जापान एयारलाइन्सआ गिदिर साइबार एटेकजों बुगिनांदों, बिरखंफोरा गोहोम गोग्लैदों: नोंथाङा मिन्थिनांगौ गासिबो

जापान एयारलाइन्स (JAL) आ बृहस्पतिबारनि फुङाव साइबार गाग्लोबनायजों मोगा-मोगि जानांदोंमोन, जायनि जाहोनाव बिनि इसिङारि आरो बायजोआरि खान्थिफोरखौ हेंथा होदोंमोन।

गाग्लोबनाय, जाय जायगायारि सम बायदियै फुंनि 7:24 रिंगायाव (2224 GMT) जागायदोंमोन, JAL जों रोखा खालाम जादोंमोन।

"दिनै, फुंनि 7:24 रिंगानिफ्राय, जों जोंनि इसिङारि आरो बायजोआरि नेटवर्क आयजेंफोराव साइबार गाग्लोबनायनि सिङाव दं, जाय बायजोआरि खान्थिफोरजों रायज्लायग्रा खान्थिफोराव जेंना सोमजिहोदों। जों आसा खालामो दि बेयो नखरारि आरो हादोर गेजेरारि मोननैबो बिरखंफोरखौ गोहोम खोख्लैगोन। JAL आ X आव मोनसे पस्टआव बुंदों।

जेराव एयारलाइना सिफायनायखौ गनायना लादोंमोन, एयारलाइन्सनि सासे बुंथिगिरिया AFP नो खोन्थादोंमोन दि जाथावना गोबाव जानाय एबा बाथिल खालामनायनि सोमोन्दै हरखाबै जेबो खौरां गैया।

अल निप्पन एयरवेज (ANA) नि उनाव हादोरनि नैथि बयनिख्रुइबो देरसिन एयारलाइन, JAL आ साइबार गाग्लोबनायजों नोजोर होजानाय जापाननि कम्पानिफोरनि मोनसे सेरलेसआव गोदानसिन।

2022 मायथाइयाव, मोनसे साइबार गाग्लोबनाया टय'टा जगायग्रानि खामानिखौ हेंथा होदोंमोन, जायनि जाहोनाव मुलुगनि गोजौसिन गारि बानायग्राया गावनि नखरारि प्लान्टफोराव दिहुन्नायखौ सानसेनि थाखाय दोनथ'नो गोनां जादोंमोन।

ALSO READ: Bitcoin नि बेसेननि इयुन रादाब - 100,000 डलारखौ बारगोन

बावैसो सिगां, जूनआव, मुंदांखा जापाननि वीडिय'-शेयारिं प्लेटफर्म निक'निक'आ मोनसे गिदिर बिबांनि साइबार गाग्लोबनायनि जाहोनाव गावसिनि सिबिथायफोरखौ दोनथ'नो गोनां जादोंमोन, जेरै बिनि अपारेटरआ फोरमायदोंमोन।

बे जाथाया बे बोसोरनि जागायजेन्नायाव सिएटल-टाकोमा गेजेर हायुंआरि बिरखं गाथोन (SEA) आव रोखोमसे हेंथानि उनाव जादोंमोन, जाय मोनसे जाथावना साइबार गाग्लोबनायनि जाहोनाव गोबां गोबाव जानायखौ मोनदांनो हादोंमोन। खौरां मोन्नाय बायदिब्ला बे गाग्लोबनाया पर्ट अफ सिएटलाव "इन्टारनेट आरो वेब सिस्टमफोरा बन्द' जाहोदोंमोन, जायनि फिथाय महरै खामानियाव हेंथा सोमजिदोंमोन।