आसामनि मन्थ्रिआ गुवाहाटीआव अनलाइन बिल्डिं पारमिसन सिस्टेम बेखेवदों

गुवाहाटी,फेब्रुवारि 14: आसामनि न' आरो नोगोरारि बिफाननि मनट्री जयन्त माल्लाबरुवाया ब्रिहस्पथिबाराव गुवाहाटीआव जानाय मोनसे फोर्बोनि समाव मावख'आरि महरै अनलाइन बिल्डिं पारमिसन सिस्टेम (OBPS) खौ बेखेवदों। गासै रायजोआव 32 नोगोर खुंथायाव मोन्नो हानाय गोदान खान्थिनि थांखिया नोगोरारिफोरखौ अनलाइन आरज गाबनो गनायथि होनानै बिलडिं पारमिट मोननायनि खान्थिखौ मोजाङै खालामनाय।

हाबाफारियाव बिबुंथि होनानै, मल्लबरुआआ गोसो होनानै बुंदोंमोन दि OBPS खौ मोनसे बांसिन आखा-फाखा, रोखा आरो नोगोरारि-मिरुयारि सिबिथाय होनो थाखाय डिजाइन खालामनाय जादों, जायजों थागिरिफोरनि थाखाय सरासनस्रा गोबाव खालामाजासे गोनां गनायथि मोन्नाया गोरलै जायो। बे हाबाफारिया डिजिटेल राहाफोरनि गेजेरजों रायजोआरि सिबिथायफोरखौ साबसिन खालामनो रायजो सोरखारनि नाजानायनि बाहागो।

राजखान्थियारि जेंनाफोरखौ बिबुंसार होनानै, मल्लबरुआआ कंग्रेस सांसद गौरव गोगोईनि बिसि एलिजाबेथ कलबर्न आरो पाकिस्ताननि इन्टेलिजेन्स एजेन्सि, ISI जों बिथांनि अजद होजानाय सोमोन्दोनि बागै आसामनि गिबि मन्थ्रि हिमन्त बिस्व सर्माजों बावैसो होनाय बिबुंथिनि सायावबो फिननाय होदोंमोन। सरमाया गगैनि मावथायफोरनि सायाव जिंगा सिखांदोंमोन, जेराव 2015 मायथाइयाव पाकिस्ताननि मावख'गिरिफोरजों मोनसे सावरायनायबो दंमोन, जाय बिथांनि राजखान्थियारि हाबाफारिफोराव गुबुन हादोरनि गोहोम गोग्लैनायनि सुबुरुन होदोंमोन।

ALSO READ: मेघालयनि खाजोनाया 2018 मायथाइयाव 1,450 कौटि रांनिफ्राय बांनानै 3,217 कौटि रां जाबाय: गिबि मन्थ्रि कनराड सांमा

बेनि फिननायाव मन्थ्रि मल्लबरुवाआ MP गगैखौ अजदफोरखौ रोखा खालामनो खावलायदोंमोन। बबेखानि, गगैआ बे दाबिफोरखौ नेवसिगारदोंमोन आरो सरमाखौ गावनि दान्थे-बिदान्थेनिफ्राय गोसो बोहोनो नाजानायनि दाय होदोंमोन। बे आयदाया आसामाव राजखान्थियारि जेंनाखौ गोख्रों खालामदों, सरमाया गगैनि स्टार्टअप, प'लिसि फर युथ आरो गुबुन हादोरारि आफादफोरजों बेनि सोमोन्दोनि बागैबो जिंगा सिखांदों।