सनानि बेसेना दिनै: सनानि बेसेना मुलाम्फा बुकिंनि मोगामोगि जागासिनो दं आरो मोनफ्रोम 10 ग्रामआव 450 रां खमायदों, फारसेथिं रुपानि बेसेना किल'ग्रामाव 700 रां खमायदों।

बेसेन बांनायाव खमायनायनि जाहोनाव बेसेनगोसा धातुफोराव मोनसे मोजां ट्रेन्डनि उनाव, रां थिसनगिरिफोरा मुलाम्फा लानो थिरांथा लायो मानोना एम.सि.एक्स.आव गल्ड जूननि वायदा रादायफोरा 93,195 रां मोनफ्रोम 10 ग्रामआव फालांगि खालामो, जाय 452 रां एबा 0.48% गाहायाव दं। सिल्वर जुलाइनि वायदा रादायफोराबो 704 रां एबा 0.73 जौखोन्दोनि खमायनाय नुनो मोन्दों, जाय 96,063 रां मोनफ्रोम किल'ग्रामआव फालांगि खालामदों। मंगलबाराव नखरारि आरो गेजेर हायुंआरि मोन्नैबो हाथाइयाव सना आरो रुपाया मोजां जोबदोंमोन। गोल्ड जूननि वायदा रादायआ 0.80 जौखोन्दो बांनानै 93,647 रां मोनफ्रोम 10 ग्रामआव जोबदोंमोन, फारसेथिं सिल्वर जुलाइनि वायदा रादायआ 1.49 जौखोन्दो बांनानै 96,767 रां मोनफ्रोम किल'ग्रामआव थादोंमोन। एप्रिलाव इउ.एस. बेसेन बांनायाव गोग्लैनायनि उनाव सना आरो रुपाया गेजेर हायुंआरि हाथाइफोराव सिगांनि सेसननिफ्राय खहाखौ उलथायदोंमोन। इउ.एस. बाहायग्रा बेसेन फारियाव (सि.पि.आइ.) एप्रिलाव बोसोरारि 3.2 जौखोन्दो बांनायनि फोरमायथि होदों, जाय मार्चआव 3.3 जौखोन्दोनिफ्राय गाहायाव दं, नाथाय 3.1 जौखोन्दोनि मिजिंथिनायनिफ्राय एसे गोजौसिन।

गाहाय सि.पि.आइ.आ आसा खालामनाय बायदि बोसोराव 2.8 जौखोन्दोआव दिदोमै थायो। इउ.एस. सि.पि.आइ. बेसेन बांनाया गाहायाव फैनायनि जाहोनाव डलार इन्डेक्सआ गावनि थिखिनिनिफ्राय गाहायाव फैदों आरो सना आरो रुफानि बेसेननि थाखाय मोजां जादों। पृथ्वीफिनमार्ट कमोडिटी रिसार्चनि मन'ज कुमार जैननि बायदिब्ला, भारतनि गाहाय मन्थ्रिआ समबाराव फोसावनायनि उनाव बेफोर धातुफोरनि बेसेनफोराबो मोजाङाव फैफिनदोंमोन दि सिन्दूरजों सोमोन्दो थानाय खामानिफोरखौ दोनथ'नाय जादों, नाथाय अरायनि थाखाय बन्द खालामनाय जायाखै। सोलिबाय थानाय आमेरिका-चीन फालांगियारि सावरायनाया मोनसे दारिमिनारि धातु महरै बिनि बिफावनि थाखाय रुपानि बेसेनखौ बांहोदों। बबेखानि, रासिया आरो युक्रेननि गेजेराव जाथावना गोजोन जाथावनाया सनानि बेसेन बांनायखौ होबथानो हागौ। बेजों लोगोसे, इउ.एस. 10 बोसोरनि बन्ड दिहुनथाया बांनायाबो सनानि बेसेन बांनायखौ होबथानो हागौ। जों मिजिं थिदों दि डलार इन्डेक्सआव सोलाय-सोल' आरो सोलिबाय थानाय भू-राजखान्थियारि जेंनाफोरजों गोहोम खोख्लैजानानै बे सप्तायाव सना आरो रुफानि बेसेनफोरा दावराव-दावसि मोनगोन; सनाया गावनि गोनांथार मददनि थाखोखौ $3,140 मोनफ्रोम ट्रय आउन्सआव लाखिनायनि मिजिं थिजादों, आरो रुपानि बेसेना मोनफ्रोम ट्रय आउन्सआव 31.40 डलारसो थागोन होनना साननाय जादों।

ALSO READ: IREDA नि बाहागोफोरा रेकर्ड गोजौनिफ्राय 45 जौखोन्दो खमायदों, गाहायनि ना हमनायनि सम?

सनाखौ माबोरै फालांगि खालामनो? 

मन'ज कुमार जैनआ एम.सि.एक्स.आव सना आरो रुफानि थाखाय गाहायाव होनाय रेन्जफोरखौ सुबुरुन होयो: सनानि मददआ 93,150-92,660 रां आरो रेजिस्टेन्सनि मददआ 94,000-94,450 रां। रुपानि मददआ 96,000-95,350 रां आरो बेनि हेंथाया 97,400-98,200 रां। बिथाङा 97,200 रांनि थांखिनि थाखाय 95,100 रांनि स्टप लसजों लोगोसे 95,800 रांनि खमायनायाव सना बायनाय आरो रुफा बायनायनिफ्राय गोजानाव थानो सुबुरुन होयो। 

फिजिकेल मार्केटआव सनानि बेसेन: दिल्लीआव सनानि बेसेना दिनै : दिल्लीआव स्टेन्डार्ड सना (22 केरेट) नि बेसेना 57,240/8 ग्राम आरो गुबै सनानि बेसेना (24 केरेट) 61,064/8 ग्राम। 

मुम्बाइआव दिनै सनानि बेसेन: मुम्बाइआव स्टेन्डार्ड सना (22 केरेट) नि बेसेना 56,760/8 ग्राम आरो गुबै सनानि बेसेना (24 केरेट) 60,472/8 ग्राम। चेन्नाईआव दिनै सनानि बेसेन: चेन्नाईआव स्टेन्डार्ड सना (22 केरेट) नि बेसेना 56,624/8 ग्राम आरो गुबै सनानि बेसेना 60,408/8 ग्राम जाबाय।

हाइद्राबादाव दिनैनि सनानि बेसेना गाहायाव होनाय बादि: मानगोनां सना (22 केरेट) नि बेसेना 8 ग्रामनि थाखाय 57,160 रां, बबेखानि गुबै सनानि (24 केरेट) बेसेना 8 ग्रामनि थाखाय 60,896 रां।