाबो दं, लोगोसे गावनि 25.1 जौखोन्दो बाहागोखौ लाखिनो थाखाय 5,020 कौटि रांसिम सोमोन्दो गोनां फुनजि खरसाबो दंफायो।

सिंगापुर एयारलाइन्सजों उफ्रा केपिटेल इन्जेक्सनआ Air India नो TATA नि सिगांनि फुनजिनि सायाव बिथा खालामनानै 3,194.5 कौटि रां जागोन होनना साननाय जादों। बे रां थिसननाया ज'खालामनायनि आबुं जानायनि उनाव खालामनाय जागोन आरो कम्पानीनि मोनसे फोसावथायनि बायदिब्ला, नबेम्बर 2024 मायथाइनि गेजेराव Air India नि गोदान बाहागोफोरनि सोद्रोमानि गेजेरजों जानो थांगासिनो। 

सिगांथिं नायनानै, SIA आ इंगित होदों दि इयुननि केपिटेल इन्जेक्शनफोरखौ Air India नि गोनांथिफोर आरो मोन्नो हानाय रांनि खाबुफोरनि सायाव बिथा खालामनानै बिजिरनाय जागोन, 8 नबेम्बराव गावनि फिथायफोरखौ दिन्थिनाय समाव फोसावनाय फोसावलाइआव बुंनाय जादों।

Air India जों विस्तारानि ज' जानाया गोख्रैयै जौगाबोनाय भारतारि बिरखं दिङानि हाथाइयाव मोनसे गेदेर गोख्रों खालामनायखौ दिन्थियो। ज'जानायनि उनाव, SIA आ मिजिं थिदों दि जथाय आफादा नखरारि , गेजेर हायुंआरि, आबुं सिबिथाय आरो बाङाय बेसेननि मावफुंनायजों लोगोसे गाहाय भारतारि बिरखं दावबायनाय खोन्दोफोराव मोनसे मख'जाथाव थाथाय थागोन। बे आगानआ SIA नि माल्टि-हाब मावखान्थिखौ आरोबाव गोख्रों खालामगोन, जाय भारतनि गिदिर आरो गोसारनाय बिरखं दिङा सेक्टराव बिनि बाहागो लानायखौ गोख्रों खालामगोन।

ज'जानायनि बाहागो महरै, Air India आरो सिंगापुर एयारलाइन्सआ बावैसो गावसोरनि क'डशेयार गोरोबथाखौ फेहेरनो गनायथि जादोंमोन, जाय गावसोरनि नेटवर्कआव 11 भारतारि नोगोरफोर आरो 40 गेजेर हायुंआरि थावनिफोरखौ दाजाबदेरदोंमोन। 

सिंगापुर एयारलाइन्सआ राङारि बोसोरनि गिबि खावसेनि थाखाय गासै मुलाम्फायाव 48.5 जौखोन्दो बाङाइ जानायनि फोरमायथि होदों, जाय 742 मिलियन SGD ($561.65 मिलियन) आव गोग्लैदों, जाय थांनाय बोसोरनि बे समावनो 1.44 बिलियन SGD निफ्राय गाहायाव फैदों। गोख्रों दावबायनायनि गोनांथि थासेआवबो, गुबैयै नैथि खावसेयाव, एयारलाइननि दिन्थिफुंनाया बेसेन बांनायनि नारसिननाय, राजखान्थियारि जेंनाफोर आरो बांलांनाय खरसाफोर, गुबैयै थावनि आरो गुबुन थावनि नङै खरसाफोरनि थाखाय गोहोम खोख्लैजादोंमोन।

ALSO READ: ट्राम्पनि बिसायख'थि देरहानायनि उनाव टेस्लानि बाहागोआ बांनायनि जाहोनाव एलन मस्कनि गासै सम्फथिआ 300 बिलियन डलारनि बांसिन।

हानजानि थाखाय गासै खरसा, जेराव सिंगापुर एयारलाइन्स आरो बाजेट केरियार स्कूट मोन्नैबो दं, 14.4 जौखोन्दो बांनानै 8.7 बिलियन SGD जायो, जाय मुलाम्फायाव आरोबाव नारसिननाय लाबोयो। खाजोनाया बोसोर-बोसोर 3.7 जौखोन्दो बांनानै 9.5 बिलियन SGD जायो, जेराव दावबायारिफोरनि दिहुनथाया 5.6 जौखोन्दो बाङाइ जायो। बेजों लोगोसे, एयारलाइननि दावबायारि ल'ड फेक्टरा 86.4 जौखोन्दोसिम गोग्लैदोंमोन, जाय थांनाय बोसोरनि बे समावनो 88.8 जौखोन्दोनिफ्राय गाहायाव फैदोंमोन।