खैला सेक्टरनि PSUफोरा फैगौ 5 बोसोराव खैला मावथांखिफोरखौ बांहोनायनि लामायाव

कोल इन्डिया लिमिटेड (CIL) आ फैगौ 5 बोसोराव मोन 36 गोदान खैला मावथांखिफोरखौ जौगाहोनो बिथांखि लादों। सिंगारेनी क'लियरीज कम्पानी लिमिटेड (ACCL) आ फैगौ 5 बोसोराव गं 7 गोदान खैला खनिफोर बेखेवनो बिथांखि लादों। NLC इन्डिया लिमिटेड (NLCIL) आ गं 2 गोदान खैला खनिफोर बेखेवनो बिथांखि लादों।

खैला मन्थ्रि बिफाना गासै 175 खैला ब्लकफोर रान्दोंमोन। बेनि गेजेराव 65 खैला ब्लकफोरा खनि खुलिनायनि गनायथि मोनबाय जायनि गेजेराव 54 आ आथिखालाव सोलिगासिनो दं। बे खैला ब्लकफोरा भारतनि गुबुन-गुबुन रायजो आरो ओनसोलफोराव दं।

कोल इन्डियाआ खैला दिहुनथायखौ बांहोनो राहा लादों

कोल इन्डिया लिमिटेड (CIL) आ खैला दिहुनथायखौ बांहोनो थाखाय गोबां राहाफोर आजावदों। गावनि हा सिंनि (UG) खनिफोराव, CIL आ जेराव हायो बेवहाय गुबैयै सोलिबाय थानाय खनिफोर (CMs) जों लोगोसे मास प्रडाक्शन टेक्न'ल'जिफोर (MPT) नाजावगासिनो दं। CIL आ नागारजानाय/बन्द' खालामजानाय खनिफोर मोन्नायनि जाहोनाव हाइवाल (HW) खनिफोरनिबो बिथांखि लादों।

CIL आ जेराव जाथावगौ बेवहाय गेदेर गोहोनि UG खनिफोरनिबो बिथांखि लागासिनो दं। गावनि अपेनकास्ट (OC) खनिफोराव, CIL हा सिगांनिफ्रायनो गावनि गोजौ-गोहो गोनां एक्सकाभेटर, डाम्पार आरो सारफेस माइनर्सआव गोदानथार बिरोंदामिन दं।

अक्ट'बर 2024 मायथाइयाव दुलाराय भारतारि नख'रारि खैला दिहुन्थाइ

अक्ट'बर 2024 मायथाइयाव गासै भारतारि नख'रारि खैला दिहुन्थाया 84.47 मिलियन टन (MT) (अरायथा नङि) मोन, जाय थांनाय बोसोरनि बे समखोन्दोनि 78.57 मेट्रिक टननि रुजुनायाव 7.5 जौखोन्दोसो बांदोंमोन।

हादोराव खैला/लिग्नाइट खनिफोराव आबहावायारि दिदोमथिखौ जौगाहोनो थाखाय गोबां गोजोर आरो आबहावा-लोगोआरि हाबाफारिफोर लानाय जादों जेरै बिफां गायनाय/जिब-फोसाबनाय, सुबुं समाजनि बाहायनायनि थाखाय खनि दैनि बाहायनाय, इक'-पार्कफोरनि जौगाथाय आरो गोहो आखा-फाखा राहाफोरखौ नाजावनाय।

ALSO READ: ষ্টক মাৰ্কেট বন্ধ: বজাৰত ডাঙৰ শ্বক, চেন্সেক্স প্ৰায় ১২০০ পইণ্ট হ্ৰাস, নিফ্টী ২৪ হাজাৰৰ তলত বন্ধ

बेनि अनगायैबो, गोदान मावथांखिफोरखौ गुदि खालामनो आरो सोलिबाय थानाय मावथांखिफोरखौ मावफुंनो थाखाय सिंगारेनी क'लियरीज कम्पानी लिमिटेड (SCCL) जों नेमबादियै सोमोन्दो लाखिनाय जादों। SCCL आ खैला हेन्डलिं प्लान्टफोर (CHPs), क्रशर, मबाइल क्रशर, प्री-वेइग-बिन बायदि खैलाखौ बोखारनो थाखाय बिथायारि सानज'थाय जौगाहोनो थाखाय मावथांखि लादों।