जागायजेन्नाय फालांगियाव आमेरिकान डलारनि रुजुनायाव रांनि बेसेना 7 फैसा खमायनानै 85.75 जाबाय

मंगलबारनि जागायजेन्नाय फालांगियाव आमेरिकान डलारनि रुजुनायाव रांनि बेसेना 7 फैसा खमायनानै 85.75 रां जाहैदोंमोन, जाय मोनसे गोख्रों आमेरिकानि रां आरो बायजोआरि रांनि बायजोआव बोहैलांनायनि जाहोनाव गाहायाव फैदोंमोन।

बबेखानि, भारतारि रांआ नख'रारि इकुइटि हाथाइफोराव माखासे रिकभारिनि आरो गुबुन हादोराव गोथां थावनि बेसेनखौ खमायनायनि जाहोनाव गोग्लैनायखौ होबथादोंमोन, फरेक्स फालांगियारिफोरा बुंदोंमोन।

इन्टारबेंक फरेन एक्सचेन्जआव, रुपया 85.77 आव खुलिदोंमोन, जाय 85.80 आव गोग्लैदोंमोन, बेनि सिगां गिबि लेनदेनफोराव ग्रीनबेकनि बेरेखायै फिन 85.75 आव फालांगि खालामदोंमोन, जाय सिगांनि बन्दनिफ्राय 7 फैसा बाङाइमोन।

समबारखालि डलारनि रुजुनायाव रांनि बेसेना 11 फैसा बांनानै 85.68 आव थादोंमोन। इन्ट्राडेनि समाव, इउनिटआ आमेरिकानि रांनि बेरेखायै गाहायसिन थाखोआव 85.84 सिम सौहैदोंमोन।

बे समावनो, डलार इन्डेक्स, जाय मोनद' रांनि बास्केटनि बेरेखायै ग्रीनबेकनि गोहोखौ हमदांनो हायो, 0.09 जौखोन्दो गाहायाव 108.09 आव फालांगि खालामगासिनो दंमोन।
मुलुगनां थावनि बेन्चमार्क ब्रेन्ट क्रुडआ वायदा फालांगियाव 0.05 जौखोन्दो खमायनानै 76.26 डलार मोनफ्रोम बेरेल जायो।

नख'रारि इक्विटी बाजाराव, 30 शेयरनि BSE सेन्सेक्सआ गोथौ गोग्लैनायनिफ्राय मोजां जाफिनदोंमोन आरो 369.05 पइन्ट एबा 0.47 जौखोन्दो बांनानै 78,334.04 पइन्टआव ट्रेडिं खालामगासिनो दंमोन, जेराव निफ्टी 122.35 पइन्ट एबा 0.52 जौखोन्दो जौगानानै 23,738.40 पइन्टआव दंमोन। मोन्नैबो इन्डेक्सआ समबाराव 1.60 जौखोन्दो गोग्लैदोंमोन।

एक्सचेन्ज खारिथिनि बायदिब्ला, गुबुन हादोरारि फसंथानारि रां थिसनगिरिफोरा (FII) समबारखालि गासै बिथायाव केपिटेल हाथाइफोराव 2,575.06 कौटि रां बायदोंमोन।

ALSO READ: नबेम्बर 2024 मायथाइयाव भारताव साहा दिहुनथाया 12.51 मिलियन किल'ग्राम बांदों: रिपर्ट

नख'रारि मैक्रोइक'नमिक बिथिङाव, भारतनि सिबिथाय सेक्टरनि जौगानाया दिसेम्बरआव ब्रै दाननि गोजौसिन थाखोआव सौहैदोंमोन, जाय गोख्रों दाबि खालामनाय थासारिफोराव गोदान फालांगियारि हाबफैनाय आरो बेसेन बांनायनि नारसिननायखौ खम खालामनायजों मदद होजादोंमोन, मोनसे दानारि जरिबआ समबाराव दिन्थिदों।

बोथोरारि गोरोबनाय HSBC इन्डिया सार्विसेस बिजनेस एक्टिभिटि इन्डेक्सआ नबेम्बराव 58.4 निफ्राय दिसेम्बरआव 59.3 सिम बांदों, जाय ब्रै दानाव गोसारनायनि बयनिख्रुइबो गोख्रोंसिन हारखौ दिन्थियो।

बुहुमनां सना गौथुम (WGC)नि बायदिब्ला, भारतारि रिजार्भ बेंकआ (RBI) 2024 मायथाइनि बायनायनि फारिखौ लाखिबाय थादोंमोन, जाय नबेम्बराव गावनि सनानि दोनथुमसालियाव 8 टन दाजाबदेरबावदोंमोन। पलेन्डनि उनाव 2024 मायथाइयाव नैथि बयनिख्रुइबो देरसिन बायगिरि महरै गावनि थाथायखौ लाखिनानै बेयो बोसोरनिफ्राय दिनैसिम बायनायखौ 73 टन आरो गासै सनानि बिगोमाथिखौ 876 टनसिम लांदोंमोन।