सनानि बेसेना 10 रां बांनानै 89,410 रां जाहैयो, रुपानि बेसेना 100 रां बांनानै 1,02,100 रां जायो

सनानि बेसेन दिनै: गुडरिटार्न्स वेबसाइटनि बायदिब्ला 10 ग्राम बेसेनगोसा धातुनि फालांगिया 89,410 रां जानायजों लोगोसे बृहस्पतिबारखालि जागायजेन्नाय फालांगियाव 24 केरेटनि सनानि बेसेना 10 रां जाहैबाय। से किल'ग्राम बेसेनगोसा धातुनि बेसेना 1,02,100 रांआव फाननायजों लोगोसे रुपानि बेसेना 100 रां बांदोंमोन।

22 कैरेट सनानि बेसेना 10 रां बांदोंमोन, जेराव जि ग्राम गोमो धातुनि बेसेना 81,960 रांआव फानजादोंमोन।

मुम्बाइ, कलकाता आरो चेन्नाईआव 10 ग्राम 24 कैरेट सनानि बेसेना 89,410 रांमोन।

दिल्लीयाव जि ग्राम 24 कैरेट सनानि बेसेना 89,560 रांमोन।

मुम्बाइआव 10 ग्राम 22 केरेट सनानि बेसेना कलकाता, बेंगालुरु, चेन्नाइ आरो हाइद्राबादजों समान 81,960 रां।

दिल्लीयाव जि ग्राम 22 कैरेट सनानि बेसेना 82,110 रांमोन।

दिल्ली, कलकाता आरो मुम्बाइआव से किल'ग्राम रुपानि बेसेना 1,02,100 रांमोन।

चेन्नाईआव से किल'ग्राम रुफानि बेसेना 1,11,100 रांमोन।

आमेरिकानि सनानि बेसेना बृहस्पतिबाराव बांदोंमोन मानोना आमेरिकानि हादरगिरि ड'नाल्ड ट्राम्पनि फैगौ सप्तायाव पारस्परिक खाजोना जाबसिननायनि सानथांखिनि सायाव जिंगा सिनाया बांदोंमोन, जाय बायजोनिफ्राय लाबोनाय कारफोर आरो रेजें ट्राकफोराव 25 जौखोन्दो खाजोना लानायनि उनाव जाय मुलुगनां फालांगिखौ बांहोदोंमोन।

ALSO READ: भारत फर्जनि बाहागोआ 6,900 कौटि रांनि रैखाथि बायनाय रादायनि सायाव नोजोर होदों

0026 GMT सिम स्पट सनानि बेसेना 0.1 जौखोन्दो बांनानै 3,022.69 डलार प्रति औंस जाहैदोंमोन। आमेरिकानि सनानि वायदाया 0.2 जौखोन्दो जानानै 3,026.70 डलारसिम सौहैदोंमोन।

बे समावनो, गोल्डमैन सैक्सआ बुधबाराव गावनि 2025 मायथाइनि जोबनायाव सनानि बेसेननि नायखांनायखौ 3,100 डलारनिफ्राय 3,300 डलार मोनफ्रोमबो आउन्सआव बांहोदोंमोन, जाय आसा खालामनायनिख्रुइ गोख्रोंसिन ETF हाबफैनाय आरो मिरुआरि बेंकनि गोनांथिखौ दिन्थिदोंमोन।

स्पट रुपानि बेसेना 0.1 जौखोन्दो खमायनानै 33.69 डलार प्रति औंस, प्लेटिनमनि बेसेना 0.1 जौखोन्दो खमायनानै 973.43 डलार आरो पैलेडियमनि बेसेना 0.5 जौखोन्दो खमायनानै 963.05 डलार जायो।