कोल इन्डियानि दालाय एस.इ.सि.एल.आ टि.एम.सि. खनिज सम्फदजों 7,040 कौटि रांनि गोरोबथायाव सागान होदों

कोल इन्डियानि दालाय एस.ई.सी.एल.आ सुक्रुबाराव बुंदोंमोन दि बियो पेस्ट फिलिं टेक्न'ल'जिखौ बाहायनानै गोबां बिबांनि खैला दिहुन्नो थाखाय टीएमसी खनिज फुंखाफोरजों 7,040 कौटि रांनि गोरोबथा खालामदों।

पेस्ट फिलिंआ मोनसे गोदान मुगानि हा सिंनि खनिनि आदब जाय बिखंनि हा आरजिनायनि गोनांथिखौ फोजोबस्राङो। खैला दिहुनखांनायनि उनाव, जावखांनाय लांदां जायगाफोरखौ फ्लाइ एसनिफ्राय बानायनाय मोनसे जुनिया महरै थियारि खालामनाय पेस्ट, अपेनकास्ट खनिफोर, सिमेन्ट, दै आरो बाइनदिं केमिकेलफोरनिफ्राय गाज्रि अभारबर्डनजों आबुं खालामनाय जायो। बे बिखान्थिया हा बाङाइ जानायखौ होबथायो आरो खनिनि दाथाइयारि दिदोमथिखौ रोखा खालामो।

"साउथ ईस्टर्न कोलफील्ड्स लिमिटेड (एसईसीएल) खैला खनिनि थाखाय पेस्ट फिल टेक्न'ल'जिखौ नाजावनो हानाय भारतनि गिबिसिन खैला पीएसयू जानो थांगासिनो। बे गोदानथार हा सिंनि खनन बिरोंदामिनखौ बाहायनो थाखाय, एसईसीएलआ टीएमसी मिनारेल रिसर्स प्राइभेट लिमिटेडजों 7,040 कौटि रांनि गोरोबथायाव सागान होदों, "सोरखारि सेक्टरनि इउनिटआ मोनसे बिबुंथियाव बुंदों।

बे गोरोबथानि सिङाव, एस.ई.सी.एल. नि करबा ओनसोलाव थानाय सिंघाली हा सिंनि खैला खनियाव पेस्ट फिलिं बिरोंदामिनखौ बाहायनानै गोबां बिबांनि खैला दिहुन्नाय जागोन।

25 बोसोरनि समाव, बे मावथांखिया 8.4 मिलियन टनसो खैला दिहुन्नो हागोन होनना साननाय जादों।

ALSO READ: पि.एफ.सि., आइ.आर.इ.डि.ए.आ जेनसलनि बेरेखायै बिसोरनि दाहारनि नांजाबनायखौ रैखाथि होनो थाखाय आयेनारि राहा लानो सानदों।

सिंघली हा सिंनि खनिखौ 1989 मायथाइयाव बोसोरफ्रोमबो 0.24 मिलियन टन दिहुन्थाय गोहोनि थाखाय गनायथि होनाय जादोंमोन आरो 1993 मायथाइयाव खामानिखौ जागायजेन्दोंमोन। आथिखालाव खनियाव ककिं नङै खैलानि 8.45 मिलियन टन दिहुनजाथाव दोनथुमसालिफोर दं। बेखौ बर्ड आरो पिलार आदबखौ बाहायनानै जौगाहोनाय जादोंमोन, जेराव हा सिंनि खामानिफोरनि थाखाय ल'ड हाल डाम्पार आरो मुलुगनाङारि ड्रिलिं जुन्थिफोरखौ बाहायनाय जादोंमोन।

बबेखानि, खनिनि गोजौनि बिखंनि ओनसोला रोजा रोजा - गामिफोर, गोजौ-टेन्शन मोब्लिब लाइनफोर आरो मोनसे रायजोआरि खामानि बिफाननि लामाजों - रैखाथि आरो आबहावायारि सान्नायफोरनि थाखाय दोरोङारि केभिं आदबफोरखौ जाथावना नङा।

पेस्ट फिलिं बिरोंदामिन जागायनायजों, बे ओनसोलाव खनिनि हाबाफारिफोरा आथिखालाव बिखंनि बिथायारि सानज'थायखौ जेबो हेंथा होआजासे आवगायनो हागोन।

सिंघलीआव बे बिरोंदामिननि जाफुंसार मावफुंनाया गुबुन हासिंनि खनिफोराव खामानिखौ जागायफिन्नायनि लामाखौ गोरलै खालामगोन होनना मिजिं थिनाय जादों, जेराव रोखोमसे हानि हेंथा दं।