চৰকাৰী মালিকানাধীন পঞ্জাব নেশ্যনেল বেংকে যোগ্য প্ৰতিষ্ঠানিক খেলুৱৈক ইকুইটি শ্বেয়াৰ ইছ্যুৰ জৰিয়তে ৫ হাজাৰ কোটি টকা সংগ্ৰহ কৰে।
পিএনবিয়ে এক বিবৃতিত প্ৰকাশ কৰা অনুসৰি বেংকটোৱে প্ৰতি শ্বেয়াৰৰ ইছ্যু প্ৰাইজত ১০৩.৭৫ টকাত প্ৰায় ৪৮.১৯ কোটি ইকুইটি শ্বেয়াৰ আবণ্টন দিছিল, যিটো প্ৰতি শ্বেয়াৰৰ ফ্ল’ৰ প্ৰাইজ ১০৯.১৬ টকাৰ বিপৰীতে ৪.৯৬ শতাংশ ৰেহাইত আছিল।
বেংকটোৰ কিউআইপি ইছ্যুটো ২০২৪ চনৰ ২৩ ছেপ্টেম্বৰৰ পৰা ২৬ ছেপ্টেম্বৰলৈকে চাবস্ক্ৰিপচনৰ বাবে মুকলি আছিল বুলিও জানিব পৰা গৈছে।
বেংকটোৱে জনোৱা মতে, মিউচুৱেল ফাণ্ড, বিদেশী পৰ্টফলিঅ’ বিনিয়োগকাৰী (এফপিআই), আৰু বীমা কোম্পানী আদিৰ দৰে যোগ্যতাসম্পন্ন প্ৰতিষ্ঠানিক ক্ৰেতা (কিউআইবি), আৰু বীমা কোম্পানীসমূহৰ পৰা কিউআইপি ইছ্যুৰ বাবে ৪১,৭৩৪ কোটি টকাৰ নিবিদা লাভ কৰিছে। এই ধনৰাশি ২৫০০ কোটি টকাৰ ভিত্তি ইছ্যু আকাৰৰ ১৬.৭ গুণ আৰু মুঠ ৫০০০ কোটি টকাৰ ইছ্যুৰ আকাৰৰ ৮.৩ গুণ।
কিউআইপি ইছ্যুৰ জৰিয়তে সংগ্ৰহ কৰা মূলধনৰ পৰিমাণে বেংকৰ চিইটি-১ অনুপাত আৰু সামগ্ৰিক মূলধন পৰ্যাপ্ততা অনুপাত বৃদ্ধি কৰিব বুলি লগতে কয়।
FIRST Business Portal addressing the potential of business capability of North East Region.
