आसामआ ONGC नि थावजों खहा जानाय 350 नखरफोरनि थाखाय राङारि अनसुंथाइ फोसावदों

आसाम सरखारा मंगलबाराव शिवसागर जिल्लायाव अइल एन्ड नेसारेल गेस कर्परेशन लिमिटेड गोथां थाव दैखराव सौग्रावनायनि जाहोनाव खहा जानाय फ्राय 350 नखरफोरनो साफ्रोमनोबो 25,000 रांनि राङारि अनसुंथाइ फोसावो, मानोना द'थि सानावबो गेसफोरनि हगारनाया सोलिगासिनो दं।

गिबि मन्थ्रि हिमन्त बिश्व सर्माया हेफाजाब फोसावनानै बुंदोंमोन दि पेट्र'लियाम मन्थ्रि हरदीप सिंह पुरीआ दिल्लीआव गोजौ थाखोनि मावख'गिरिफोरजों बेनि सोमोन्दै सावरायदों आरो रायजो आरो मिरु सोरखार मोननैबो थासारिनि बागै नायबिजिरगासिनो ।

भाटियापारनि बारिचुकआव थानाय अ.एन.जि.सि.नि रुद्रसागर थाव फोथाराव रिग नम्बर एस.के.पी. 135 आव थानाय 12 जुनआव मोजाङै आर.डी.एस. 147 आव ब्ल'आउट जागायजेन्दोंमोन। मोनसे गावारि कम्पानि, एस.के. पेट्र' सार्विसेजआ रायजोआरि महारत्न निगमनि जानानै दैखरखौ सामलायगासिनो दंमोन।

सर्माया, समबारनि मोनाबिलियाव जाथायजों खहा जाजानाय सुबुंफोरखौ लोगो हमदोंमोन, बुंदोंमोन, "बादायाव फ्राय 350 नखरफोर दं, आरो बिसोरो जिंगासिदों... खहा सुफुंनायखौ उनाव थि खालामनाय जागोन। गोख्रै रैखाथिनि थाखाय, जों गिबि मन्थ्रिनि रिलिफ फान्डनिफ्राय नखरफ्रोमनोबो 25,000 रां होगोन। बिथाङा मुंख'दोंमोन दि पुरीआ बे आयदानि सायाव सावरायनो थाखाय गावनि मावख'आव मोनसे मेल खुंदोंमोन।

हिमन्तआ बुंदोंमोन, "जेब्ला आं गुवाहाटी सौहैगोन, अब्ला जों बिथांमोनजों मोनसे भिडिअ' कनफारेन्सआव सावरायगोन। सरमाया बुंदोंमोन दि रायजोनि गाहाय नेहाथारिआ बे आयदानि बागै फुंआव अ.एन.जि.सि. नि मासिगिरिजों फोरमाय हरदोंमोन आरो कम्पानिनि गोजौसिन थाखोनि मावख'गिरिया शिवसागरआव गावारि दावबायहैगोन।

अ.एन.जि.सि.आ बुंदोंमोन दि बिसोरो सिगांनिफ्रायनो जुथाइ रायजो आमेरिकानिफ्राय सासे रोंग'साखौ हांख्रायहरखाबाय आरो मिजिंथिदों दि सेरनायखौ थाबैनो होबथागोन। जोंनि गाहाय नेहाथारिआ मिरुआरि पेट्र'लियाम नेहाथारिजोंबो रायज्लायदों, जाय गासैबो गोनांथार राहा लानो खोथा होदोंमोन।

ALSO READ: दिनै नोंथांनि सोहोराव सनानि बेसेन: 18 जुन

गिबि मन्थ्रिआ बुंदोंमोन दि गोहोम गोग्लैनाय सुबुंफोरनि थाखाय खहा सुफुंनायनि गुबै बाथ्राखौ उननि समाव थि खालामनाय जागोन, बे बाथ्रायाव गोसो होनानै बुंदोंमोन दि सेरनायखौ फोजोबनाया आथिखालनि गोजौसिन गोनांथि। बिथाङा बुंदोंमोन, "जुदि गोनांथि जायो, अब्ला रायजो सोरखारा उफ्रा राङारि हेफाजाब होगोन, आरो आंबो थावनियाव फिन फैफिनगोन।"

एखे समावनो, ओनसोलारि आफाद बीर लाचित सेनानि सोद्रोमाफोरा गोहोम गोग्लैनायफोरनो खहा सुफुंनो दाबि खालामनानै मंगलबाराव शिवसागरआव एसके पेट्र' सिबिथायनि मावख'खौ बेंखनदोंमोन। "अ.एन.जि.सि.आ बेनि खहा सुफुंनायखौ होगोन। बबेखानि, कम्पानिया गावनि बिबाननिफ्राय बारग'नो हाया। बेयो ओनसोलनि सुबुंफोरखौ हेफाजाब होनांगोन, "बीर लाचित सेनानि दैदेनगिरि श्रींखल चालिहाया बुंदोंमोन।

अ.एन.जी.सी.आ समबाराव बुंदोंमोन दि बियो गेस हगारनायखौ सामलायनो थाखाय 'बयनिख्रुइबो रोंग'थिगोनां' खैफोद सामलायग्रा हानजा थिसनदों। जिल्ला खुंथाया फोरमायदोंमोन दि बार गुबुंले जानाया गनायजाथाव सिमानि सिङाव थायो, आरो आसामाव गुबुंले दबथायनाय बर्डनि जायगायारि मावख'आ थासारिखौ खाथिनिफ्राय नोजोर होगासिनो दं।

अ.एन.जि.सि.नि सासे मावख'गिरिया सिगाङाव बुंदोंमोन दि बेयो मोनसे गोजाम गोथां थावनि दैखरमोन जाय दिहुनथायाव गैयामोन, आरो ब्लोआउटनि समाव जन ट्रेन्सफारनि थाखाय मोनसे छिद्र खालामनाय खामानिया सोलिगासिनो दंमोन।

"बेयो मोनसे रोखोमनि मोजाङै सिबिथाय होनाय। छिद्र खालामनाय खामानिनि उनाव मोनसे गोदान ओनसोलनिफ्राय दिहुन्नाया जागायजेन्नायनि मिजिं दंमोन। जाथायनि समाव, ल'गिंग छिद्र खालामनाय हाबाफारिया सोलिगासिनो दंमोन। हरखाबै, गेसआ छिद्र खालामखांनायनि उनावनो सामलायनो हायै महरै खारग'नो हमदोंमोन, जायनि फिथाय महरै ब्लोआउट जादोंमोन," बिथाङा बुंबावदोंमोन।