প্ৰধানমন্ত্ৰী কিষাণ সন্মান নিধি যোজনাৰ ১৯ তম কিস্তি কেন্দ্ৰীয় চৰকাৰে ফেব্ৰুৱাৰীৰ শেষৰ ফালে মুকলি কৰিব। সংবাদ মাধ্যমৰ বাতৰি অনুসৰি কেন্দ্ৰীয় কৃষি মন্ত্ৰী শিৱৰাজ সিং চৌহানে কয় যে প্ৰধানমন্ত্ৰী নৰেন্দ্ৰ মোদীয়ে ২৪ ফেব্ৰুৱাৰীত বিহাৰ ভ্ৰমণ কৰি কৃষি কাৰ্যসূচীত অংশগ্ৰহণ আৰু অন্যান্য উন্নয়নমূলক কাৰ্যসূচী আৰম্ভ কৰিব আৰু তেতিয়াহে তেওঁ পি এম কিষাণ যোজনাৰ ১৯ সংখ্যক কিস্তি বিতৰণ কৰিব।
ইয়াত মন কৰিবলগীয়া যে প্ৰধানমন্ত্ৰী কিষাণ সন্মান নিধি (PM-KISAN) আঁচনিৰ অধীনত সুবিধা লাভ কৰিবলৈ ই-কেৱাইচি থকাটো প্ৰয়োজনীয়। প্ৰধানমন্ত্ৰী নৰেন্দ্ৰ মোদীয়ে ২০২৪ চনৰ ১৫ অক্টোবৰত প্ৰধানমন্ত্ৰী কিষাণ সন্মান নিধি (পিএম-কিছান) আঁচনিৰ ১৮ সংখ্যক কিস্তি মুকলি কৰিছিল।
পি এম কিষাণ হৈছে কেন্দ্ৰীয় চৰকাৰৰ আঁচনি, ১০০ শতাংশ ধন ভাৰত চৰকাৰৰ দ্বাৰা। ইয়াৰ অধীনত কিস্তিৰ ধন পোনপটীয়াকৈ হিতাধিকাৰীৰ বেংক একাউণ্টলৈ স্থানান্তৰ কৰা হয়। এই আঁচনিৰ অধীনত মাটিধাৰী কৃষক পৰিয়ালৰ (যাৰ নামত কৃষিভূমি আছে) আধাৰ লিংকড বেংক একাউণ্টত প্ৰতি চাৰি মাহৰ মূৰে মূৰে ২০০০ টকাৰ তিনিটা সমান কিস্তিত ৬০০০ টকা বাৰ্ষিক পৰিশোধ কৰা হয়।
ই কে ৱাই চি সম্পন্ন কৰাটো প্ৰয়োজনীয় যাতে আঁচনিৰ সুবিধা কোনো মধ্যভোগীৰ জড়িত নোহোৱাকৈ সমগ্ৰ দেশৰ সকলো কৃষকৰ মাজলৈ যায়। ইয়াৰ ফলত প্ৰৱঞ্চনাৰ সম্ভাৱনা কমি যায়।
পি এম কিষাণ যোজনাৰ হিতাধিকাৰীৰ বাবে ই কে ৱাই চিৰ তিনিটা পদ্ধতি-
অ'টিপি ভিত্তিক ই-কেৱাইচি (পিএম-কিছান পৰ্টেল আৰু মোবাইল এপত উপলব্ধ)
কমন চাৰ্ভিচ চেণ্টাৰ (চিএছচি) আৰু ষ্টেট চাৰ্ভিচ চেণ্টাৰ (এছএছকে)ত উপলব্ধ বায়মেট্ৰিক ভিত্তিক ই-কেৱাইচি
লাখ লাখ কৃষকে ব্যৱহাৰ কৰা মুখ প্ৰমাণীকৰণ ভিত্তিক ই-কে ৱাই চি (পি এম কিছান মোবাইল এপত উপলব্ধ)।
পি এম কিষাণ যোজনাত কেনেকৈ পঞ্জীয়ন কৰিব?
আঁচনিৰ যোগ্য হিতাধিকাৰীয়ে আধাৰ কাৰ্ড, নাগৰিকত্বৰ প্ৰমাণ পত্ৰ, মাটিৰ মালিকীস্বত্ব দেখুওৱা নথি-পত্ৰ, বেংক একাউণ্টৰ সবিশেষ লৈ ই-কেৱাইচি প্ৰক্ৰিয়া সম্পূৰ্ণ কৰিব লাগিব।
FIRST Business Portal addressing the potential of business capability of North East Region.
