PSU फार्मा महारत्ननि थामान होनायजों माल्टिबेगार डिफेन्स स्ट'क गेनफोर

मल्टीबैगर स्टक: सेयारफोरा 2.22 जौखोन्दो बांनानै 4545.90 रां जाहैदों, जाय सिगांनि 4446.85 रांनि जोबनायमोन। माल्टिबेगर रैखाथि स्टकआ बोसोरसेआव 129 जौखोन्दो बांदों आरो नै बोसोराव 287 जौखोन्दो बांदों।

एर'स्पेस आरो रैखाथि फार्मखौ महारत्न सेन्ट्रेल पाब्लिक सेक्टर इन्टारप्राइज (CPSE) नि थामान होनायनि उनाव हिन्दुस्तान एर'न'टिक्स लिमिटेड (HAL) नि बाहागोफोरा दिनै खौरांआव फैदों। HAL नि बाहागोआ 2.22 जौखोन्दो बांनानै 4545.90 रां जाहैदों, जाय सिगांनि 4446.85 रांनि जोबनायमोन। माल्टिबेगर रैखाथि स्टकआ बोसोरसेआव 129 जौखोन्दो बांदों आरो नै बोसोराव 287 जौखोन्दो बांदों। थाम बोसोराव स्टकआ 526 जौखोन्दो बांदोंमोन।

फार्मनि गासै 0.31 लाख सेयारफोरा आखाय सोलायदोंमोन जाय 14.18 कौटि रांनि फालांगि खालामदोंमोन। BSE आव फार्मनि मार्केट केपआ 3.02 लाख कौटि रांसिम बांदोंमोन।

जौगाखांनायनि उनाव, HAL आ भारतनि 14थि महारत्न PSU जाबाय, जाय भेल, ONGC आरो इन्डियान अइल बायदि कम्पानिफोरनि लीगआव हाबबाय। 

HAL आ रैखाथि दिहुनथाय बिफान (DoDP) नि सिङाव खामानि मावो। 

पाब्लिक एन्टारप्राइजेज बिफाना मोनसे टुइटआव बुंदों, "मानगोनां रांखान्थि मन्थ्रिआ हिन्दुस्तान एर'न'टिक्स लिमिटेड (HAL) खौ 14थि #Maharatna CPSE आव फोजौनो गनायथि होदों। बे थांखिखौ सिगाङाव रांखान्थि नेहाथारिनि दैदेन्नायाव गेजेर-मन्थ्रि आफाद (IMC) आरो केबिनेट नेहाथारिनि दैदेन्नायाव एपेक्स कमिटिआ सुबुरुन होदोंमोन।  HAL आ रैखाथि दिहुनथाय बिफान (DoDP) CPSE, जायनि बोसोरारि टर्न अभार 28162 कौटि रां आरो रांखान्थियारि बोसोर 2023-24 मायथाइनि थाखाय 7595 कौटि रांनि गासै मुलाम्फा दं।

हिन्दुस्तान एर'न'टिक्स लिमिटेडआ बिरखं, हेलीकप्टार, एर'-इन्जिन, एभिय'निक्स, एक्सेसरिज आरो एर'स्पेस दाथायफोरजों लोगोसे गोबां रोखोमनि दिहुनथायफोरनि डिजाइन, जौगानाय, दिहुननाय, फाहामनाय, फोसाबनाय, जौगाहोनाय आरो सिबिथाइ होनायाव नांथाबना दं। कम्पानिनि दिहुनजानाय बेसादफोराव HAWK, लाइट कम्बेट एयारक्राफ्ट (LCA), SU-30 MKI, गेजेरारि जेट ट्रेनार (IJT), डर्नियर आरो HTT-40 दं।