দামোদৰ ভেলী কৰ্প’ৰেশ্যন (ডিভিচি)ৰ তাপ শক্তি প্ৰকল্পৰ বাবে ১০,০৫০ কোটি টকাৰ প্ৰকল্প ঋণ অনুমোদন জনাইছে বৃহস্পতিবাৰে ভাৰতীয় ষ্টেট বেংকে।
এক ঘোষণাত দেশৰ সৰ্ববৃহৎ ঋণদাতাই কয় যে ডিভিচিয়ে ১৬০০ মেগাৱাট শক্তিৰ আল্ট্ৰা ছুপাৰ ক্ৰিটিকেল থাৰ্মেল পাৱাৰ প্ৰজেক্টৰ বাবে ১০,০৫০ কোটি টকা ঋণ লোৱাৰ পৰিকল্পনা কৰিছে।
আনুষ্ঠানিক বিবৃতি অনুসৰি এই প্ৰকল্পৰ বাবে ঝাৰখণ্ডৰ কোডাৰমাত ৮০০ মেগাৱাটকৈ দুটা ইউনিট নিৰ্মাণ কৰা হৈছে।
এই প্ৰকল্পটো শক্তি মন্ত্ৰালয়ে ২০৩০ চনৰ ভিতৰত সামৰ্থ্য সংযোজনৰ অন্যতম প্ৰকল্প হিচাপে চিনাক্ত কৰিছে বুলিও প্ৰকাশ পাইছে।
মন কৰিবলগীয়া যে এছ বি আইয়ে যোৱা কেইটামান ত্ৰৈমাসিকৰ পৰা কৰ্পৰেট ঋণৰ শক্তিশালী পাইপলাইন আছে বুলি কৈ আহিছে, আনকি যেতিয়া সামগ্ৰিক কেপেক্সৰ অভাৱৰ বাবে উদ্বেগ প্ৰকাশ পাইছিল।
FIRST Business Portal addressing the potential of business capability of North East Region.
