जंगल केम्प्स इन्डिया IPO: रानलायनाय थासारि, गोदानसिन GMP आरो फारिलाइनि खालारखौ नाय।

जंगल केम्पफोरनि IPO आ 10-12 दिसेम्बरनि गेजेराव बिडिंनि थाखाय खुला दंमोन, जाय गावनि शेयारफोरखौ 68-72 रां मोनफ्रोम शेयारनि बेसेन बेन्डाव फानदोंमोन, जेराव गासै 29.42 कौटि रां बुथुमनो थाखाय 1,600 सेयारनि गोबां बिबां दंमोन।

जंगल केम्प्स इन्डियाआ सुक्रबार, 13 दिसेम्बरखालि गावनि बाहागो राननायनि बिथाखौ थि खालामनो हागौ। आर'जलाइ होग्राफोरा सप्तानि जोबनायाव एबा समबार, 16 दिसेम्बरसिम गावसोरनि फान्डनि डेबिट एबा गावसोरनि IPO बिथोनखौ बोखारनायनि थाखाय मेसेज, एलार्ट एबा इमेल मोनगोन। जिरायनाय सिबिथाय होग्रा गेलेगिरिया सानथामनि बिडिंनि समाव रां थिसनगिरिफोरनिफ्राय बाम्पार फिन्नाय नुदोंमोन।

मुम्बाइनि जंगल केम्प्स इन्डियानि IPO आ 10 दिसेम्बर आरो 12 दिसेम्बरनि गेजेराव बिडिंनि थाखाय खुला दंमोन। बेयो 1,600 इक्विटी शेयारनि गोबां अरथायजों मोनफ्रोम शेयारआव 68-72 रांनि बेसेन बेन्डाव गावनि शेयारफोरखौ जासिदोंमोन। कम्पानिया IPO नि गेजेरजों गासै 29.42 कौटि रां बुथुमदोंमोन, जाय आबुङै 40,86,400 इक्विटी शेयारसिम मोनसे गोदान बाहागो फाननायमोन।

SME इसुआ गासै 494.58 गुन गोख्रों साबस्क्राइब खालाम जादोंमोन। फसंथानारि नङै रां थिसनग्राफोरनि (NII) थाखाय थिखानाय राङा 760.48 गुन साबस्क्राइब खालाम जादोंमोन। खुस्रा रां थिसनगिरिफोरनि थाखाय थिखानाय बाहागोखौ 551.20 गुन साबस्क्राइब खालामनाय जादोंमोन। बबेखानि, रोंगौथि गोनां फसंथानारि बिडार होग्राफोरनि (QIB) थाखाय थिखानाय बाहागोखौ 196.62 खेब बुक खालामनाय जादोंमोन।

बे आयदानि थाखाय गोख्रों बिद होसेयावबो जंगल केम्प्स इन्डियानि ग्रे मार्केट प्रीमियामआ मोनसे गिदिर गोहोम गोग्लैनाय नुनो मोन्दों। जोबथा खोनासंनायाव, कम्पानिया मावख'आरि नङै हाथायाव 60 रांनि प्रीमियामनि बिथोन होगासिनो दंमोन, जाय रां थिसनगिरिफोरनि थाखाय 83 जौखोन्दोसो फारिलाइ मुलाम्फानि सुबुरुन होदोंमोन। बबेखानि, जारि खालामनायनि जागायजेन्नायाव ग्रे मार्केटाव प्रीमियामआ 75 रांसोमोन।

2002 मायथाइयाव दाजानाय, जंगल केम्प इन्डियाआ भारताव हाग्रानि जिब-जुनार बादा आरो हटेल, मटेल, इन, आलासि न', जिरायनाय साननि न', सावस्रि क्लाब, केटारिं हाउस आरो रेस्टुरेन्टफोरखौ सालायो। बेयो मोनसे रैखाथि-मिरुयारि आलासि सिबिग्रा हानजा जाय गेजेर भारतनि गाहाय हाग्रानि जिब-जुनार आरो टाइगार रिजार्व हायुंआरि पार्कफोराव मोनब्रै बान्था मोनगिरि बुटीक रिसर्टफोर सालायो।

