बेसेन बांनायनि जाहोनाव सनानि बेसेना गिबि खेबनि थाखाय 3,300 डलारखौ सिफायदों

आमेरिका-चीन फालांगियारि जेंना, लोरबां आमेरिकान डलार आरो रैखाथि गोनां दाबिनि गेजेराव सनानि बेसेना जारिमिनारि गोजौसिन $3,318 सिम सौहैबाय।

सनाया 3,300 डलारनि दागोखौ बारनानै मोनसे जाफेरै माइल खुन्थियासिम सौहैबाय, जाय 16 एप्रिलाव सानसेनि गेजेराव 3,318 डलारनि गोजौसिन रेकर्डजों मोनसे गोदान रेकर्ड बानायदों। बेयो थांनाय बोसोराव 40 जौखोन्दो बांनायखौ दिन्थियो, जाय आमेरिकानि फालांगियारि बिथांखिफोरनि सायाव बांलांनाय रोखा नङि आरो आमेरिकान डलारनि बाङाइ जालांनायनि जाहोनाव, जाय रैखाथि गोनां सम्फथिफोरनि दाबिखौ बांहोदों। दिनैनि जोबनाय बेसेना बेखौ दिन्थिगोन दि सनाया बे जारिमिनारि थाखोखौ लाखिनो हागोन ना हाया। हादोरगिरि ड'नाल्ड ट्राम्पजों फोसावजानाय गोनांथार खनिज लाबोनायाव आरोबाव खाजोना लानायनि जाथावनाया चीनजों फालांगियारि जेंनाखौ गोख्रों खालामदों, जाय सनानि हाथाइयाव गोहोम खोख्लैदों।

आमेरिका-चीन फालांगियारि जेंनाया मोनसे थि नङै रांखान्थियारि आबहावा सोमजिहोनायजों रां थिसनगिरिफोरनि गोसोआ सोलायबाय। मुलुगनां रांखान्थियारि जौगानायनि बागै जिंगा सिनाय आरो आमेरिकानि ट्रेजारिफोरनि सायाव फोथायथिया बाङाय जालांनायजों, रां थिसनगिरिफोरा गोख्रैयै सनानि फारसे गिदिंगासिनो दं।

ऑगमन्टनि बिजिरसंनि गाहाय ड. रेनिशा चैनानीआ नोजोर होयो दि सनानि बेसेना दिनै बयनिख्रुइबो गोजौसिनाव सौहैबाय, जाय गाहाय डलार, फालांगियारि दावहानि जेंना, आरो आमेरिकानि हादोरगिरि ड'नाल्ड ट्राम्पनि खाजोना सानथांखिफोरनि फिथाय महरै मुलुगनां रांखान्थियारि जौगानायनि बादै जिंगासिनाय, जाय रैखाथि-थावनि बोहैनायखौ थुलुंगा होदोंमोन। मिरुआरि बेंकफोरनि दिदोमै सना बायनाय आरो सना-हेफाजाब होजानाय ETF आव हाबफैनाया सनानि गोजौथिं दावगानायखौ मदद होयो।

ALSO READ: IREDA नि बाहागोआ दिनै 7 जौखोन्दो बांदों, सप्तासेनि मुलाम्फाखौ 17 जौखोन्दोसिम ला। बेयाव मानो दं

आमेरिकानि बांसिन गाग्लोबग्रा फालांगियारि आखुआ, गुबैयै चिन हादोरनिफ्राय लाबोनाय बेसादफोराव 245 जौखोन्दो खाजोना लानायनि जाथावनाया सोमोन्दोखौ गाज्रि खालामदों आरो सनानि बांसिन गोनांथिखौ थुलुंगा होदों। जेब्लानो US डलारआ लोरबां जालांगासिनो दं आरो रांखान्थि गोग्लैनायनि गिनाया बांगासिनो दं, सनाया गावनि बुल रानखौ लाखिबाय थागोन होनना साननाय जादों। 2025 मायथाइनि उनाव आसा खालामनाय फेडारेल रिजार्वनि हारखौ खमायनाया सनानि बेसेनखौ आरोबाव बांहोनो हागौ। खाजोना बांहोनायनि सायाव चीननि फिन्नाय, मोगा-मोगि जानो लुबैनाय नङा नाथाय आमेरिकानि नारसिननायाव सिरि थानो नेवसिनायनि सायाव बोलो होनानै, सनानि हाथायाव सोलिबाय थानाय फालांगियारि दाङाबाजिनि गोहोमखौ दिन्थियो। भारताव सनानि बेसेना 1 लाख रांनि खाथियाव सौहैगासिनो दं, जाय धातुनि मुलुगनां जौगानाय थासारिखौ दिन्थियो।