RBI आ अक्ट'बराव 27 टन सना दाजाबदेरदों, जाय मिरुआरि बेंकफोरनि बायनायनि 50 %

मुम्बाइ: रिजार्भ बेंकआ अक्ट'बराव मिरुआरि बेंकफोरा बायनाय गासै सनानि 48 जौखोन्दो बायदों, जाय गावनि न'नि दोनथुमसालियाव 27 टन दाजाबदेरदों, जायजों गासै टनभारआ 882 जाहैबाय। बुहुमनां सना गौथुम (DJC) नि गोदानसिन खारिनिफ्राय मिथिनो मोनोदि अक्ट'बराव गासैबो मिरुआरि बेंकफोरजों सना बायनाया गासै 60 टनल'मोन।

गेजेर हायुंआरि राङारि फुन्जि (IMF) निफ्राय फोरमायथिनाय दानारि अनजिमानि सायाव बिथा खालामनानै RBI आ जानुवारि आरो अक्ट'बरनि गेजेराव 77 टनसिम सना बायदों।

सनाया अक्ट'बराव गावनि जारिमिनारि गोजौ बेसेनखौ 2750 डलार/आउन्सनि सिनखौ बारदोंमोन आरो बायनाया जारिमिनारि महरै बयनिख्रुइबो बांसिन बेसेनमोन - मिरुआरि बेंकफोरनि दाबिनि जाहोनाव बेसेनफोरा अख्रां नांहां जानो हागौ। WGC आ बुंदोंमोन दि अक्ट'बर बायनाया 2023 मायथाइनि बे समखोन्दोनि रुजुनायाव बा गुन बांनायखौ दिन्थियो। बे बायनायजों हादोरनि गासै सनानि थिखाया 882 टनमोन, जायनि गेजेराव 510 टनआ हादोराव आरो आद्राया बांसिनै लन्दन, ज्यूरिख आरो निउयर्कआव दं।

RBI आ एप्रिल 2022 आरो सेप्तेम्बर 2024 मायथाइनि गेजेराव सना बायनायनि गोख्रैथियाव दं, जेब्ला बेयो रिजार्भआव 100 टननि खाथियाव दाजाबदेरदोंमोन।

जानुवारि आरो सेप्टेमेबरनि गेजेराव मिरुआरि बेंकआ 24 टन बायदोंमोन, जायजों गासै 854.73 टन जाहैदोंमोन। मार्च 2024 मायथाइनि जोबनायथिं, रिजार्वआ 822.73 टनमोन, जाय मार्च 2022 मायथाइयाव 760.42 टनल'मोन। बेनि ओंथिया बेनोदि आर.बि.आइ.आ बै समनिफ्राय आरो सेप्तेम्बर 2024 मायथाइनिफ्राय 94.31 टन बारायदोंमोन। गासै 2023 मायथाइयाव, सनानि थिखाया 16 टन बांदोंमोन, जायजों आर.बि.आइ.आ जन्दिस धातुनि नैथि बयनिख्रुइबो देरसिन मिरुआरि बेंक बायगिरि जादोंमोन। गासै फरएक्स रिजार्भ (डलारनि सोदोब) नि बेलायाव, सेप्टेम्बर 2024 मायथाइयाव सनानि बेसेना 9.32 जौखोन्दो, जाय मार्च 2024 मायथाइयाव 8.15 जौखोन्दोनिफ्राय बांसिन।

ALSO READ: CRR खमायनायनि उनाव बेंकफोरा गोजौ जमा खालामनायनि हार होनायनि सम्भाबना गैया।

काउनसिलआ आरोबाव बुंदोंमोन दि जाखांफुनाय हाथाइनि मिरुआरि बेंकफोरा अक्ट'बर 2024 मायथाइसिम तुर्की आरो पलेन्डजों फारियै 72 टन आरो 69 टन दाजाबदेरनायजों हाथाइयाव गादबबाय थादों। जायनि ओंथिया बेनोदि बे बोसोराव फोरमायथिनाय गासै मुलुगनां गासै बायनायनि 60 जौखोन्दोआ बे मोनथाम मिरुआरि बेंकफोरनि। बे बोसोरनि गिबि खावसेसिम चीननि मिरुआरि बेंकआ सराफा बायनायनि हाबाफारिखौ दैदेनदोंमोन।