आसाम नि मन्थ्रिआ एडभान्टेज आसाम 2.0 जथुम्मानि सिगां आहमेदाबादआव रां थिसनगिरि र'ड श'खौ दैदेनदों

अहमदाबाद, 25 जानुवारी: आसामनि मन्थ्रि जयन्त मल्ल बरुवाया सुक्रबारखालि आहमेदाबादआव मोनसे गोजौ थाखोनि इनभेस्टार र'ड श'खौ दैदेनदोंमोन, जाय 25-26 फेब्रुवारि, 2025 आव गुवाहाटीआव जानो गोनां एडभान्टेज आसाम 2.0: इनभेस्टमेन्ट एन्ड इन्फ्रास्ट्रक्चर समिटनि सिगां रायजोनि रां थिसननायनि खाबुखौ बांहोदोंमोन।

मन्थ्रि बरुआआ 230 निबो बांसिन रां थिसनगिरिफोर, फालांगियारिफोर आरो दारिमिननि दैदेनगिरिफोरखौ बिबुंथि होदोंमोन, खोला-सानजा एसियानि थाखाय भारतनि दरखं महरै आसामनि सोलोआरि थाथाय आरो लामा, रेल आरो अख्रां फोनांजाबनायजों लोगोसे बेनि गोख्रों बिथायारि सानजथाइखौ दिन्थियो। बिथाङा रां थिसननायनि थाखाय गाहाय आयदा महरै थाव, मिथिंगायारि गेस, साहा, आबाद आरो सोमखोर गोहो बायदि गाहाय बिथिंफोराव गोसो होदोंमोन।

मन्थ्रिआ आसाम सोरखारनि फालांगियारि लोगोआरि हाबाफारिफोरखौबो दिन्थिफुंदोंमोन, जेराव रां थिसननायखौ सुबिदा खालामनो थाखाय डिजाइन खालामनाय थि खालामनाय थुलुंगा आरो बिथांखिफोर दंमोन। बिथाङा आसामनि जौगाफुनाय दावबायथाय सेक्टरखौ नोजोर होदोंमोन, जाय बेनि धोनि जिब रोखोम आरो हारिमुआरि उनमोनथाइजों सामलायजानाय, आरो टाटा सेमीकन्डक्टर हाबाफारि बायदि बांलांनाय दारिमिनारि मावथांखिफोरखौ रायजोनि दारिमिनारि गोहोनि बिदिन्थि महरै दिन्थिदोंमोन।

ALSO READ: Agriculture Key to Assam’s Biodiesel Push, Says Govt Official, Calls for Policy Reforms

"गाहाय मन्थ्रि नरेन्द्र म'दि आरो गिबि मन्थ्रि हिम्न्त बिस्व सरमा नि दैदेन्नायाव 2.0 जथुम्मानि मुलाम्फाया आसामखौ मोनसे गाहाय रां थिसननाय आरो दारिमिनारि मिरु महरै गायसनगोन। आहमेदाबादनि बे र'ड श'आ सोलोआरि बाहागोदारि खालामनायाव मोनसे गोनांथार आगान, "मन्थ्रि बरुआआ बुंदोंमोन।

बे हाबाफारियाव 230 नि बांसिन गाहाय रां थिसनग्राफोर आरो दारिमिन रोंग'साफोरनि गोसो गुदुं बाहागो लानायखौ नुनो मोनदों, जाय आसामनि जौगाफुनाय फालांगियारि सोरबिथिं खान्थियाव फोथायथिखौ गोख्रों खालामदों। फैबाय थानाय जथुम्माया दारिमिनारि आरो फालांगियारि सोमोन्दोखौ बांहोगोन, जाय आसामनि रांखान्थियारि जौगानायखौ दैदेननो थाखाय मुलुगनां रां थिसननायखौ गोसो बोहोगोन होनना मिजिं थिनाय जादों।

नुजाथिनाय गेदेमा सुबुंफोरनि गेजेराव फिक्की गुजरात काउनसिलनि मासिगिरि राजिब गान्धी आरो ज्ञानेन्द्र त्रिपाठी, ड. एस. लखसमानन आरो वीरेन्द्र मित्तलजों लोगोसे आसाम सोरखारनि गोजौ थाखोनि मावख'गिरिफोर दंमोन।