जिअ'ब्लेकरक एसेट मेनेजमेन्ट कम्पानिया गावसोरनि मिउसुएल फान्ड फालांगिनि थाखाय सेबीनिफ्राय गनायथि मोनो।

जिअ' फाइनेन्शियेल सार्विसेस लिमिटेड (जेएफएसएल) आरो मुलुगनां रां थिसनग्रा फार्म ब्लेकर'कनि गेजेराव 50:50 जथाय फालांगि जिअ'ब्लेकरक एसेट मेनेजमेन्टआ सिकिउरिटिज एन्ड एक्सचेन्ज बर्ड अफ इन्डिया (सेबी)निफ्राय गावनि मिउसुएल फान्डनि खामानिखौ जागायनो थाखाय जोबथा गनायथि मोनबाय। बे फालांगिनि थांखिया जेएफएसएलनि गुवार जायगायारि हाथाइनि गियान आरो डिजिटेल-गिबि मावखान्थिखौ ब्लैकरकनि गेजेर हायुंआरि रां थिसननाय रोंग'थिफोर आरो बिनि बिगोमा अलादीन प्लेटफर्मजों लोगोसे जौगा खैफोद सामलायनाय बिरोंदामिनजों खौसे खालामनानै भारतनि सम्पथि सामलायनाय सेक्टरखौ सोलायहोनाय। जिअ' फाइनेन्शियेलआ मोनसे खौरां बिजोंनि फोसावनायाव बुंदोंमोन दि जिअ'ब्लेकरक एसेट मेनेजमेन्ट जासिनायाव गासैबो रां थिसनगिरिफोरनि थाखाय गाहाय फाराग खालामथाव आखुथायफोरा ब्लेकर'कनि गाहाय खैफोद सामलायनाय रोंग'थिजों बिथा खालामजानाय गोदान दिहुनथायफोरजों लोगोसे बादायलु आरो रोखा बेसेनखौ लाफागोन।

जेएफएसएलनि मावफुं नङि सामलायगिरि ईशा अंबानीआ रां थिसननायखौ बयनिबो थाखाय गोरलैयै मोनहोनो थाखाय फालांगिनि थांखिनि सायाव गोसो होनानै बुंदोंमोन, 'ब्लैकरकजों जोंनि हेफाजाबआ मुलुगनां रां थिसननाय गियान आरो जिअ'नि डिजिटेल गोदान दिहुनथायखौ ज' लाबोयो। लोगोसेयैनो, जों रां थिसननायखौ गोरलै खालामनो आरो बेखौ रोखा खालामनो थाखाय बावसोमदों दि बेयो गासैबो भारतारिफोरनि थाखाय मोन्नो हानाय आरो थाफादेरनाय।

ALSO READ: BAT नि 15,000 कौटि रांनि 2.6% बाहागो फाननायनि आसा खालामनायनि उनाव ITC आ 4% गोग्लैयो।

ब्लैकरकआव हादोर गेजेरारि गाहाय राचेल लर्डआ भारताव सम्पथि सामलायनायनि खाबुफोरखौ "जोबोद गोसो गुदुं" बुंदोंमोन आरो बेखौ नोजोर होदोंमोन दि बिसोरनि जथाय फालांगिनि थांखिया "थोंजोङै रां थिसनगिरिफोरनो बाङाय बेसेनाव फसंथानारि गुनगोनां दिहुनथायफोर" जगायनाय। जिअ'ब्लेकर'कआ फैबाय थानाय दानफोराव गोदानथार, खारि-सालायनाय रां थिसननाय दिहुनथायफोरनि मोनसे बायदि रोखोमनि फारि लाबोनो थियारि जादों, जाय खुस्रा आरो फसंथानारि रां थिसनग्रा मोन्नैनिबो थाखाय बाहायनो हानाय आरो रोखाथि मोन्नैखौबो गोनांथि होगोन। फार्मा सिड स्वामीनाथनखौ गावनि सामलायगिरि बिथोनगिरि आरो सि.इ.अ. महरै मुं होदों। सम्पथि सामलायनायाव नै जिथायनिबो बांसिन रोंमोन्दांथिजों, स्वामीनाथनआ सिगाङाव ब्लैकरकनि इन्टारनेसनेल इन्डेक्स इक्विटी डिवीजनखौ नायदिंदोंमोन, जाय सम्फथियाव $1.25 ट्रिलियन सामलायदोंमोन।

स्वामीनाथनआ बुंदोंमोन, "आं जिय'ब्लैकरक एसेट मेनेजमेन्टखौ दैदेननो आरो रां थिसनगिरिफोरखौ थोंजोङै रां थिसननायनि खाबुफोरखौ मुलाम्फा लानो हानानै भारताव सम्पथि सामलायनायनि सोलायनायाव बिहोमा होनो थाखाय जुनिया मोन्थाय मोन्दों।" जिअ'ब्लेकरक एसेट मेनेजमेन्टआ भारतारि मिउसुएल फान्ड सेक्टराव 47थि सम्पथि सामलायनाय कम्पानी जागोन, जाय 68 लाख कौटि रांनि एसेट्स आन्डार मेनेजमेन्ट (ए.यू.एम.) गोग्गायो।