LIC आ जुलाइ-सेप्टेम्बर दानथामाव 7,621 कौटि रांनि गासै मुलाम्फा जादों

मुम्बाइ: हादोरनि बयनिख्रुइबो देरसिन बीमा खालामग्रा लाइफ इन्सुरेन्स कर्प'रेसन (LIC)आ सुक्रबारखालि सोलिफु रांखान्थि बोसोरनि जुलाइ-सेप्तेम्बर दानथामारि (Q2) नि थाखाय 7,621 कौटि रांनि स्टैन्डअलोन नेट मुलाम्फानि फोरमायथि होदों, जाय थांनाय बोसोरनि बे दानथामनि थाखाय 7,925 कौटि रांनि सोमोन्दोगोनां अनजिमानिफ्राय 4 जौखोन्दो खम।

नैथि दानथामनि समाव गासै प्रीमियाम आयआ 11 जौखोन्दो बांनानै 1.19 लाख कौटि रां जाहैदों, जाय सिगांनि बोसोरनि बे समावनो 1.07 लाख कौटि रांमोन। नैथि दानथामनि समाव रां थिसननायनिफ्राय आयआ नैथि दानथामाव 16 जौखोन्दो बांनानै 1.08 लाख कौटि रां जाहैदों, जाय थांनाय बोसोरनि बे समावनो 93,942 कौटि रांमोन।

नैथि दानथामनि समाव सेथि बोसोरनि प्रीमियाम आयआ बोसोर-बोसोर 12 जौखोन्दो बांनानै 11,201 कौटि रां जाहैदों, जाय सिगांनि बोसोरनि बे दानथामाव 9,988 कौटि रांमोन।

सेप्टेम्बर 2024 मायथाइयाव जोबनाय द' दाननि थाखाय हारसिङारि गोदान फालांगियारि प्रीमियामनि आयआ 29,538 कौटि रांमोन, जाय सिगांनि बोसोरनि बे समावनो 25,184 कौटि रांमोन, जाय सिगांनि बोसोरनि रुजुनायाव 17 जौखोन्दो बांनायखौ दिन्थियो। गिबि खावसेनि थाखाय हारसिङारि फोदाननाय प्रीमियाम आयआ 5 जौखोन्दो बांनानै 1.15 लाख कौटि रां जायो।

LIC आ सोलिफु रांखान्थियारि बोसोरनि (एप्रिल-सेप्तेम्बर) गिबि खावसेनि समाव गावारि खोन्दोआव गासै 91.70 लाख पलिसिफोर फानदोंमोन। बोसोरारि प्रीमियाम समान (APE) बिथायाव, गिबि बोसोरारि प्रीमियामआ 2025 मायथाइनि गिबि खोन्दोआव 28,025 कौटि रांमोन। बेनि गेजेराव, 65 जौखोन्दोनि खाथियाव (18,163 कौटि रां) गावारि फालांगिजों आरो 35 जौखोन्दो (9,862 कौटि रां) हानजानि फालांगिजों खालामजादोंमोन। द' दाननि थाखाय गोदान फालांगिनि बेसेना (Value of New Business ) थांनाय बोसोरनि बे समखोन्दोनि रुजुनायाव 38 जौखोन्दो बांनानै 4,551 कौटि रां जाहैदों, जेराव गासै VNB नि मार्जिनआ 160 bps बांनानै 16.2 जौखोन्दो जाहैदों।

सेप्टेम्बर 2024 मायथाइसिम सोलाव गोहोनि रुजुज'खाया बांनानै 1.98 जाहैदोंमोन, बबेखानि 13थि दान आरो 61थि दाननि दिदोमथि रुजुजखाया फारियै 77.62 जौखोन्दो आरो 61.46 जौखोन्दोमोन। LIC नि सामलायनायनि सिङाव थानाय सम्फथिया (AUM) सेप्टेम्बर 2024 मायथाइसिम सिगांनि बोसोरनि बे समनि रुजुनायाव 17 जौखोन्दो बांनानै 55.39 लाख कौटि रां जाहैदों। गिबि खावसेनि थाखाय गासै खरसानि रुजुज'खाया 2.4 जौखोन्दो बांनानै 12.74 जौखोन्दो जाहैदोंमोन।

ALSO READ: मध्य प्रदेश: पन्नानि डायमन्ड मार्केटआ जारिमिनारि गाहायसिनाव गोग्लैदों

LIC आ गावनि रेगुलेटरि फाइलिंआव बेखौबो बुंदोंमोन दि "निगमजों मोन्नाय गनायथिनि बायदियै, पार सेगमेन्टजों सोमोन्दो थानाय उफ्रा पेन्सन बिबाननि थाखाय 5,477.10 कौटि रां रांखान्थियारि बोसोर 2024-2025 निफ्राय जागायजेन्नाय थाम बोसोरनि बांसिन समनि गेजेराव शेयारहोल्डर एकाउन्टाव लानाय जादों। बे बायदियैनो, 30 सेप्तेम्बर, 2024 मायथाइयाव जोबनाय दानथामनि समाव शेयार बाहागोआरिफोरनि एकाउन्टाव 456.42 कौटि रां लानाय जादों। रांखान्थियारि बोसोर 2026-27 मायथाइनि 04 सिम उननि दानथामफोराव शेयार बाहागोआरिफोरनि एकाउन्टाव 4,564.26 कौटि रांनि आद्रा थानाय रांखौ लानाय जागोन।

सुक्रुबाराव LIC नि बाहागोफोरा फिथाय फोसावनायनि सिगां NSE आव 1.5 जौखोन्दो गाहायाव 915.55 रांआव बन्द जादोंमोन।