अडानीआ मुम्बाइनि बयनिख्रुइबो देरसिन कनभेनसन सेन्टाराव 2 बिलियन डलार रां खाथायगोन

मुम्बाइ मेट्र'पलिटन रिजन देभेलपमेन्ट अथ'रिटि (MMRDA) आ बै मिरुनि डिजाइनखौ गनायथि होदों जायखौ अडानी हानजाया गेजेर हायुंआरि बिरखं गाथोननि साखाथियाव गायसन्नो सानथांखि लागासिनो दं।

गौतम अडानीजों दैदेनजानाय अडानी ग्रुपआ फोरमायनाय बायदिब्ला मुम्बाइनि बयनिख्रुइबो देरसिन गेजेर हायुंआरि जथुम मिरु (ICC) गायसन्नो थाखाय 2 बिलियन डलारसो खरसा खालामनो सानथांखि खालामगासिनो दं, जाय बेखौ बांद्रा कुर्ला कम्प्लेक्सआव रिलायेन्स जिअ'नि बुहुमनां जथुम मिरुजों थोंजों बादायलायनायाव खोख्लैगोन। 

लाइभमिन्टनि मोनसे रिपर्टनि बायदिब्ला, मुम्बाइ मेट्र'पलिटन रिजन देभेलपमेन्ट अथ'रिथिआ (MMRDA) मिरुनि डिजाइनखौ गनायथि होदों जायखौ हानजाया गेजेर हायुंआरि बिरखं गाथोननि खाथियाव गायसन्नो सानथांखि लागासिनो दं। रिपर्टआव सुलुंफोरखौ मुंख'नाय जादों दि गुवारै ब्लूप्रिन्टनि थाखाय गनायथिखौ दाननैनि गेजेराव मिजिं थिनाय जादों।

बे मिरुआ बिरखं गाथोननि साखाथियाव सोनाबारि लेङाइ नोगोर विले पार्लेआव थागोन। रिपर्टआव बुंनाय जादों दि बे मिरुआ 275 खथाफोरजों लोगोसे गंसे मोनबा हाथरखि हटेल खुंगोन। 

अडानी हाबआ 1.5 मिलियन बर्ग फुटआव गोसारनायनि मिजिं थिजादों, आरो बेयाव 15,000-20,000 सुबुंफोर थानो हागोन। बेनि रुजुनायाव, जिअ' वर्ल्ड सेन्टारआ 1 मिलियन बर्ग फुटखौ आवग्रियो। अडानी मिरुआव गारिनि पार्किं आरो गुबुन थांखिफोरनि थाखाय 0.3 मिलियन बर्ग फुटजों लोगोसे 1.2 मिलियन बर्ग फुटनि गासै सिंनि ओनसोल थागोन होनना मिजिं थिनाय जादों।

ALSO READ: BIS Aims To Standardize Transformer Repair For Safe Power Distribution Systems

अडानी रियल्टीआ हानजानि गुबै सम्पथि मावथांखिफोरनि बिगोमाब्लाबो, बेयो अडानी एयारपर्ट होल्डिंग्स जाय सम्फथिनि बिगोमा आरो सामलायनायनि खौरां मोननाय जायो। बे हान्जाया हादोराव गं 11 बिरखं गाथोनफोरखौ सामलायो।

जथुम्मा मिरुफोरा जथुममाफोर आरो दिन्थिफुंनायफोर खुङो जाय ओनसोलारि गेलेगिरिफोरखौ मुलुगनां बायगिरिफोर बायदि रोखोमसे आरासियाव लाबोनानै हादोरनि फालांगि आरो दैथायहरनो हानाय गोहोखौ बांहोनायाव मदद खालामो। सोरखारनि बिगोमानि गोदान दिल्लीनि यशोभूमि आरो मुम्बाइनि बिड़ला मातोश्रीआ भारतनि माखासे मुंदांखासिन मिरुफोर।