आसाम: साहा दिहुनथाया बांदों, मार्च 2025 मायथाइयाव 27.52 मिलियन किल'ग्रामसिम सौहैबाय

आसाम आरो गासै हादोराव साहानि दिहुनथाया मार्च 2024 मायथाइनि रुजुनायाव मार्च 2025 मायथाइयाव बांनाय नुनो मोन्दों। साहा बर्डनि खारि बायदिब्ला, आसामा मार्च 2025 मायथाइयाव 27.52 मिलियन किल'ग्राम साहा दिहुनदोंमोन, जेराव गिदिर आबादारिफोरनिफ्राय 9.77 मिलियन किल'ग्राम आरो फिसा आबादारिफोरनिफ्राय 17.75 मिलियन किल'ग्राम साहा दिहुन्दोंमोन। बिनि उल्थायै, मार्च 2024 मायथाइनि थाखाय आसामाव गासै साहानि दिहुनथाया 21.45 मिलियन किल'ग्राममोन, जायनि फिथाय महरै बे मार्चआव आसामनि साहा दिहुनगिरिफोरा 6.07 मिलियन किल'ग्रामनि मख'जाथाव बांदों।

ALSO READ: ब्रैथि थाखोनि मुलाम्फा बांनायनि उनाव भारती एयारटेलनि बाहागोआ 3 जौखोन्दो बांदों

मार्च 2025 मायथाइयाव भारतनि थाखाय गासै साहा दिहुनथायनि अनजिमाया 65.14 मिलियन किल'ग्राम, जेराव आसामनि दिहुनथायबो दंफायो। गासै दिहुनजानाय साहानि मादाव 26.29 मिलियन किल'ग्रामआ गिदिर दिहुनग्राफोरनिफ्राय आरो 38.85 मिलियन किल'ग्रामआ फिसा दिहुनगिरिफोरनिफ्राय फैदोंमोन। मार्च 2024 मायथाइयाव, भारतआ गासै 63.78 मिलियन किल'ग्राम साहा दिहुनदोंमोन। बे मार्चआव साहानि दिहुनथाया थांनाय बोसोरनि रुजुनायाव 1.36 मिलियन किल'ग्राम बांदों। मार्च 2025 मायथाइयाव दिहुनजानाय 65.14 मिलियन किल'ग्राम साहानिफ्राय, बिहोमाया सीटीसी साहानिफ्राय 56.64 मिलियन किल'ग्राम, अर्थोडक्स साहानिफ्राय 7.73 मिलियन किल'ग्राम आरो ग्रीन टीनिफ्राय 0.77 मिलियन किल'ग्राममोन।