आमेरिकान डलारनि रुजुनायाव रांनि बेसेना 11 फैसा बांनानै 86.93 रां जाहैबाय

नख'रारि हाथाइफोराव लोरबां जागायनाय, मुलुगनां गोथां थावनि बेसेन बांनाय आरो गोख्रोंसिन डलारनि जेंनाफोर थासेआवबो, मंगलबारनि जागायजेन्नाय फालांगिनि समाव आमेरिकानि डलारनि रुजुनायाव रांनि बेसेना 11 फैसा बांनानै 85.93 रां जाहैदोंमोन। इन्टारबेंक फरेन एक्सचेन्ज मार्केटाव, रांनि बेसेना डलारनि रुजुनायाव 85.96 आव जागायजेन्दोंमोन, जाय सिगांनि जोबनायनिफ्राय 11 फैसा बांनाय। रां बाख्रिनि गाहाय आरो फिनरेक्स ट्रेजारि एडभाइजर्स एलएलपीनि मावफुं सामलायगिरि अनिल कुमार भन्सालीआ बुंदोंमोन दि जुदि दिनै (मंगलबार) एबा जायखिजाया सानाव रांनि बेसेना 86.20 नि गोजौआव थाङो, अब्ला लाबोग्राफोरा मोनसे थाथ'नाय खहा मोनगोन, मानोना डलारनि बेसेना 86.70 सिम बांनो हागौ। जिखिजायामानो, भारतारि रिजार्भ बेंकखौ 86.20 नि दागोआव आखाय होनायखौ नुनाया आश्वस्त खालामो, जेराव बेयो रांखौ दिदोमथि खालामनो थाखाय डलार फानगासिनो दं।

"थावनि बेसेना रांनि सायाव गुदि गोहोम खोख्लैयो मानोना गुबुन हादोरारि पर्टफ'लिअ' इनभेस्टर्स (एफपीआइ) आरो थाव कम्पानिफोरा गावसोरनि बायजोआव बोहैनायखौ मदद होनो थाखाय डलार आरजिगासिनो दं। दिनैनि अनुमान खालामनाय सिमाया 85.75 निफ्राय 86.30 नि गेजेराव, आरो बेयो दावहानि जौगाथाय आरो हाथायाव रिजार्भ बेंक अफ इन्डिया (आर.बि.आइ.) नि मावथायफोरनि सायाव सोनारो। ब्रेन्ट क्रुडनि बेसेना - मुलुगनां थावनि मानथाखो - बावैसोनि सानफोराव गोख्रै बांनायनि उनाव वायदा फालांगियाव 0.34 जौखोन्दो बांनानै 73.48 डलार मोनफ्रोमबो बेरेल जायो, जायनि थाखाय इजराइल आरो इराननि गेजेराव बांलांनाय दाङाबाजिनि थाखाय दाय होनाय जादों।

भन्सालीआ बुंदोंमोन, "आमेरिकानि हादोरगिरिया इजराइल-ईरान दाङाबाजिनि सोमोन्दै तेहराननो मोनसे सांग्रांथि फोसावनायनि उनाव ब्रेन्ट थावनि बेसेना बांनानै 74.04 डलार प्रति बेरेल जाहैदोंमोन, जानो हाथाव जगायनाय हेंथाफोरनि सायाव जिंगा सिनायखौ लाखिनानै," भन्सालीआ बुंदोंमोन।

ALSO READ: बेंगालुरुआव गदरेज प्रपर्टीजनि 1,500 कौटि न' लुनाय मावथांखि

नख'रारि इक्विटी बाजाराव, बीएसई सेन्सेक्स, जेराव 30 सेयारफोर दं, गिबि फालांगिनि समाव 127.02 पइन्टनि खमायनानै 81,669.13 सिम सौहैदोंमोन, बबेखानि निफ्टी इन्डेक्सआ 55 पइन्टनि खमायनानै 24,891.50 आव थादोंमोन।

समबाराव स्टेटिस्टिक्स एन्ड प्रग्राम इम्प्लिमेन्टेसन बिफानजों फोसावजानाय दानारि खारि बायदिब्ला, हादोराव खामानि गैजायैनि हारआ मे दानाव 5.6 जौखोन्दोसिम बांदों, जाय बे बोसोरनि एप्रिलाव 5.1 जौखोन्दोनिफ्राय बांदों, गुबैयै बोथोरारि दावखो-दावसिनि जाहोनाव।

फारियै दाननैसिम मोजां जौगानायखौ मोनदांनायनि उनाव, मुलुगनां पेट्र'लियाम बेसेनफोरा खमायनायनि जाहोनाव भारतनि दैथायहरनाया फिन खेबसेबाव गाज्रि ओनसोलाव गोग्लैदोंमोन, जाय बोसोर-बोसोर 2.17 जौखोन्दो खमायनानै मे दानाव 38.73 बिलियन डलार जाहैदोंमोन। बेनि गेजेराव, समबाराव फोसावजानाय गोदानसिन सोरखारि खारिथिनि बायदिब्ला, बे दानाव फालांगियारि खहाया 21.88 बिलियन डलारसिम खमायदोंमोन। गुबुन हादोरारि फसंथानारि रां थिसनगिरिफोरा (एफ.आइ.आइ.) समबाराव गासै 2,539.42 कौटि रांनि इक्विटिफोरखौ फानदोंमोन, एक्सचेन्ज खारिथिनि बायदिब्ला, गुबुन हादोरारि फसंथानारि रां थिसनगिरिफोराबो बोसोर-बोसोर 1.7 जौखोन्दो खमायनानै 60.61 बिलियन डलार जाहैदोंमोन।