बासमती नङि गुफुर मायरं फालांगिनि सायाव भारत आरो इन्ड'नेसियानि गेजेराव गोरोबथानि गोरोबथा

मिरु केबिनेटआ मिरु हेफाजाब बिफान आरो इन्ड'नेसियानि फालांगि मन्थ्रि बिफानजों सागान होजानाय बुजिलायनाय गोरोबथाखौ गनायथि होदों। गोदान दिल्लीयाव गाहाय मन्थ्रि नरेन्द्र मदीनि दैदेन्नायाव मिरु केबिनेटनि जथुमाव बे गनायथिखौ होनाय जादोंमोन।

MoU नि सोदोबफोर

भारतआ सोलिबाय थानाय गेजेर हायुंआरि बेसेनाव बोसोरफ्रोमबो इन्ड'नेसियानो 10 लाख मेट्रिक टन बासमती नङि गुफुर मायरं जगायगोन।

बे गोरोबथानि समा ब्रै बोसोर जागोन आरो गावनो गाव ब्रै बोसोरनि थाखाय बारायनाय जागोन।

मायरंखौ इन्ड'नेसियानो नेशनेल क'अपारेटिभ एक्सपर्ट्स लिमिटेडआ जगायगोन।

नेशनेल क'अपारेटिभ एक्सपर्ट्स लिमिटेडआ समबाय आफादफोरनिफ्रायल' मायरंखौ फुंगोन।

मायरं दैथायहरनाया फालांगियारि समान्थिखौ साबसिन खालामनो हागौ जाय इन्ड'नेसियानि फारसे गोबाङैनो दं।

2023-24 मायथाइयाव मोन्नैबो हादोरनि गेजेराव बायजोआरि फालांगिया 29.4 बिलियन आमेरिकानि डलारमोन। इन्ड'नेसियानो भारतनि दैथायहरनाया 5.99 बिलियन आरो बेनि लाबोनाया 23.4 बिलियन डलारमोन।

इन्ड'नेसियाया भारतनि दाइनथि बयनिख्रुइबो देरसिन फालांगियारि बाहागोआरि, बबेखानि भारतआ इन्ड'नेसियानि खैला आरो गोथां पाम थावनि नैथि बयनिख्रुइबो देरसिन बायगिरि।

भारतनिफ्राय मायरं दैथायहरनाय

भारत, जाय मायरंनि बयनिख्रुइ देरसिन दैथायहरग्रा, गोबां रोखोमनि मायरं दैथायहरो नाथाय गाहाय रोखोमफोरा बासमती आरो बासमती नङै गुफुर मायरं। बासमती मायरंआ मोनसे प्रीमियाम मायरं आरो 2023-24 मायथाइयाव बासमती मायरंनि गाहाय दैथायहरग्रा थावनिफोरा साउदी आरब, ईरान इराक, जुथाइ आरब अमीरात, आमेरिका आरो येमेनमोन। 2023-24 मायथाइयाव बासमती नङि मायरंनि गासै दैथायहरनाया 37804.48 कौटि रां एबा 4570.06 मिलियन डलारमोन। गाहाय दैथायहरजानाय हाथाइफोरा बेनिन, गिनी, टग', क'ट डी आइवर आरो भियेतनाममोन।

बासमती नङि मायरं दैथायहरनायखौ बन्द' खालाम

भारताव मायरंनि बेसेनखौ सामलायनो थाखाय सोरखारा 20 जुलाइ 2023 मायथाइयाव बासमती नङै गुफुर मायरं दैथायहरनायखौ बन्द' खालामदोंमोन। दैथायहरनायखौ खालि बैफोर हादोरफोरनोल' गनायथि होनाय जादोंमोन जायफोरा गावसोरनि आदार रैखाथिनि गोनांथिफोरखौ आबुं खालामनो थाखाय भारतारि मायरंखौ खावलायदोंमोन।

ALSO READ: रैखाथिनि गोनांथिनि थाखाय सनानि बेसेना सप्तानैनि गोजौसिन थाखोआव सौहैयो

सेप्तेम्बर 2024 मायथाइयाव भारत सोरखारा बासमती नङै मायरं दैथायहरनायाव होबथानायखौ बोखारदोंमोन, नाथाय बेयो मोनफ्रोम टनआव 490 डलारनि बाङायसिन दैथायहरनाय बेसेन जाबसिनदोंमोन।

नेशनेल क'अपारेटिभ एक्सपर्ट्स लिमिटेड (NCEL) नि सोमोन्दै

नेशनेल क'अपारेटिभ एक्सपर्ट्स लिमिटेड (NCEL) खौ 2023 मायथाइयाव माल्टि-स्टेट क'अपारेटिभ स'साइटि एक्ट, 2002 नि सिङाव मोनसे माल्टि-स्टेट क'अपारेटिभ स'साइटि महरै गायसननाय जादोंमोन।

बेखौ गुजरात क'अपारेटिभ मिल्क मारकेटिं फेडरेशन (GCMMF), इन्डियान फार्मर्स फार्टिलाइजार क'अपारेटिभ लिमिटेड (इफक'), नेशनेल एग्रिकालसारेल क'अपारेटिभ मारकेटिं फेडरेशन अफ इन्डिया लिमिटेड (NAFED), कृषक भारती क'अपारेटिभ लिमिटेड (KRIBHCO) आरो नेशनेल क'-अपारेटिभ देभेलपमेन्ट कर्प'रेसन (NCDC)जों जयै फोसावनाय जादों।

फांसन

नेशनेल क'अपारेटिभ एक्सपर्ट्स लिमिटेडआ हादोरनि समबाय सेक्टरजों दैथायहरनायनि थाखाय मोनसे गाहाय आफाद।