मारुति सुजुकीआ जानुवारि 2025 निफ्राय गावनि कारफोरनि बेसेनखौ बांहोगोन

भारतआव कारफोरा जानुवारि 2025 मायथाइनिफ्राय बेसेन गोसासिन जागोन। मारुति सुजुकी इन्डियाआ मडेलनि सायाव सोनारना गुबुन गुबुन रोखोमजों जानुवारि 2025 मायथाइनिफ्राय कारनि बेसेनखौ 4 जौखोन्दोसिम बांहोनो सानथांखि फोसावदों।

मारुतिआ बेसेन बांहोग्रा सासेल' कार बानायग्रा नङा, मानोना Hyundai Motor India, Audi India, Mahindra & Mahindra, JSW MG Motor India, Mercedes-Benz India, आरो BMW India आ गोदान बोसोरनि सिगां रोखोमसे फोसावदोंमोन।

मारुतिनि बायदिब्ला, फैबाय थानाय बेसेन बांनायनि थांखिया इनपुट खरसा आरो मावफुंनाय खरसाखौ बांहोनायखौ फोजोबनाय। बेसेन बांनायजों गोहोम गोग्लैनाय मारुति मडेलफोरा जाबाय Alto K10, Dzire, Swift, Brezza, Fronx, Ertiga, Baleno, Wagon R, Celerio, XL6, Ignis, Eeco, Jimny, Grand Vitara, S-Presso, Ciaz, आरो Invicto.

मारुतिआ गोबां हाथाइनि जायगायाव मोनफ्रोम बाजेट बेसेन बिन्दोनि थाखाय कारफोर होयो मानोना बेनि बयनिख्रुइबो बाङायसिन बेसेननि कारआ आल्ट' के10 (3.99 लाख रांनिफ्राय बेसेन), बबेखानि बयनिख्रुइबो बेसेन गोसासिन जासिनाया इनविक्ट' (28.92 लाख रांसिम बेसेन)।

बृहस्पतिबाराव हुण्डाई मटर इन्डियाआ 1 जानुवारि, 2025 मायथाइनिफ्राय गावनि गासैबो मडेलफोरनि थाखाय 25,000 रांसिम बेसेन बांहोनो फोसावदोंमोन। हुण्डाईआ बे बांनायखौ बांलांनाय खरसानि थाखाय दाय होदों जाय मुलाम्फाखौ गोहोम खोख्लैदों।

ALSO READ: रायजोआ मोननै रांखान्थियारि बोसोराव आसाम साहा कर्प मावसाफोरनो 70 कौटि रां होनो खोथा होदों

बे दाननि गिबिआव, अडी इन्डियाआ गावनि गासै बिफानाव 3 जौखोन्दो बेसेन बांनायखौ मावफुंनो गावनि थिरांथाखौ फोसावदोंमोन, जेराव Audi A4, Q7, e-tron GT आरो RS Q8 बायदि मुंदांखा मडेलफोर दं।

फैगौ भारत म'बिलिटि ग्लबेल एक्सपो 2025 आव, मारुतिआ माखासे गोदान कारफोरखौ दिन्थिनो हागौ, जेराव बेनि ईवितारा (नेमखान्थि बायदियै EVX) नि दिहुन्नाय रोखोमबो दं। मारुतिनिफ्राय गिबिसिन मोब्लिबारि गारि (EV) खौ 2025 मायथाइनि जागायजेन्नायाव फाननो हागोन होनना साननाय जादों।