महाराष्ट्र, हरियाणानि बिधानसभा बिसायख'थिनि सिगां पियाज, बासमती मायरंनि बाङायसिन दैथायहरनाय बेसेननि सिमाखौ बोखारदों सोरखारा

सोरखारा सिगाङाव पियाजनि थाखाय बाङायसिन दैथायहरनाय बेसेन (MEP) महरै मोनफ्रोमबो टनआव 550 डलार थि खालामदोंमोन, आरो बासमती मायरंनि दैथायहरनायाव मोनफ्रोमबो टनआव 1,200 डलारनि बाङायसिन दैथायहरनाय बेसेन (MEP) थि खालामदोंमोन, जायखौ उनाव खमायनानै मोनफ्रोमबो टनआव 950 डलार खालामनाय जादोंमोन।

सोरखारा मोनसे बाङायसिन बेसेननि सिमाखौ फोजोबदों जायखौ बियो सिगाङाव पियाजनि दैथायहरनायनि थाखाय थि खालामदोंमोन मानोना बेयो भारतारि आबादारिफोरनो गेजेर हायुंआरि गोबां मुलाम्फाखौ होनो नागिरदोंमोन। 

सोरखारा सिगाङाव बाङायसिन दैथायहरनाय बेसेन (MEP) महरै मोनफ्रोमबो टनआव 550 डलार थि खालामदोंमोन, जायनि गोनांथार ओंथिया बेनोदि आबादारिफोरा गावसोरनि दिहुनथायफोरखौ बे हारनिफ्राय बाङाइ बेसेनाव गुबुन हादोराव फान्नो हाया।

13 सेप्तेम्बराव फोसावजानाय मोनसे DGFT बिथोनलाइआ MEP खौ हरखाब गोहोम गोग्लैनायजों बोखारदोंमोन। बे आगानखौ महाराष्ट्रआव बिधानसभा बिसायख'थिनि सिगां लानाय जादों, जाय मोनसे गाहाय पियाज दिहुनग्रा रायजो। बे राहाया बेसादनि दैथायहरनायखौ बांहोनायाव मदद होगोन। 

"पियाजनि दैथायहरनायाव बाङायसिन दैथायहरनाय बेसेन (MEP) नि सर्तखौ गोख्रै गोहोम गोग्लैनानै आरो फैगौ बिथोनसिम बोखारनाय जायो," बायजोआरि फालांगि बिथोनगिरिया (DGFT) मोनसे फोसावलाइआव बुंदों। 

बेजों लोगोसे, सोरखारा बासमती मायरं दैथायहरनायाव MEP खौ बोखारनायनिबो फोसावदोंमोन। 

एक्स (नेमखान्थि बायदियै ट्विटार) आव मोनसे पस्टआव, फालांगि मन्थ्रि पियुष गयेलआ गोदानसिन थिरांथाखौ बाख्नायदोंमोन आरो बुंदोंमोन दि गोजौ गुन गोनां मायरं दैथायहरनाया आबादारिफोरनि खामायनायखौ बांहोगोन। "बेयो दैथायहरनायखौ बांहोगोन आरो आबादारिफोरनि आयखौबो बांहोगोन," बिथाङा लिरदोंमोन।

बे आगाननि थांखिया हारियाणायाव जानो गोनां बिधानसभा बिसायख'थिनि सिगां खुंथायाव थानाय दोलोनि खाबुखौ बांहोनाय।

थांनाय बोसोराव सोरखारा बासमती मायरं दैथायहरनायाव मोनफ्रोम टनआव 1,200 डलारनि बाङायसिन दैथायहरनाय बेसेन (MEPc) थि खालामदोंमोन, जायखौ उनाव खमायनानै मोनफ्रोमबो टनआव 950 डलार खालामनाय जादोंमोन। मुलुगनि बयनिख्रुइबो देरसिन मायरं दैथायहरग्रा भारतआबो नख'रारि बेसेनफोरखौ होबथानो थाखाय बासमती नङि रोखोमफोरनि दैथायहरनायखौ होबथादोंमोन।

भारतआ इरान, इराक, येमेन, साउदी आरब, जुथाइ आरब एमिरेट्स आरो जुथाइ रायजो आमेरिका बायदि हादोरफोरनो 4-5 मिलियन मेट्रिक टन बासमती दैथायहरो - जाय गावनि मोदोमनायनि थाखाय मुंदांखा प्रीमियाम गोलाव-माइरंनि रोखोम।