रांनि खहा 9थि सप्तायाव खमायदों, बिजिरसंगिरिफोरा बांसिन लोरबांथिखौ मिजिं थिदों

भारतारि रांआ सुक्रुबाराव रेकर्ड जोबनायनि गाहायसिनाव जोबदोंमोन, चीननि युआननि बाङाइ जालांनायनि नारसिननायजों, आरो आमेरिकान डलारनि थाद'नाय गैयै बांनायनि जाहोनाव खहानि गुथि सप्तायाव लग इन खालामदोंमोन।

रांनि बेसेना डलारनि रुजुनायाव 85.77 रांआव जोबदोंमोन, जाय सिगांनि 85.7525 रांनि जोबनायमोन। जायगायारि इउनिटआ सप्तानि थाखाय 0.2 जौखोन्दो गाहायाव फैदों।

चीननि युआनआ सुक्रुबारखालि डलारनि रुजुनायाव 7.3 सिमानि गाहाय सिमाखौ बारनानै 14 दाननि गाहायसिनाव थाङो मानोना बायफ्लेलांनाय दिहुनथाय, हार खमायनायनि मिजिं आरो फैबाय थानाय आमेरिकानि गोदानै सायख'जानाय ड'नाल्ड ट्राम्पनि खुंथायनिफ्राय टेक्सनि सिगिनाया आबेगखौ खहा खालामदोंमोन।

चीननि रांआ सुक्रुबारखालि 0.14 जौखोन्दो गाहायाव 7.3093 आव बोरिमायारि फालांगि सत्रखौ बन्द' खालामदोंमोन, जाय 3 नभेम्बर, 2023 मायथाइनि उनाव बेनि बयनिख्रुइबो लोरबांसिन थाखोमोन।

गुबुन एसियानि रांफोरा गुवारै गाहायसिनमोन।

मोनसे गावारि बेंकनि सासे फालांगिरिया बुंदोंमोन, "युआनआव गोग्लैनाया रांनि जेंनाखौ बांहोदोंमोन।

फालांगियारिफोरा बुंदोंमोन दि रिजार्भ बेंक अफ इन्डियानि (आर.बि.आइ.) जाथावना डलार फाननाया थांनाय सप्तायाव रांनि रिकर्ड गाहायसिन 85.8075 रांनि गाहायाव फैनायखौ होबथादों।

मोनसे गुवार डलार रेलिनि जाहोनाव थांनाय माखासे सप्ताफोराव रांनि नारसिनथाय दंमोन।

बृहस्पतिबाराव निउयर्क फालांगियाव डलार इन्डेक्सआ नै बोसोरनिबो बांसिन समनि गेजेराव जौसिनाव दावखोयो आरो दानसेनि बांसिन समनि गेजेराव गावनि साबसिन सप्तायारि दिन्थिफुंनायनि लामायाव दं।

ALSO READ: बाहायग्रा अरायथा बाहागोनि बाहागोफोरा मुलाम्फा जायो

बे बोसोराव एसेल' फेडारेल रिजार्वनि हार खमायनायनि मिजिं थिनाय आरो आमेरिकानि रांखान्थिया गावनि गुबुन मुलुगनां लोगोफोरनिफ्राय साबसिन दिन्थिफुंबाय थागोन होनना साननाया डलारखौ मोजाङै बिद होबाय थादों।

रां थिसनगिरिफोरा दा फैगौ सुक्रुबाराव जानो गोनां दिसेम्बर आमेरिकानि साख्रिनि फोरमायथि आरो आमेरिकानि बेसेन बांनायनि खारिखौ नायगोन, जाय 15 जानुवारियाव ओंखारगोन। रिलायेन्स सिकिउरिटिजनि सासे गागि बिजिरसंगिरि जिगर त्रिवेदीआ बुंदोंमोन दि गुसुं समगान्थियाव रांनि बेसेना 86 डलारनि दागोखौ सौहैनो हागौ, जाय मोनफ्रोम खमायनायाव डलार-रांनि जराखौ बायनो सुबुरुन होयो।