এই বিষয়ত ভাৰতীয় ৰেলৱেই আমেৰিকা আৰু ইউৰোপতকৈ আগুৱাই গৈ নিজৰ নামত এক নতুন অভিলেখ গঢ়িলে

ভাৰতীয় ৰে’লৱেই এইবাৰ ইঞ্জিন উৎপাদনত এক নতুন অভিলেখ গঢ়ি তুলিছে। এই বছৰ ভাৰতত ১৪০০ ইঞ্জিন উৎপাদন কৰা হৈছে, যিটো আমেৰিকা আৰু ইউৰোপৰ মুঠ উৎপাদনৰ তুলনাত অধিক। ৰে’ল মন্ত্ৰী অশ্বিনী বৈষ্ণৱে লোকসভাত অৱগত কৰে যে দেশৰ ইঞ্জিনৰ উৎপাদন বছৰি ১৪ হাজাৰ হৈছেগৈ। ইউৰোপ আৰু আমেৰিকাৰ মুঠ উৎপাদন একত্ৰিত কৰিলেও দেশখনৰ ইঞ্জিন উৎপাদন তেওঁলোকৰ তুলনাত বহু আগবাঢ়ি আছে।

এই নতুন ইঞ্জিনসমূহ বৰ্তমান চিত্তৰঞ্জন ইঞ্জিন ৱৰ্কছ (চি এল ডব্লিউ), বেনাৰস ইঞ্জিন ৱৰ্কছ (বি এল ডব্লিউ), পাটিয়ালা ইঞ্জিন ৱৰ্কছ (পি এল ডব্লিউ)ৰ দৰে উৎপাদন ইউনিটত আছে। ৰে’ল মন্ত্ৰীগৰাকীয়ে লগতে কয় যে এইবাৰ ভাৰতীয় ৰে’লৱেত প্ৰায় দুই লাখ নতুন ৱেগন সংযোজন কৰা হৈছে। যোৱা দহ বছৰত ৰেলৱেই প্ৰায় ৪১০০০ লিংক-হফমেন-বুছ (এল এইচ বি) ডবাও নিৰ্মাণ কৰিছে। আনহাতে আগতে বছৰি মাত্ৰ ৪০০-৫০০ এল এইচ বি ডবা নিৰ্মাণ কৰা হৈছিল আৰু এতিয়া ৫,০০০-৫,৫০০ ডবা নিৰ্মাণ কৰা হৈছে।

ৰে’ল সুৰক্ষাৰ কথা কওঁতে অশ্বিনী বৈষ্ণৱে কয় যে, অহা কেইবছৰমানৰ ভিতৰত আইচিএফৰ সকলো ডবাক এলএইচবি ডবালৈ ৰূপান্তৰিত কৰা হ’ব। লগতে তেওঁ কয় যে ৰে’ল নিৰাপত্তাৰ ক্ষেত্ৰত বিনিয়োগ ১.১৬ লাখ কোটি টকালৈ বৃদ্ধি কৰা হৈছে, যিটো পূৰ্বতকৈ কেইবাগুণো বেছি।

ALSO READ: Power Grid Shares Gain 3.4% Post Acquiring Transmission Projects

কেন্দ্ৰীয় মন্ত্ৰীগৰাকীয়ে কয়, "দীঘলীয়া ৰে'ল, ইলেক্ট্ৰনিক ইন্টাৰলক, কুঁৱলী সুৰক্ষা যন্ত্ৰ, আৰু 'কাভাচ' ব্যৱস্থা দ্ৰুতগতিত ৰূপায়ণ কৰা হৈছে।" ট্ৰেক ৰক্ষণাবেক্ষণত অধিক গুৰুত্ব দিবলৈ নতুন ধৰণৰ বাহন প্ৰস্তুত কৰা হৈছে - RCR (Rail-cum-Road Vehicle) - যিয়ে গধুৰ সঁজুলি অবিহনে ৰক্ষণাবেক্ষণৰ কাম সহজ কৰি তোলে।

তেওঁ কয়, "৫০,০০০ কিলোমিটাৰ প্ৰাথমিক ৰেল নবীকৰণৰ কাম সম্পূৰ্ণ হৈছে। ২০১৩-১৪ চনত প্ৰতি বছৰে প্ৰায় ৩,৭০০ ৱেল্ডিং বিকল হোৱাৰ বিপৰীতে ই ৯০ শতাংশতকৈ অধিক হ্ৰাস পাই ২৫০ হৈছে। ২০১৩-১৪ চনত বছৰি ২,৫০০ ৰেল ভাঙন এতিয়া মাত্ৰ ২৪০ লৈ হ্ৰাস পাইছে।"