सानखरां मोब्लिबनिफ्राय आरजि: आसामा थाबैनो बिथांखि जागायगोन

गुवाहाटी: आसामा थाबैनो मोनसे पियार-टु-पियार (P2P) सानखराङारि गोहो ट्रेन्जेकसन स्किम जागायगोन, जेराव बांसिन सानखराङारि मोब्लिब गोहो गोनां सुबुंफोरा बेनि सायाव फालांगि खालामनो हागोन आरो गोहोनि गोनांथि थानाय गुबुन बाहायगिरिफोरनो फाननानै रां आरजिनो हागोन।

गिबि मन्थ्रि हिमंत बिस्वा सरमा आ सुक्रुबाराव X आव बे फोसावनायखौ खालामनानै बुंदोंमोन दि P2P गोहो ट्रेन्जेकसन स्किमआव, उखुमनि सानखराङारि बिथांखि (RTS) बाहायगिरिफोरा गावसोरनि दाहाराव बांद्राय गोहो थानाय बाहायगिरिफोरा बेखौ थोंजोङै गुबुन बाहायगिरिफोरनो मोनसे डिजिटेल प्लेटफर्मनि गेजेरजों फाननो हागोन।

"बे राहायाव, बेबादि बाहायगिरिफोरा गावनि बांद्राय क्रेडिट गोहोखौ गुबुन बायगिरिफोरनो फालांगि खालामनानै दानफ्रोमबो उफ्रा आय आर्जिगोन," सरमाया बुंदोंमोन।
कर्नाटक, दिल्ली आरो उत्तर प्रदेश बायदि रायजोफोरा सिगांनिफ्रायनो बे गोदानथार नोजोरखौ जागायजेनबाय।

सासे 'प्रसुमार'नि फालांगि, जाय मोननैबो मोब्लिब दिहुनो आरो बाहायो, गाहाय मन्थ्रि सूर्य घर थानाया फालांगियारि प्लेटफर्मफोराव रेबथुमनो गोनां जायो आरो बायगिरिफोरनि थाखाय बांद्राय सानखराङारि इउनिटफोरखौ मोजां खालामनो गनायथि होनांगोन, जायफोरा प्लेटफर्मआव रेबथुमनो गोनांथि दं। फान्नायनि थाखाय बांद्राय इउनिटफोरा सानसेनि थाखायल' मोजां जागोन आरो जासिनाय बेसेना मोनसे थि खालामखानाय सिलिंखौ बारनो हाया।

ALSO READ: 20 दिसेम्बर, 2024 मायथाइयाव मैयानि गोजौसिन मुलाम्फा मोनग्राफोर आरो जेननायफोर:

जुदि फानग्राया होनाय मोब्लिबा सानसेनि थाखाय फानजायाब्ला, जासिनायखौ प्लेटफर्मनिफ्राय बोखारनाय जागोन आरो गोहोखौ APDCL नो फानफिननाय जागोन, जाय जाग्रानि थाखाय मोनसे देरहानायनि थासारि होगोन।

फान्नाय जासिनायखौ नाजावग्रा बायगिरिफोरा पेमेन्ट गेटवे सुबिदानि गेजेरजों रां होनांगोन। बाहायथाय प्लेटफर्मआ जायखिजाया बायगिरि आरो फानग्रानि गेजेराव खालामनाय ट्रेन्जेकसननि फिन्नायखौ बुथुमगोन।

लेनदेननि जाफुंसार आबुं जानायनि उनाव, बाहायथाय प्लेटफर्मआ फानग्रानि एकाउन्टनिफ्राय फानजानाय इउनिटफोरखौ दानगोन आरो बेखौ बायगिरिनि एकाउन्टाव दाजाबदेरगोन, जायखौ उननि बिलफोराव थि खालामनाय जागोन।