भारतनि स्ट्राइकनि उनाव आमेरिकान डलारनि बेरेखायै रांनि बेसेना 31 फैसा खमायनानै 84.66 रां जाबाय

पाकिस्तान आरो पाकिस्तानजों आवग्रिजानाय काश्मीराव उदखारि बादाफोरनि बेरेखायै भारतनि रौनिया गाग्लोबनायनि उनाव बुधबारनि जागायजेन्नाय फालांगियाव आमेरिकान डलारनि रुजुनायाव रांनि बेसेना 31 फैसा खमायनानै 84.66 रां जाहैदोंमोन।

भारतारि रौनिया हान्जाफोरा बुधबारनि फुङाव पाकिस्तान आरो पाकिस्ताननि आवथायाव थानाय काश्मीराव जैश-ए-मोहम्मदनि खरं बहावलपुर आरो मुरिदकेआव लश्कर-ए-तैयबानि बिथाजों लोगोसे मोनगु उदखारि थांखिफोराव मिसाइल गाग्लोबदोंमोन।

पहलगाम गाग्लोबनायनि नै सप्ता उनाव अपारेशन सिन्दूरनि सिङाव रौनिया गाग्लोबनायफोरखौ खालामनाय जादोंमोन, जेराव सा 26 नोगोरारिफोर थैदोंमोन।

फरेक्स फालांगियारिफोरा बुंदोंमोन दि पाकिस्तान आरो पाकिस्तानजों आवग्रिजानाय काश्मीराव उदखारि बादाफोरनि बेरेखायै रौनिया गाग्लोबनाया रांनि सायाव दावराव-दावसि बांनायनि सायाव नोजोर होयो।

इन्टारबेंक फरेन एक्सचेन्जआव, नख'रारि इउनिटआ 84.65 आव खुलिदोंमोन आरो ग्रीनबेकनि बेरेखायै 84.66 आव गोग्लैदोंमोन, जाय सिगांनि बन्दनि रुजुनायाव 31 फैसा खहा जादोंमोन।

ALSO READ: दिनै सनानि हार: भारत-पाकिस्तान दाङाबाजिनि गेजेराव एम.सि.एक्स. सनानि बेसेना 10 ग्रामआव 97,000 रांनि गाहायाव फैदों; इउ.एस. फेड पलिसिखौ नोजोर होदों

बांलांनाय गोनो गोथो आरो खैफोदनि उखैनायखौ सांग्रां खालामफिन्नायनि गेजेराव, मंगलबाराव रुपया आमेरिकान डलारनि रुजुनायाव 5 फैसा गाहायाव 84.35 रांआव थादोंमोन। रां बाख्रिनि गाहाय आरो फिनरेक्स ट्रेजरी एडभाइजर्स एलएलपीनि मावफुं सामलायगिरि अनिल कुमार भन्सालीआ बुंदों, "सट्टा खालामग्राफोर आरो गिखांनाय लाबोग्राफोरजों माखासे डलार बायनो हागौ, नाथाय जों सानो दि रांनि जायखिजाया गेदेर गोग्लैनायखौ होबथानो थाखाय रिजार्भ बेंक अफ इन्डिया (आर.बि.आइ.) थागोन। भन्सालीआ आरोबाव बुंदोंमोन, "जों आसा खालामो दि इक्विटी हाथाइफोराव एफ.आइ.आइ.जों माखासे फाननाय जानो हागौ, थेवब्लाबो बेखौ दबथायनो हागौ मानोना बिसोरो एस्केलेशननि आरोबाव खौरांखौ फिल्टार खालामनो नेथ'नो लुबैगोन।" आथिखालाव हाथाइफोरा गिनाय आरो एसे दावराव-दावसि जानो हागौ, नाथाय जेरै जों सिगाङाव बुंदोंमोन, हाथाइनि दावराव-दावसिखौ सामलायनो थाखाय आर.बि.आइ.नि सायाव सोनारगोन आरो बिसोरो थि खालामगोन दि रांआ दिनै बबेहाय जोबगोन। बेनि गेजेराव, डलार इन्डेक्स, जाय मोनद' रांनि बास्केटनि बेरेखायै ग्रीनबेकनि गोहोखौ हमदांनो हायो, 0.30 जौखोन्दो बांनानै 99.53 आव फालांगि खालामगासिनो दंमोन।

मुलुगनां थावनि बेन्चमार्क ब्रेन्ट क्रुडआ वायदा फालांगियाव 0.68 जौखोन्दो बांनानै 62.57 डलार मोनफ्रोम बेरेल जाहैदोंमोन।

नख'रारि इक्विटी बाजाराव 30 शेयरनि बीएसई सेन्सेक्सआ 107.74 पइन्ट एबा 0.13 जौखोन्दो खमायनानै 80,533.33 आव थाङो, जेराव निफ्टी 24.35 पइन्ट एबा 0.10 जौखोन्दो खमायनानै 24,355.25 आव थाङो।

एक्सचेन्ज खारिथिनि बायदिब्ला, गुबुन हादोरारि फसंथानारि रां थिसनगिरिफोरा (एफ.आइ.आइ.) मंगलबाराव गासै बिथायाव 3,794.52 कौटि रांनि इक्विटि बायदोंमोन।