आसाम सोरखारा दखान, फालांगिफोरखौ 24 घन्टा खुलिनो गनायथि होदों

आसाम सोरखारा थिरांथा लादों दि गुवाहाटी, डिब्रूगढ़ आरो सिलचारआव गासैबो गलाफोर आरो फालांगियारि फसंथानफोरखौ 24 घन्टा खुला थानो गनायथि होनाय जागोन। मोनसे खौरां मेलाव बिबुंथि होनानै, गिबि मन्थ्रि हिमंत बिस्वा सरमा आ बुंदों, रायजो केबिनेटआ राजथावनि नोगोर आरो रायजोनि मोन्नै गोनांथार नोगोरफोराव जौनि गलाफोरखौ गारनानै गलाफोर आरो फालांगियारि फसंथानफोरखौ सानसेआव 24 घन्टा खुलिनो गनायथि होनाय खान्थिखौ गनायथि होदों। बिथाङा बुंदोंमोन दि गुबुन नोगोरफोराव गासैबो गलाफोरखौ फुंनि 2 रिंगासिम खेवनो गनायथि होनाय जागोन, जेराव गामियारि ओनसोलाव हरनि 11 रिंगासिम सिमा थागोन। बबेखानि, मावसाफोरा गोबांसिन गु घन्टानि थाखाय खामानि मावगोन। बेनिखायनो जुदि सोरबा 24 घन्टा सालायनो लुबैयो अब्ला मोनथाम शिफ्ट खालामनांगौ होनना गिबि मन्थ्रिआ बुंदों। बिथाङा बुंदोंमोन दि गलाफोरखौ 24 घन्टा खुलिनो गनायथि होनायनि थिरांथाया फिसा फालांगिफोरखौ मदद होगोन आरो जोबनायाव शिफ्टनि बांनाय अनजिमानि जाहोनाव गोबां साख्रि सोमजिहोगोन।