BHEL आ 11,000 कौटि रांनि गिदिर अर्डार देरहादों, गुवारै नायग्रोम

BHELनि बाहागोआ BSE आव 296.15 रांनि सिगांनि बन्दनि रुजुनायाव 2.61 जौखोन्दो बांनानै 303.90 रांनि गोजौआव सौहैदोंमोन। मोब्लिब गोहोनि आगजु बानायग्रानि मार्केट केपआ 1.04 लाख कौटि रांसिम बांदोंमोन।

भारत हेवी इलेक्ट्रिकल्स लिमिटेड (BHEL) नि बाहागोआ समबाराव 3 जौखोन्दोसो बांदोंमोन, जेब्ला पिएसइउआ बुंदोंमोन दि बियो अडानी पावार लिमिटेड आरो बेनि लेङाइ (महान एनर्जेन लिमिटेड) जों कवाई, राजस्थान आरो महान, मध्य प्रदेशआव मोनथाम सुपरक्रिटिकल थर्मल पावार प्रजेक्ट (मोनफ्रोमबो 2x800 मेगावाट रेटिं) गायसननो थाखाय मोनसे रादाय गोरोबथा खालामदों। GST खौ नागारनानै मोनथाम अर्डारनि बेसेना गासै 11,000 कौटि रांनि बांसिन।

BHEL नि स्टकआ BSE आव 296.15 रांनि सिगांनि बन्दनि रुजुनायाव 2.61 जौखोन्दो बांनानै 303.90 रांनि गोजौआव सौहैदोंमोन। फार्मनि गासै 4.38 लाख सेयारफोरा आखाय सोलायदोंमोन जाय 13.15 कौटि रांनि फालांगि खालामदोंमोन। मोब्लिब गोहोनि आगजु बानायग्रानि मार्केट केपआ 1.04 लाख कौटि रांसिम बांदोंमोन।

25 आगस्त, 2023 खालि स्टकआ 52 सप्तानि गाहायसिन 105.05 रांआव गोग्लैदोंमोन आरो 9 जुलाई, 2024 खालि 52 सप्तानि गोजौसिन 335.40 रांसिम दावखोदोंमोन। 

25 आगस्त 2024 मायथाइयाव सागान होजानाय रादाय गोरोबथाया कावाई (खोन्दो-II) राजस्थान आरो कवाई (खोन्दो-III) राजस्थान (APL) आरो महान (खोन्दो-III), MEL नि मध्य प्रदेशआव सुपरक्रिटिकल टेक्न'ल'जिनि सायाव बिथा खालामनानै मोनथाम (3) मोब्लिब मावथांखिफोरनि थाखाय आगजु (बयलार, टरबाइन, जेनेरेटर) आरो मोनथाम (3) मोब्लिब मावथांखिफोरनि थाखाय लुनाय आरो कमीशननि नायदिंनायजों सोमोन्दो गोनां।

मावथांखिफोरनि जगायनाया 49 दान (कावाई खोन्दो-II), 52 दान (कवाई खोन्दो-III) आरो 55 दान (महान खोन्दो-III) आव फोजोबनांगौ, "BHELआ बार्सफोरनो हरनाय रादाब बिलाइयाव बुंदोंमोन। 

PSU स्टकआ बोसोरसेआव 184 जौखोन्दो बांदों आरो नै बोसोराव 418.24 जौखोन्दो बांदों। मल्टीबैगर स्टकआ बारा बायजानाय नङा आरो बांद्राय फानजानाय ओनसोलावबो फालांगि खालामाखै, भेल स्टकनि रिलेटिभ स्ट्रेन्थ इन्डेक्स (RSI) सिगनेल होयो जाय 46.3 आव दं। 

BHEL आ भारतनि बयनिख्रुइ देरसिन इन्जिनियारिं आरो दिहुनग्रा कम्पानिफोरनि गेजेराव मोनसे, जाय रांखान्थिनि गुबै सेक्टरफोरनि बांलांनाय गोनांथिफोरखौ आबुं खालामनो थाखाय 180 निबो बांसिन दिहुनथाय जासिनायजों लोगोसे गोबां रोखोमनि दिहुनथायफोर आरो सिबिथायफोरनि डिजाइन, इन्जिनियारिं, लुनाय, आनजाद, कमिस'निं आरो सिबिथाइयाव नांथाबना दं।