JioStar आ गावखौ प्रीमियाम साब्सक्रिपसन मडेलसिम सिमा खालामनाय नङा, उदय शंकरआ बुङो

रिलायंस इंडस्ट्रीज (RIL) आरो द वाल्ट डिज्नी कंपनीनि जथाय आफादनि लेङाइ-आफादगिरि उदय शंकरआ बुंदोंमोन दि जिय'स्टार (जथाय आफाद) "गावनि स्ट्रीमिंग दिहुनथायफोरखौ भारतारि समाजनि गाहायसिन थाखोआव लांनाय" आव जोबोद गोसो होदों।

"आं खालि भारतारि समाजनि गोजौ थाखोनि थाखायल' सुस्रांनाय सोरजिनायाव फोथायनाय गैया। भारतनि नंगुबै बेसेना बिनि 1.4 बिलियन सुबुंफोरनि सिङावनो थायो, "बधि ट्री सिस्टम्सनि लोगो-गायसनगिरि शंकरआ जथाइ फालांगि लेनदेननि आबुं जानायनि उनाव ब्लुमबर्ग टीवीजों मोनसे मोगा-मोगियाव बुंदोंमोन। बिथाङा बुंदोंमोन दि दारिमिनाव मोनसे दुखुनांथाव बाथ्राया बेनोदि बयबो 1.4 बिलियन सुबुंफोरनि बादै रायज्लायो, नाथाय जेब्ला बिसोरो (मीडिया कम्पानिफोर) गावसोरनि मावखान्थि बानायो, अब्ला बिसोरो गोजौसिन 200-300 मिलियन सुबुंफोरखौ नायो।

70,352 कौटि रांनि मेगा जथाइ फालांगि (RIL-Walt Disney) आ बयनिबो थाखाय गोसो बोनो हाथाव आरो बायनो हाथाव जासिनाय सोरजिनायाव गोसो होदों। बेयो खालि प्रीमियाम साब्सक्रिपसन मडेलसिमल' सिमा गोनां जानाय नङा।

शंकरआ बुंदोंमोन, "स्ट्रिमिं बिथिङाव, जों टेलीविजननि मोनसे गुबुन राहा बानायनो लुबैयो।

जथाइ फालांगिया RIL जों सामलायजानाय। RIL आ 16.34 जौखोन्दो, भायाकम 18 आ 46.82 जौखोन्दो आरो डिज्नीहा जथाय आफादाव 36.84 जौखोन्दो दं। शंकरआ मनेटाइजेसन मडेलखौ गोदान दिहुननो थाखाय आथिखालनि थासारियाव बिरोंदामिननि बाहायनायनि सायाव गोसो होदोंमोन। शंकरआ बुंदोंमोन, "आं सानो भारत आरो मुलुगनाङैनो मीडिया कम्पानिफोरा मनेटाइजेसन मडेलनि गोदान दिहुनथायाव जोबोद अलसिया जादों।

बिथाङा दाजाबदेरदोंमोन दि जाय कम्पानिफोरा गोबाव समनिफ्रायनो गायसनजाबाय, बिसोरबो सोद्रोमा आरो फोसावथाय फान्नायनि रोखोमसे मडेलजों नांथाबना थायो। बिथाङा फोथायो दि आथिखालाव बिरोंदामिनआ कम्पानिफोरखौ बेनिफ्राय बांसिन मावनो हायो आरो जिय'स्टारा फालांगियारि मडेलफोरनि गोदान दिहुनथायाव गोबां गोसो होगोन। ज'जानायनि जाहोनाव जाथावना साख्रि गोमानायनि सोमोन्दै शंकरआ बुंदोंमोन दि जिय'स्टारनि "गाग्लोबारि जौगानाय एजेन्डा" बांसिन सुबुंफोरखौ सोबख'नो हागोन।

ALSO READ: Imports from UAE up 70 pc in October to USD 7.2 bn: Comm min data

शंकरआ बुंबावदों, "रोंग'थिया मोनसे गोनांथि जायखौ जों सानफ्रोमबो मोनफुंनो थाखाय जुजियो आरो आं सानो जिय'स्टारा मोनसे टेलेन्ट मेग्नेट जागोन। माखासे खौरां बिजोंनि रिपर्टफोरनि बायदिब्ला, डिज्नी इन्डियानि गोबां गोजौ थाखोनि मावफुंगिरिफोरा जथाय आफाद जोबनायनि सिगांनो थांखाबाय।