हेक्सावेयरआ 9,950 कौटि रांनि आइपिअ'नि थाखाय सेबिनि गनायथि मोनबाय

हेक्सावेयर टेक्न'ल'जिज लिमिटेडआ मार्केट रेगुलेटर SEBI नि सेयारनि फान्नायनि जासिनाय (OFS) नि गेजेरजों 9,950 कौटि रां बुथुमनो गनायथि मोनबाय। बे IPO आ इनफ'टेक सेक्टर सेगमेन्टनि बयनिख्रुइबो देरसिन IPO जागोन।

SEBI आ PMEA सलार टेक सलुशन्स लिमिटेड, स्कोडा ट्यूब्स लिमिटेड, AJX इंजीनियरिंग लिमिटेड, अल टाइम प्लास्टिक लिमिटेड आरो विक्रान इंजीनियरिंग लिमिटेडनि IPO फोरखौबो गनायथि होदोंमोन।

हेक्सावेयर जासिनायाव आरजाथाव मावफारियाफोरजों सोद्रोमानि थाखाय थिखानाय रांबो दंफायो। बेयो अला इलेक्ट्रिकनि उनाव बे बोसोराव भारतनि बयनिख्रुइबो देरसिन रायजोआरि फारिलाइबो बानायगोन। OFS आव आमेरिकानि गावारि गिदिर कार्लिलजों जौगाहोजानाय कम्पानीनि फोसावगिरि CA मैग्नम होल्डिंग्सजों इक्विटी फाननाय दं।

हेक्सावार, गुबैयै अतुल निशारजों फोसावजानाय, AI जों सालायजानाय राहाफोराव नांथाबना दं आरो राङारि सिबिथाय, सावस्रि जोथोन आरो दिहुनथाय बायदि दारिमिनफोराव सिबिथाय होयो। IPO नि थांखिया शेयार बाहागोआरि बेसेनखौ बांहोनाय आरो प्रमोटरफोरनो तरलता जगायनाय, जायजों कम्पानीनि हाथाइनि आगानखौ गोख्रों खालामनाय जादों।

ALSO READ: नकियाया गोदानसिन बायनायजों सेयार बायबेक प्लेनखौ सिगांहोदों

हेक्सावेयर टेक्न'ल'जिसनि बाहागोफोरखौ नबेम्बर 2020 मायथाइयाव बार्सनिफ्राय फारिलाइनिफ्राय बोखारनाय जादोंमोन, जेब्ला कम्पानिनि बै समनि फोसावगिरिफोरा मोनफ्रोम शेयारआव 475 रांनि नागिरना दिहुननाय डिलिस्टिं बेसेनखौ नाजावदोंमोन। फारिलाइनिफ्राय ओंखारनायनि बोसोरसेसो उनाव, आमेरिकायाव थानाय मोनसे सोरखारि नङि इक्विटी फार्म कार्लाइल ग्रुपआ अक्ट'बर 2021 मायथाइयाव बेरिं प्राइभेट इक्विटी एशियानि कम्पानीयाव 62 जौखोन्दो बाहागोखौ 3 बिलियन डलारआव बायदोंमोन।

गासै 41,000 कौटि रांनि बांसिन रां जथायनायनि थांखिजों 34 कम्पानिफोरा सिगांनिफ्रायनो IPO नि थाखाय SEBI नि गनायथि मोनखांबाय। बेनि अनगायैबो, 55 कम्पानिफोरा रेगुलेटरि क्लियारेन्सखौ नेगासिनो दं, जाय से लाख कौटिसो रां बुथुमनो सानथांखि लादों।

मोनसे कम्पानिया IPO जागायनो थाखाय सेबीनि गनायथि होनाय अक्ट'निफ्राय बोसोरसेनि सम मोनो।