नागालेन्डआ कंबोडियायाव भारतनि फालांगियारि थान्दै हानजानि बाहागो लादों

नागालेन्डनि साबा सोद्रोमानि मोनसे हानजाया 15 निफ्राय 18 जुनसिम कम्बोडियानि न'म पेन्हआव आइ.सि.सि. भारतारि फालांगि थान्दै हानजायाव बाहागो लादोंमोन। डि.आइ.पि.आर. नि फोरमायथि बायदिब्ला, रायजोनि हानजाखौ दारिमिन आरो फालांगि सामलायगिरि पी. टकुघा सेमाजों लोगोसे उफ्रा दिथागिरि एर. वाई. लिपंसे थंगत्सार, लेङाइ सामलायगिरि यावेली नौडी आरो बिजनेस एस'सिएशन अफ नागास (बीएएन)नि सानै थान्दैफोर - टी. मंखुम जामिर, जाय आफादगिरि, आरो बेन्थुंग' किथानमोन।

ALSO READ: 20 जुनखालि बांसिन मुलाम्फा मोनग्राफोर आरो जेननायफोर

आइ.सि.सि. नि डाइरेक्टर जेनेरेल ड. राजीब सिंह त्यागीनि दैदेन्नायाव थान्दै हान्जायाव आइ.सि.सि., उत्तर प्रदेश सोरखारनि मावख'गिरिफोर आरो आबाद, हासार, जाग्रा आदार प्रसेसिं, गायखेर, सावस्रि आरो आइ.टि. बायदि गुबुन गुबुन सेक्टरफोरनि फालांगिफोर दंमोन। कंबोडियायाव भारतारि राजथान्दै थाग्रा खुलिनि मददजों आइ.सि.सि.जों फालांगियारि जथुमखौ खुंनाय जादोंमोन। बेखेवनाय B2B जथुम्मायाव कंबोडियानि रयेल सोरखारनि गागि मन्थ्रि ड. सक सिफानाखौ दिन्थिनाय जादोंमोन आरो बेवहाय कंबोडिया चेम्बर अफ कमर्स, सीडब्ल्यूईए, सी.ओ.ए. आरो कंबोडियायाव इन्डियान बिजनेस चेम्बारजों लोगोसे गोनांथार आफादफोरा बाहागो लादोंमोन।

बे दावबायनायनि थांखिया भारत आरो कंबोडियानि गेजेराव रांखान्थियारि सोमोन्दोखौ बांहोनाय आरो गोदान हेफाजाबखौ बांहोनायमोन। नागालेन्डनि हानजाया कंबोडियानि आबाद बिफान, फालांगि बिफान, कंबोडियानि रां थिसननाय ब'र्ड आरो भारतारि राजथान्दै वनलालवाना बावितलुंनि थान्दैफोरजोंबो सावरायदोंमोन।