गुजरातआव प्रजेक्ट देरहानायाव अडानी एनार्जी सलुशन्सनि बाहागोआ 4% बांदों।

अडानी एनर्जी सलुशन्सनि स्टकआ सुक्रुबाराव 3.78 जौखोन्दो बांनानै 846.15 रां जाहैदोंमोन, जाय BSE आव सिगांनि 815.30 रांनि जोबनायमोन।

अडानी एनर्जी सलुशन्स लिमिटेड (AESL), जायखौ सिगाङाव अडानी ट्रान्समिसन मुङै मिथिनाय जायोमोन, सुक्रुबाराव 4% बांदों, जेब्ला अडानी ग्रुपनि फार्मा बुंदोंमोन दि बेयो गुजरातआव मोनसे मोब्लिब गोसारहोनाय मावथांखि देरहादों, जाय गुजरातनि मुन्द्रायाव ग्रीन हाइड्रोजन आरो ग्रीन अमोनिया बानायनो थाखाय गोथां इलेक्ट्र'नफोर जगायगोन। बे मावथांखिनि थाखाय 2,800 कौटि रां खरसा जागोन, बेखौ 36 दानाव होनाय जागोन।

अडानी एनर्जी सलुशन्सनि स्टकआ सुक्रुबाराव 3.78 जौखोन्दो बांनानै 846.15 रां जाहैदोंमोन, जाय BSE आव सिगांनि 815.30 रांनि जोबनायमोन। फार्मनि मार्केट केपआ 1.01 लाख कौटि रांसिम बांदोंमोन।

अडानी एनार्जी सलुशन्सनि गासै 1.71 लाख सेयारफोरा आखाय सोलायदोंमोन जाय 14.14 कौटि रांनि फालांगि खालामदोंमोन। 

अडानी एनार्जी सलुशन्सनि बाहागोफोराव बोसोरसेनि थाखाय 1.7 बीटा थायो, जाय बे समाव गोबां दावराव-दावसिखौ दिन्थियो। 

आरोंदायारि बिथिङाव, अडानी एनार्जी सलुशन्सनि रिलेटिभ स्ट्रेन्थ इन्डेक्स (RSI) आ 71 आव दं, जाय बेखौ बांसिन बायनाय ओनसोलाव फालांगि खालामनायनि इसारा होयो। अडानी एनार्जी सलुशन्सनि स्टकआ 5 सान, 10 सान, 20 सान, 30 सान, 50 सान, 100 साननिफ्राय बांसिन फालांगि खालामगासिनो दं नाथाय 150 सान आरो 200 साननि खारनाय सानजेरनिफ्राय बाङाइसिन।

ALSO READ: हिन्दुस्तान कन्सट्रकसन कम्पानिनि बाहागोफोरा दिनै 13 जौखोन्दो बांदों; बेयाव मानो दं

बे मावथांखि 'गुजरातनि मुन्द्रायाव ग्रीन हाइड्र'जेन/अमोनिया दिहुनथाय गोहोनि थाखाय ट्रेन्समिसन सिस्टेम'आव मोननै गिदिर 765/400 KV ट्रेन्सफार्मार दाजाबदेरनानै नाभिनल (मुन्द्रा) मोब्लिबारि साबस्टेसनखौ जौगाहोनाय दं। बेजों लोगोसे, बे साबस्टेसनखौ भुज साबस्टेसनजों फोनांजाबनो थाखाय 75 किल'मिटार गोलाव 765 केभि डाबल-सार्किट लाइन बानायनाय जागोन। 

बे मावथांखियाव AESL नि गासै रानसारथाय बिथायारि सानजथाइयाव 150 CKM ट्रेन्समिसन लाइनफोर आरो 3,000 MVA सोलायनाय गोहोखौ दाजाबदेरनाय नुनो मोनगोन, जाय बेफोरखौ फारियै 25,928 CKM आरो 87,186 MVA सिम लांगोन।

अडानी एनार्जी सलुशन्सआ हादोरनि बयनिख्रुइबो देरसिन गावारि रानसारथाय कम्पानि, जेराव भारतनि 16 रायजोफोराव दं आरो 19,800 CKM आरो 53,000 MVA सोलायनाय गोहोनि जथाइ रानसारथाय नेटवर्क दं। गावनि राननाय फालांगियाव, अडानी एनर्जी सलुशन्सआ नोगोरमा मुम्बाइ आरो मुन्द्रा SEZ नि दारिमिनारि मिरुआव 12 मिलियननि बांसिन बाहायगिरिफोरनो सिबिथाय होयो।