सेन्सेक्स, निफ्टी गाज्रि जानाय: दिनै स्टक मार्केटआ मानो गोग्लैदों?

BSE सेन्सेक्सआ 930.54 पइन्ट एबा 1.20 जौखोन्दो गाहायाव 76,484.38 आव दंमोन। NSE निफ्टीआ 212.30 पइन्ट एबा 0.90 जौखोन्दो खमायनानै 23,307.05 आव थाङो।  इन्फ'सिसआ सेन्सेक्सनि बयनिख्रुइ गाज्रिसिन दिन्थिफुंनायमोन, जाय 2.86 जौखोन्दो खमायनानै 1,525 रां जाहैदोंमोन।

बेंचमार्क इन्डेक्स सेन्सेक्स आरो निफ्टी, जाय गेप-डाउन जागायजेन्नायनि उनाव गोमालांनाय जायगाखौ मोनफिनदोंमोन, बेवहाय फाननायनि मोनसे गोदान राउन्ड नुनो मोन्दोंमोन, जाय IT आरो गावारि बेंकिं शेयारफोरनि लोरबांथिनि जाहोनाव मोन्नै फारिलाइनिफ्राय 1 जौखोन्दो खमायदोंमोन। 2 एप्रिलाव ट्राम्प टैरिफ फोसावनायखौ लानानै हाथायाव जिंगा दं, जाय IT नि दाबि आरो गासै हाथाइनि आबेगनि सायाव गिलिर जानो हागौ।

टेक्सजों सोमोन्दो थानाय आमेरिका सोरखारनि खान्थियारि सोलायनाया दानथामनि जोबथा थाम सप्तायाव रोखा नङै थासारियाव नुजाथिदों। बेयो मक्केलनि थिरांथा लानायाव गोहोम खोख्लैनो हागौ आरो गोनांथार खरसाफोराव मोनफिन्नायखौ खम खालामनो हागौ, "ICICI सिकिउरिटिजआ बुंदोंमोन। इन्फ'सिसआ सेन्सेक्सनि बयनिख्रुइ गाज्रिसिन दिन्थिफुंनायमोन, जाय 2.86 जौखोन्दो खमायनानै 1,525 रां जाहैदोंमोन। HCL टेक, TCS आरो टेक महिन्द्रायाबो 2.4 जौखोन्दोसिम गोग्लैदोंमोन। 

सोरखारि नङि दाहारहोग्राफोराबो जोबनायाव दंमोन। HDFC बेंक, एक्सिस बेंकआ मोनफ्रोमबो 2.3 जौखोन्दो खमायदों। 

फ्लाइट-टु-सेफ्टी बाथ्रा दान्थेलायनायनि गेजेराव बावैसो गुबुन दाहारहोग्राफोरनि सायाव साबसिन दिन्थिफुंनायनि उनाव बेंकनि स्टकफोरा खमायदोंमोन। कोटकआ बुंदोंमोन दि सम्फथिनि गुनखौ गिनायनिख्रुइ एसेल' जिंगासिनो गोनां नुनो मोनो, जेराव रैखाथि गैयै दाहार बायदि बाहागोफोराव मोनफिन्नाय नुनो मोनो। 

रांखान्थियारि स्ट'क बाजाज फाइनेन्स आरो बाजाज फिनसार्भआ मोनफ्रोमबो 2 जौखोन्दो खमायदों।

BSE सेन्सेक्सआ 930.54 पइन्ट एबा 1.20 जौखोन्दो गाहायाव 76,484.38 आव दंमोन। NSE निफ्टीआ 212.30 पइन्ट एबा 0.90 जौखोन्दो खमायनानै 23,307.05 आव थाङो।  

ALSO READ: वारि एनर्जिनि बाहागोआ दिनै नोजोराव दं, बेयाव मानो दं

सन फार्मा 1.76 जौखोन्दो खमायनानै 1,704 रां जायो आरो सेन्सेक्सनि बयनिख्रुइ गाज्रिसिन खहा जानायफोरनि गेजेराव मोनसेमोन। आमेरिकानि हादोरगिरि ड'नाल्ड ट्राम्पआ 2 एप्रिलखौ 'उदांस्रि सान' महरै फोसावदों, जेब्ला आमेरिकाया हादोरफोरनि सायाव गावजों गाव खाजोना जाबसिनगोन। 

"बे जाथायाव थांनानै, भारतनि फार्मा स्टकफोरा गाहाय दिन्थिफुंदों, मानोना जेनेरिक कम्पानिफोरा बेसेननि गोहोमखौ बारहोनायाव फेलें जायोब्ला रां थिसनगिरिफोरा खामायनायाव जाथावना गाज्रि गोहोमनि बादै जिंगा सिदों। सेप्टेम्बर 2024 निफ्राय (जेब्ला ट्राम्पआ आमेरिकानि बिसायख'थि देरहानायनि जाथावनाया बांदोंमोन आरो बेबायदिनो खाजोनानि बादै जिंगा सिदोंमोन," नमुराया बुंदोंमोन।

जिय'जित इनभेस्टमेन्टनि VK विजयकुमारा बुंदोंमोन दि मुलुगनां हाथाइफोरा गाबोन फोसाव जानो गोनां ट्राम्पनि पारस्परिक बेसेननि गुदि खिथायाव गोसो होदों।

बिथाङा बुंदोंमोन दि फोसावनायनि उनाव हाथाइनि रुजुनाया बेसेननि गुदि खिथायाव सोनारगोन आरो बेफोर गुबुन गुबुन हादोरफोर आरो सेक्टरफोराव माबोरै गोहोम खोख्लैगोन।

"जुदि बेसेनफोरा गोब्राबब्ला हाथायाव आरोबाव गाज्रि जानो हागौ। रां थिसनगिरिफोरा गुवारै मिथिनायनि उनाव नेनो आरो नायनो आरो फिन्नाय होनो हागोन," बिथाङा बुंबावो।