दिनै जागायजेन्नाय फालांगियाव आमेरिकान डलारनि रुजुनायाव रांनि बेसेना 22 फैसा खमायनानै 87.41 रां जाबाय

आमेरिकानिफ्राय गोदानसिन खाजोना फोसावनाया रांजों लोगोसे जाखांफुनाय रांफोरनि सायाव गिलिर जानायनि उनाव बृहस्पतिबारखालि जागायजेन्नाय फालांगियाव आमेरिकान डलारनि रुजुनायाव रांनि बेसेना 22 फैसा खमायनानै 87.41 रां जाहैदोंमोन।

फरेक्स फालांगियारिफोरा बुंदोंमोन दि आमेरिकानिफ्राय गोदानसिन खाजोना फोसावनाया मुलुगनां हाथाइफोराव दुखु मोनहोदों, जाय डलारखौ गोख्रों खालामदों।

इन्टारबेंक फरेन एक्सचेन्जआव, रुपया 87.26 आव खुलिदोंमोन, बेनि उनाव आमेरिकानि रांनि रुजुनायाव 87.41 आव गोग्लैदोंमोन, जाय सिगांनि बन्दनि रुजुनायाव 22 फैसा गाहायाव फैदोंमोन।

मंगलबाराव रांनि बेसेना 47 फैसा गोख्रैयै खमायनानै आमेरिकान डलारनि रुजुनायाव 87.19 आव थाहैदोंमोन।

बुधबाराव महाशिवरात्रिनि थाखाय इक्विटी, फरेक्स, मुवा-बेसादनि हाथाइफोरा बन्द जादोंमोन।

मुलुगनां राङारि हाथाइफोरा गोदानै दावराव-दावसि मोनदांनो हादोंमोन मानोना आमेरिकानि हादोरगिरि ड'नाल्ड ट्राम्पआ टेक्सनि फारसे गावनि रादाइखौ रोखा खालामदोंमोन, फोसावदोंमोन दि कानाडा आरो मेक्सिक'आव खाजोनाया 2 एप्रिलनिफ्राय गोहोम गोग्लैगोन।

फालांगियारि जेंनाखौ दाजाबदेरनानै, बिथाङा इउर'पनि मुवाफोराव जाथावना 25 जौखोन्दो पारस्परिक खाजोनानि इसारा होदोंमोन, जायजों इउर'पियान इउनिय'ननिफ्राय फिन साजा होनायनि गिनायखौ बांहोदोंमोन।

बबेखानि, मेक्सिकन आरो कानाडानि मुवाफोराव 25 जौखोन्दो खाजोना जाबसिननायाव गोबाव जानाया - गुबैयै 4 मार्चनि थाखाय थि खालामनाय जादोंमोन नाथाय 2 एप्रिलसिम दोनथ'नाय जादोंमोन - आमेरिकान डलारनि मुलाम्फाखौ सिमा गोनां खालामगासिनो दं।

ALSO READ: मायरं दैथायहरनायनि बेसेना फिन बांबावदों, ST25 मायरंनि रोखोमआ खमायलांगासिनो।

बेनि गेजेराव, डलार इन्डेक्स, जाय मोनद' रांनि बास्केटनि बेरेखायै ग्रीनबेकनि गोहोखौ हमदांनो हायो, 106.62 आव दंमोन, जाय 0.19 जौखोन्दो बांसिनमोन।

मुलुगनां थावनि बेन्चमार्क ब्रेन्ट क्रुडआ वायदा फालांगियाव 0.30 जौखोन्दो बांनानै 72.75 डलार मोनफ्रोमबो बेरेलआव मुंख'दों।

सीआर फोरेक्स एडवाइजर्स MD - अमित पाबारीआ बुंदों, "USD/INR जराया गोजौ थाखोआव थानायनि आसा दं, 87 आव गोख्रों मदद आरो 87.50-87.60 आव होबथानायजों, मानोना सोलिबाय थानाय बुहुमनां जेंनाफोरा सोलिबाय थानाय मुलाम्फाफोरनिफ्राय बांसिन"।

नख'रारि इकुइटि हाथायाव 30 शेयरनि BSE सेन्सेक्सआ 11.84 पइन्ट एबा 0 नि फालांगि खालामगासिनो दंमोन। फुंनि फालांगियाव 02 जौखोन्दो बांनानै 74,613.96 आव थाङो, जेराव निफ्टी 1.50 पइन्ट एबा 0.01 जौखोन्दो खमायनानै 22,546.05 आव थाङो।

एक्सचेन्ज खारिथिनि बायदिब्ला, गुबुन हादोरारि फसंथानारि रां थिसनगिरिफोरा (FII) मंगलबाराव गासै बिथायाव केपिटेल हाथाइफोराव 3,529.10 कौटि रांनि इक्विटिफोरखौ बायदोंमोन।