खंबाट्टा सिकिउरिटिजआ जंगल केम्प्स इन्डिया IPO नि सासेल' बिजाब सोलिबाय थानाय गाहाय सामलायगिरि, जेराव स्काईलाइन फाइनेन्सियेल सार्विसेस प्राइभेटआ बे आयदानि रेबथुमगिरि। जंगल केम्प्स इन्डिया IPO नि हाथाइ बानायग्राया निकुंज स्टक ब्रकर्स। कम्पानिनि बाहागोफोरखौ BSE SME प्लेटफर्मआव फारिलाइ खालामनायनि अरायथा नङि अक्ट' महरै 17 दिसेम्बर, मंगलबाराव फारिलाइ खालामनाय जागोन।

रां थिसनगिरिफोर, जायफोरा जंगल केम्प इन्डियानि जारि खालामनायनि थाखाय बिड खालामदोंमोन, बम्बे स्टक एक्सचेन्ज (BSE) नि वेबसाइटाव राननायनि थाथायखौ नायग्रोमनो हागोन:

1) https://www.bseindia.com/investors/appli_check.aspx थां।

2) इसु रोखोमनि सिङाव, इकुइटियाव क्लिक खालाम।

3) जारि खालामनाय मुंनि सिङाव, ड्रपबक्सआव जंगल केम्प्स इन्डिया लिमिटेडखौ सायख'।

4) एप्लिकेसन नाम्बारखौ लिर।

5) पान कार्ड आइदिखौ दाजाबदेर।

6) 'आं रबट नङा' आव click (क्लिक) खालाम आरो search button (सार्स बटन) खौ थु।

रां थिसनगिरिफोरा जारि खालामनायनि रेबथुमगिरि स्काईलाइन फाइनेन्सियेल सार्विसेस प्राइभेट लिमिटेड (https://www.skylinerta.com/) नि अनलाइन पर्टेलावबो रानलायनायनि थाथायखौ नायग्रोमनो हागोन।

ALSO READ: ছেবি সতৰ্কবাণীঃ ছেবিয়ে এইচডিএফচিক সতৰ্কবাণী জাৰি কৰিলে, পঢ়ক কি হৈছে

रेबथुमगिरिया मोनसे SEBI-रेबथुमजानाय फसंथान, जाय बेबादि खामानि मावनो थाखाय रोंग'थि गोनां आरो जाय इलेक्ट्र'निक महरै गासैबो आरजलाइफोरखौ प्रसेस खालामो आरो प्रस्पेक्टासनि बायदिब्ला राननाय बिखान्थिखौ मावफुंयो। रेबथुमगिरिया जाफुंसार आर'ज गाबगिरिफोरनो शेयारनि इलेक्ट्रनिक क्रेडिटखौ आपडेट खालामनाय, रां हरफिन्नाय आरो आपल'ड खालामनाय आरो रां थिसनगिरिजों सोमोन्दो थानाय गासिबो सोंलुफोरखौ नायनो थाखाय सम सिमाफोरखौ मानिनायनि थाखाय बिबान गोनां।

1) स्काइलाइन फाइनेन्सियेल सार्विसेस प्राइभेट लिमिटेडनि वेब पर्टेलाव थां।

2) blue-tab (ब्लु टेब) आव रायजोआरि जेंनाफोरनि सायाव click (क्लिक) खालाम।

3. ड्रपबक्साव थानाय कम्पानिखौ सायख', जायनि रानलायनाय थासारिखौ नोंथाङा नायग्रोमनांगोन।

4. आरजलाइ नम्बर/CAF नं, मुलाम्फा मोनग्रा ID एबा PAN ID निफ्राय नोंथांनि सायख'नाय आदबनि गुवारै फोरमायथिखौ हो।

5) नोंथांनि रानलायनाय थासारिखौ मिथिनो थाखाय Search (सार्स) खालाम।