आसामाव 10,600 कौटि रांनि हासार बिथांखिआ केबिनेटनि गनायथि मोनबाय

गाहाय मन्थ्रि नरेन्द्र मदीनि दैदेन्नायाव इउनिअन केबिनेटआ बुधबाराव 10,601.40 कौटि रांनि अनुमानित गासै मावथांखि खरसाजों 12.7 लाख टन युरिया दिहुन्नायनि बोसोरारि गोहोजों आसामाव मोनसे गोदान ब्राउनफील्ड अमोनिया-यूरिया कमप्लेक्स गायसननायनि थांखिखौ गनायथि होयो।

बे गोदान मावथांखिया आसामनि नामरुपआव ब्रह्मपुत्र भेली फार्टिलाइजार कर्परेशन लिमिटेड (BVFCL) नि थाखानाय सोरगिदिं फैगोन। 7 अक्ट'बर, 2014 मायथाइयाव बेनि सोदांनायजों लोगोसे गोदान रां थिसननाय खान्थि, 2012 नि सिङाव मोनसे जथाय फालांगि (JV) नि गेजेरजों बेहा 70:30 नि दाहारनिफ्राय इक्विटी रुजुज'खा थागोन।

केबिनेट जथुमनि उनाव फोसावनाय मोनसे मावख'आरि बिबुंथिनि बायदिब्ला, नामरुप-IV मावथांखिखौ जागायजेन्नायनि अरायथा नङि गासै समनि फारिलाइआ 48 दान।

बेनि अनगायैबो, केबिनेटआ पाब्लिक एन्टारप्राइजेज बिफान (DPE) नि बिथोनफोराव थिखानाय सिमाफोरखौ रेहाय होनायाव नेशनेल फार्टिलाइजार लिमिटेड (NFL) नि इक्विटी बाहागो लानायखौ 18 जौखोन्दो गनायथि होयो; आरो नामरुप-IV हासार प्लान्ट गायसन्नायनि बिखान्थिखौ नायदिंनो थाखाय मोनसे गेजेर-मन्थ्रि आफाद (IMC) दानाय।

ALSO READ: दिनै सनानि हार 20-03-2025: नोंथांनि सोहोराव गोदानसिन बेसेनफोरखौ नायग्रोम

बिबुंथिनि बायदिब्ला, थांखि लानाय जेभिआव आसाम सोरखारनि 40 जौखोन्दो इक्विटी, BVFCL नि 11 जौखोन्दो बाहागो, हिन्दुस्तान उर्वरक एन्ड रसायन लिमिटेडहा 13 जौखोन्दो बाहागो थागोन जेराव नेसनेल फार्टिलाइजार लिमिटेड (NFL) आरो अइल इन्डिया लिमिटेड (Oil) मोनफ्रोमावबो 18 जौखोन्दो बाहागो थागोन।

BVFCL नि इकुइटिनि बाहागोआ मोगथाङारि सम्फथिनि सोलायै जागोन। बे मावथांखिया हादोराव जर'खायै सा-सानजा ओनसोलाव नखरारि युरिया दिहुनथाय गोहोखौ बांहोगोन। बेयो सा-सानजा, बिहार, सोनाब बेंगल, सानजा उत्तर प्रदेश आरो झारखन्डआव युरिया हासारफोरनि बांलांनाय गोनांथिखौ आबुं खालामगोन।

नामरुप-IV नि गायसननाया बांसिन गोहो गोनां जागोन। बेयो ओनसोलनि सुबुंफोरनि थाखाय थोंजोङै आरो खेंस्लायै साख्रिनि उफ्रा खाबुफोरनि लामाबो बेखेवगोन। बेनि अनगायैबो, बे मावथांखिया हादोराव युरियायाव गाव-सोनारनायनि नोजोरखौ जाफुंहोनायाव मदद होगोन, बिबुंथियाव बुंनाय जादों।